Artsakhpress

Մշակույթ

Ստեփանակերտի արևածագ. արվեստի փառատոնը կհամախմբի Արցախի, Հայաստանի, Սփյուռքի արվեստագետների

Արցախում հունիսի 24-ին կմեկնարկի «Sunrise Stepanakert» (Ստեփանակերտի արևածագ) խորագրով մուլտիմեդիա արվեստի փառատոնը:

Ստեփանակերտի արևածագ. արվեստի փառատոնը կհամախմբի Արցախի, Հայաստանի, Սփյուռքի արվեստագետների

Ստեփանակերտի արևածագ. արվեստի փառատոնը կհամախմբի Արցախի, Հայաստանի, Սփյուռքի արվեստագետների
ՍՏԵՓԱՆԱԿԵՐՏ, 9 հունիսի, ԱՐՑԱԽՊՐԵՍ։ Այն արդեն երկրորդ տարին է անցկացվում, որն ընդգրկում է լուսանկարչության և թվային արվեստի ցուցադրություն, երաժշտական կատարումներ, կինոդիտումներ և ստեղծագործական վարպետության դասեր: Փառատոնի համահիմնադիրներն են սփյուռքահայ երիտասարդ աղջիկներ, որոնք Սփյուռքի գլխավոր հանձնակատարի գրասենյակի կողմից իրականացվող «Իգործ» ծրագրի շրջանակում եկան Հայաստան աշխատելու ու մնացին այստեղ:
Փառատոնի համահիմնադիր Շուշան Քէշիշեանը «Արմենպրես»-ի հետ զրույցում նշեց, որ մեծ ցանկություն էր առաջացել Արցախի համար ինչ-որ գործ անելու: Սկզբում բարեգործական միջոցառում կազմակերպվեց Երևանում, որի ընթացքում ստացված հանգանակությունն ուղղվեց Արցախից տեղահանվածների աջակցությանը:
«Բարեգործական միջոցառումն իրենից ներկայացնում էր ցուցահանդես՝ լուսանկարներ, գրաֆիկ դիզայն, իլյուստրացիա: Այդ նախաձեռնության շրջանակում սկսեցինք աշխատել Լիլիթ Հակոբյանի հետ: Միջոցառումը հաջողությամբ իրականացնելուց հետո մտածեցինք՝ իսկ ինչո՞ւ այն չանցկացնել Արցախում և չանել ավելի մասշտաբային: Այդպես մեզ միավորեց այդ գաղափարն ու սկսեցինք աշխատել: Գնացինք Արցախ, քննարկեցինք ու հասկացանք, որ այն պետք է պարզապես ցուցահանդես չլինի, այլ անցկացվի որպես փառատոն, որը կներառի համերգային ծրագիր, կինոդիտում, վարպետաց դասեր և այլն»,-ասաց Շուշան Քէշիշեանը:
Այս տարի ոչ միայն ծրագիրը մեծացավ, այլև աշխատանքային թիմն ընդլայնվեց ու արդեն երկրորդ անգամ «Sunrise Stepanakert» արվեստի փառատոնն իր դռները կբացի Արցախում: Փառատոնի համահիմնադիր Լիլիթ Հակոբյանը տեղեկացրեց, որ նախորդ տարի փառատոնին շուրջ 800 մարդ է մասնակցել, այս տարի 1200 այցելություն է սպասվում: Մասնակցելու են արտիստներ ինչպես Արցախից, Հայաստանից, այնպես էլ Սփյուռքից: Ցուցահանդեսին կներկայացվեն նաև այլազգի արվեստագետների աշխատանքներ: Այս տարվա թեման «Պատկանելիություն»-ն է:
«Փորձում ենք արվեստի միջոցով ներկայացնել, թե ժամանակակից հայի պատկերացմամբ ինչ է «Պատկանելիություն»-ը: Շուշանը Լիբանանից է, որն աշխատում էր Անգլիայում, ես Սանկտ-Պետերբուրգից եմ, բայց ծնվել եմ Վրաստանում: Մեզ նման շատերը փնտրում են այն տեղը, որին պատկանում են: Համախմբելով Հայաստանի, Արցախի, Սփյուռքի հայերին՝ մենք ցանկանում ենք շեշտել, որ ամեն մայրամուտից հետո սկսվում է լուսաբացը: Ուղերձն այն է, որ կյանքը շարունակվում է, պետք է վերածնվենք ու դա անենք արվեստի միջոցով: Մեզ համար կարևոր է, որ Արցախն իրեն զգա միջազգային հարթակի մի մաս: Այն մեկուսացած օղակ չէ, այլ ընդհանուրի մի մասն է: Մենք ուրախ ենք, որ այլ երկրներից մասնակիցներ ունենք, որոնց աշխատանքները նույնպես ներկայացվելու են»,-ասաց Լիլիթ Հակոբյանը:
Փառատոնին ակտիվ ներկայացված են Արցախի ստեղծագործողները, ժամանակակից արվեստագետները՝ երաժիշտ Արթուր Խաչենց, լուսանկարիչ Դիանա Բալուղյան, ռեժիսոր Մարիամ Ավետիսյան և այլք:  
Փառատոնն անցկացվելու է մինչև հուլիսի 3-ը: Երևանից անվճար ապահովվելու է տեղափոխում Ստեփանակերտ: Նախաձեռնողները նախատեսում են փառատոնը դարձնել ամենամյա:

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Էլեկտրաէներգիայի սակագների փոփոխության վերաբերյալ որոշումն ուժը կորցրած է ճանաչվել. Հայկ Խանումյան

Ադրբեջանական ԶՈՒ-ին Վարդենիսի ուղղությամբ հաջողվել է գրավել մի քանի մարտական դիրք. ՀՀ ԳՇ պետի տեղակալ

Ռուբեն Վարդանյանն արձագանքել է Նախագահ Հարությունյանի առաջարկին

Անվտանգության խորհրդի նիստում Արցախի հարցով միաձայն հայտարարություն է ընդունվել

Համայնքի տարածքում բացօթյա առևտրի թույլտվության համար սահմանվել է օրական 100-350 դրամի չափով տեղական տուրք

Դոլարի փոխարժեքը նվազել է

Սպառվող էլեկտրաէներգիայի ծախսերի որոշ մասի սուբսիդավորումը կիրականացվի նախկին կարգերի համաձայն

Հայաստանում տեղակայված ընկերությունը ընդգրկվել է ԱՄՆ-ի պատժամիջոցների նոր ցանկում

Ադրբեջանի ԶՈւ ստորաբաժանումները կրակ են բացել հայկական մարտական դիրքերի ուղղությամբ

Search