Artsakhpress

Հասարակական

Պատարայից՝ Աստղաշեն. Արցախում նոր ճանապարհներ՝ աշխարհասփյուռ նվիրատուների միջոցներով

Աշխարհասփյուռ հայության միջոցներով «Հայաստան» համահայկական հիմնադրամը Արցախում ճանապարհներ է կառուցում, տներ շինում եւ ջուր հասցնում՝ մեղմելով 44-օրյա աղետալի պատերազմի հետեւանքները:

Պատարայից՝ Աստղաշեն. Արցախում նոր ճանապարհներ՝ աշխարհասփյուռ նվիրատուների միջոցներով

Պատարայից՝ Աստղաշեն. Արցախում նոր ճանապարհներ՝ աշխարհասփյուռ նվիրատուների միջոցներով
ՍՏԵՓԱՆԱԿԵՐՏ, 21 հունիսի, ԱՐՑԱԽՊՐԵՍ։ 50 կիլոմետր երկարությամբ ճանապարհներ են կառուցվում Կոճողոտում ու Կաղարծիում, Վերին ու Ներքին Հոռաթաղում, Մարտակերտ-Ճանկաթաղ եւ դեպի Դահրավ, Աստղաշեն ու Պատարա տանող հատվածներում, գրում է aniarc.am լրատվական կայքը:
Վերանորոգվող, կառուցվող ճանապարհներից մեկն անցնում է Ասկերանի շրջանի Աստղաշեն գյուղով: Համայնքապետ Արթուր Գրիգորյանը պատմում է, որ Աստղաշեն-Պատարա ճանապարհը մեծ նշանակություն է ունենալու երկու գյուղերի սոցիալ-տնտեսական զարգացման համար: «Կզարգանա զբոսաշրջությունը, եւ կապը մեր մայրաքաղաք Ստեփանակերտի հետ ավելի հարմար կլինի»,- ասում է Գրիգորյանը:
Astghashen villageԱստղաշենի հարեւանությամբ՝ դեպի Պատարա, նոր բնակավայր է կառուցվում՝ ավելի քան 200 տուն: Այս տները Ասկերանի շրջանի օկուպացված համայնքների՝ տունը կորցրած բնակիչների համար են։ Այսօր Աստղաշենում հաստատվել է 30 տեղահանված ընտանիք՝ 130 բնակիչ:
Տեղահանվածներ կան նաեւ Պատարա գյուղում. դպրոցում սովորող 160 աշակերտներից 73-ը այստեղ հաստատվել է 44-օրյա պատերազմից հետո:
Դպրոցի տնօրեն Արթուր Ջահանգիրյանն ասում է՝ լավ ճանապարհը տնտեսության, զբոսաշրջության եւ բոլոր ոլորտներում հաջողության բանալին է: «Երբ ճանապարհը կա, բոլոր ուղղություններով հաջողություններ են սպասվում»,- ասում է նա:
Պատարայի գյուղապետ Վալերի Ղահրամանյանը կարծում է, որ ճանապարհը թե՛ գյուղի, թե՛ պետության համար կարեւոր նշանակություն ունի: «Համոզված եմ, որ հոսքը դեպի գյուղ ավելի կշատանա, որովհետեւ մեր բնությունը շատ գեղեցիկ է, հանգստանալու համար շատ տեսարժան վայրեր եւ մոտ 200 կոթողներ ունենք»,- ասում է նա:
Արցախի կառավարությունը Պատարայի անտառներից բխող գետի ջուրը խողովակաշարով հասցնում է Ստեփանակերտ, որտեղ անցյալ տարի խմելու ջրի լրջագույն պակաս կար:
«Արցախի կառավարությունը խոստացել է, որ կարճ ժամանակում ճանապարհը պիտի ասֆալտապատվի մինչեւ Պատարա, գյուղի մեջ կենտրոնական ճանապարհը եւս պիտի անպայման ասֆալտապատվի: Աշխատանքներն ուշանում են այն պատճառով, որ գյուղից վերեւ ջրամբար է կառուցվում, այդ ջրամբարի համար խողովակաշարերը որ շարվում են, մի քիչ դժվարություն է առաջանում, պիտի այդ աշխատանքները վերջացնեն, դրանից հետո սկսվեն ասֆալտապատման աշխատանքները»,- ասում է Պատարայի գյուղապետը:

     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Ստեփանակերտ-Ասկերան ավտոճանապարհին ՃՏՊ-ի հետևանքով 4 կին տեղում մահացել է

ԱԽ գրասենյակը հայտնել է, թե ինչու է Բալասանյանը ՌԴ խաղաղապահների և Ադրբեջանի ներկայացուցիչների հետ այցելել Բերձոր

Արայիկ Հարությունյանը մասնակի զորահավաքի ընթացքում զորակոչվածներին զորացրում կատարելու մասին հրամանագիր է ստորագրել

Պետաջակցության համար ներկայացված  ավելի քան 47 հազար դիմումից  25 հազարի վարկն արդեն մարվել է. Ներդրումային հիմնադրամի պատասխանատու

Կարմիր խաչի ներկայացուցիչներն այցելել են Բաքվում պահվող հայ գերիներին

Բերձորից, Աղավնոյից և Ներքին Սուսից տարհանվում են պատմամշակութային կոթողներ. փոխնախարար

ՀՀ բանկերի կողմից սահմանված ՀՀ դրամի փոխարժեքները օգոստոսի 8-ի դրությամբ

Պետք է զինվել ամուր համբերությամբ և չշեղվել Արցախի անկախության ուղուց. նախագահ Հարությունյանն այսօր Ճարտարում էր

Ադրբեջանը Բերձորի Սուրբ Համբարձում եկեղեցին մզկիթի վերածելու նախագիծ ունի. նույն վտանգը նաև Աղավնոյի մատուռին է սպառնում

Search