Artsakhpress

Քաղաքական

Արգենտինայի հեղինակավոր կազմակերպությունները խստորեն քննադատել են Թուրքիայի դեսպանի` Ցեղասպանությունը ժխտող հայտարարությունները

Արգենտինայի հեղինակավոր 12 հասարակական կազմակերպություններ հունիսի 23-ին հայտարարություն են տարածել հունիսի 15-ին «La Nación» օրաթերթի հրապարակած՝ Արգենտինայում Թուրքիայի դեսպան Շեֆիկ Վուրալ Ալթայի նամակի վերաբերյալ՝ նշելով, որ հոդվածի միակ նպատակը Հայոց ցեղասպանության ժխտումն է, «20-րդ դարի առաջին ցեղասպանության», որի զոհերի թիվը շուրջ 1,5 միլիոն է:

Արգենտինայի հեղինակավոր կազմակերպությունները խստորեն քննադատել են Թուրքիայի դեսպանի` Ցեղասպանությունը ժխտող հայտարարությունները

Արգենտինայի հեղինակավոր կազմակերպությունները խստորեն քննադատել են Թուրքիայի դեսպանի` Ցեղասպանությունը ժխտող հայտարարությունները
ՍՏԵՓԱՆԱԿԵՐՏ, 24 հունիսի, ԱՐՑԱԽՊՐԵՍ: Հասարակական կազմակերպությունների հայտարարությունը հունիսի 24-ին հրապարակել է «Página 12» հեղինակավոր օրաթերթը։
«Մարդկության դեմ այդ հանցագործությունը ծրագրել և իրագործել է Օսմանյան կայսրությունը, որի իրավահաջորդը ներկայիս Թուրքիայի Հանրապետությունն է։ Հայոց ցեղասպանությունը ճանաչվել է Արգենտինական Հանրապետության Ազգային Կոնգրեսի կողմից 2007 թվականի հունվարին` նախագահ Նեստոր Քիրշների կողմից վավերացված թիվ 26199 օրենքով, որով «յուրաքանչյուր տարվա ապրիլի 24-ը հայտարարվում է «Ժողովուրդների միջև հանդուրժողականության և հարգանքի օր»` ի հիշատակ ցեղասպանության, որին զոհ գնաց հայ ժողովուրդը»,- նշել են հասարակական կազմակերպությունները։
Հիշատակվել է, որ 1915 թվականի ապրիլի 24-ին Օսմանյան կայսրության հարյուրավոր հայ մտավորականներ, հոգևորականներ և հասարակական գործիչներ համակարգված կերպով ձերբակալվեցին և աստիճանաբար սպանվեցին՝ սկիզբ դնելով այդ մեծ ողբերգությանը, որով Թուրքիան սկսեց պետական ահաբեկչության կիրառումը։ Այսօր այդ ամսաթիվը ներառված է Արգենտինական Հանրապետության պաշտոնական օրացույցում։ Հայտարարության հեղինակներն ընդգծել են, որ Թուրքիայում հայերի բնաջնջման անպատժելիությունը հիմք հանդիսացավ Հիտլերի համար` հրեա ժողովրդի հոլոքոստն իրականացնելու համար։
«Թուրք դեսպանի հիմնավորմամբ՝ ո՛չ հայկական, ո՛չ հրեական պարագաները չի կարելի անվանել «ցեղասպանություն», քանի որ երկուսն էլ տեղի են ունեցել ՄԱԿ-ի 1948 թվականի կոնվենցիայից առաջ։ Արգենտինայի հայ համայնքը, ինչպես և հայկական սփյուռքի այլ համայնքներ, ձևավորվել են սակավաթիվ այն վերապրողներով, ովքեր ժամանել են 1920-ականներին՝ իրենց հիշողություններով, պատմություններով ու վկայություններով և այսօր Արգենտինայի ազգային ինքնության մաս են կազմում: Բազմաթիվ զոհերի հիշատակի նկատմամբ բացարձակ անհարգալից վերաբերմունք ցուցաբերելով՝ դեսպանն ասում է, որ արգենտինացիները ստախոս են, որ Ազգային կոնգրեսը կեղծում է պատմությունը, և որ այն երկրները, որոնք ճանաչել են այս հանցագործությունը, սխալվում են»,- շեշտել են Արգենտինայի 12 հասարակական կազմակերպությունները՝ հավելելով. «Որպես արգենտինացիներ՝ մենք ափսոսում ենք մեր երկրում հավատարմագրված օտարերկրյա դիվանագետի կողմից ճշմարտության և արդարադատության հանդեպ ցուցաբերած այդօրինակ վիրավորանքի համար»:

Հայտարարությունը ստորագրած կազմակերպություններն են՝

Plaza de Mayo-ի տատիկներ

Plaza de Mayo-ի մայրեր - Հիմնադիր գիծ Քաղաքական դրդապատճառներով անհետացածների և կալանավորվածների հարազատներ

Մարդու իրավունքների մշտական ասամբլեա

«Բարի հիշողություն» քաղաքացիական ընկերակցություն

Սուրբ Խաչի Տասներկուսի հարազատներ ու ընկերներ

«Հիշողություն, ճշմարտություն և արդարություն» հանձնաժողով - Հյուսիսային գոտի

Մարդու իրավունքների մշտական ասամբլեա La Matanza

Արգենտինական պատմական և սոցիալական հիշողության հիմնադրամ

Իրավական և սոցիալական հետազոտությունների կենտրոն

ՈՐԴԻՆԵՐ - Մայրաքաղաք

Էկումենիկ շարժում՝ հանուն մարդու իրավունքների


     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Ստեփանակերտ-Ասկերան ավտոճանապարհին ՃՏՊ-ի հետևանքով 4 կին տեղում մահացել է

ԱԽ գրասենյակը հայտնել է, թե ինչու է Բալասանյանը ՌԴ խաղաղապահների և Ադրբեջանի ներկայացուցիչների հետ այցելել Բերձոր

Արայիկ Հարությունյանը մասնակի զորահավաքի ընթացքում զորակոչվածներին զորացրում կատարելու մասին հրամանագիր է ստորագրել

Պետաջակցության համար ներկայացված  ավելի քան 47 հազար դիմումից  25 հազարի վարկն արդեն մարվել է. Ներդրումային հիմնադրամի պատասխանատու

Կարմիր խաչի ներկայացուցիչներն այցելել են Բաքվում պահվող հայ գերիներին

Բերձորից, Աղավնոյից և Ներքին Սուսից տարհանվում են պատմամշակութային կոթողներ. փոխնախարար

ՀՀ բանկերի կողմից սահմանված ՀՀ դրամի փոխարժեքները օգոստոսի 8-ի դրությամբ

Պետք է զինվել ամուր համբերությամբ և չշեղվել Արցախի անկախության ուղուց. նախագահ Հարությունյանն այսօր Ճարտարում էր

Ադրբեջանը Բերձորի Սուրբ Համբարձում եկեղեցին մզկիթի վերածելու նախագիծ ունի. նույն վտանգը նաև Աղավնոյի մատուռին է սպառնում

Search