«Genesis Armenia» ուղեղային կենտրոնի «Արցախն ապրում է» նախագծի շրջանակում այսօր` մայիսի 22-ին, Ստեփանակերտի մշակույթի և երիտասարդության պալատում Սոս Սարգսյանի անվան Համազգային թատրոնի կողմից ցուցադրվել է օրվա երկրորդ` «Լոռեցի Սաքոն» ներկայացումը:
Ստեփանակերտում հանդիսատեսի դատին է ներկայացվել «Լոռեցի Սաքոն» ներկայացումը
ՍՏԵՓԱՆԱԿԵՐՏ, 22 մայիսի, ԱՐՑԱԽՊՐԵՍ։ Գլխավոր դերակատար Արման Նավասարդյանն «Արցախպրես»-ի թղթակցի հետ զրույցում իրեն բնույթով արցախցի համարեց։
«Արցախի հանդիսատեսը միշտ առանձնացել է իր յուրահատուկ բնավորությամբ: Սոս Սարգսյանը մեզ միշտ ասում էր, որ արցախցին հայ ազգի սերուցքն է, և այդպես ենք մենք դաստիարակվել: Պատերազմից անմիջապես հետո եկանք Արցախ՝ բեմադրության, բայց չէինք պատկերացնում, որ կունենանք այսպիսի ջերմ հանդիսատես: Իմաստ չէինք տեսնում Երևանյան բեմերում խաղալու, և այստեղ գտանք իմաստը՝ ում համար և ինչու ես բեմ բարձրանում», -նշեց Ա. Նավասարդյանը: 
Դերասանուհի Ալլա Սահակյանի խոսքով այն ամենն, ինչ կազմակերպվում է այսչափ բարձր մակարդակով, ժողովրդի հայրենասիրական ոգին բարձր պահելու, Մշակութային դաշտը ակտիվացնելու համար է։ «Անձամբ ես մեծ ոգևորությամբ եմ գալիս Արցախ, քանի որ ասելիք և տալու բան ունեմ Արցախի ժողովրդին: Տպավորություններս բուռն են։ Ունենում ենք հագեցած օր, և որ ամենակարևորն է, մեր առաքելությունը կատարում ենք սիրով», - նշել է Ա. Սահակյանը:
Նշենք, որ փառատոնից շրջանակներում ստացված ողջ հասույթը կտրամադրվի Շուշիի մանկապատանեկան ստեղծագործական կենտրոնին:
