Artsakhpress

Հասարակական

Ստեփանակերտում հիշատակի միջոցառում է կազմակերպվել

Այսօր՝ մայիսի 20-ին, մայրաքաղաքի Եղիշե Չարենցի անվան թիվ 7 միջնակարգ դպրոցում ուսուցչուհի Անգելինա Եղյազարյանի նախաձեռնությամբ կազմակերպվել է միջոցառում` նվիրված դպրոցի` 44-օրյա պատերազմում նահատակված շրջանավարտ Կարեն Բեգլարյանի հիշատակին։

Ստեփանակերտում հիշատակի միջոցառում է կազմակերպվել

Ստեփանակերտում հիշատակի միջոցառում է կազմակերպվել

ՍՏԵՓԱՆԱԿԵՐՏ 20 մայիսի, ԱՐՑԱԽՊՐԵՍ։ «Արցախպրես»-ի թղթակցի հետ զրույցում Ա. Եղիազարյանը նշեց, որ ուսուցիչները կիսում են հերոսի մոր` իրենց գործընկերուհու վիշտը։

281196917_717549182700394_5532782312268263122_n.jpg (149 KB)

«Առաջարկեցինք Կարենի անունով դասարան անվանակոչել։ Առաջարկն ընդունվեց միաձայն։ Եվ դա նվազագույնն է, որ մենք` ապրողներս, կարող ենք անել նրա` ոչնչով չչափվող նվիրմանն ի պատասխան»,- ասել է Ա. Եղյազարյանը։

Կարեն Բեգլարյանի կնոջ` Անգելինա Առստամյանի խոսքով` գալիք սերունդներն առաջին հերթին պետք է սիրեն մեկը մյուսին, քանի որ բոլոր հաղթանակների հիմքը սերն է։

«Կարծում եմ, որ դպրոցներում այսպիսի միջոցառումների կազմակերպումը պետք է ավանդույթ դառնա, որպեսզի գալիք սերունդները ևս դաստիարակվեն այն հայրենասիրական ոգով, որը ինձ և Կարենին տվել են մեր հայրերը»,-նշել է հերոսի այրին։

«Արցախի պահեստազորի սպաների միություն» հասարակական կազմակերպության նախագահ Կարմեն Ասլանյանը մեզ հետ զրույցում ընդգծեց` չնայած պատերազմում ունեցած պարտությանը` արցախցին շարունակում է ապրել ու արարել։

280614022_420186929950740_9014340498270109001_n.jpg (122 KB)

«Ես Կարենին անձամբ չեմ ճանաչել, բայց այսօր կարող եմ վստահաբար ասել, որ նա այն նվիրյալներից է, ում շնորհիվ մենք այսօր ապրում ու արարում ենք մեր հայրենիքում։ Շնորհակալություն եմ հայտնում Կարենին, նրա նման տղաներին ու նրանց առյուծածին մայրերին. նրանք դաստիարակել են այնպիսի զավակներ, ովքեր առաջնահերթություն են համարել հայրենիքը և իրենց կյանքն են նվիրել` որպես մեծ պատգամ»,- նշել է Կ․ Ասլանյանը։

282697024_424308642472414_4210393968609047861_n.jpg (101 KB)

Հուշ-ցերեկույթի ընթացքում աշակերտները հանդես են եկել հայրենասիրական կատարումներով։


     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Արցախում հունիսի 29-ից դադարեցվելու է գազամատակարարումը. «Արցախգազ»-ից հայտնել են պատճառներն ու ժամկետները

Ստեփանակերտ-Երևան անվճար ուղևորափոխադրման նոր կարգ է սահմանվել

Ճանապարհատրանսպորտային պատահար` մահվան ելքով

Փոփոխություններ` «Ղարաբաղ Տելեկոմ» ցանցում ռոումինգ ծառայության պայմաններում

ԱԱԾ-ն պետական դավաճանության 5 նոր դեպք է բացահայտել (տեսանյութ)

Վթարի են ենթարկվել ՊԲ զինծառայողները, մեկը մահացել է, 4-ի վիճակը ծանր է. ԱՀ ՊԲ

Ստեփանակերտում բացվել է «Քոչարյան» նկարչական ստուդիայի սաների աշխատանքների ցուցահանդեսը

Ստեփանակերտ քաղաքի Առաքելյան փողոցում կրակոցներ արձակած անձը ձերբակալվել է. ԱՀ դատախազություն

Մայրաքաղաքում կայացել է Արցախի պետական ջազ նվագախմբի համերգը

Search