Artsakhpress

Տնտեսական

ԱԺ ֆինանսաբյուջետային և տնտեսական կառավարման հարցերի մշտական հանձնաժողովը նիստ է հրավիրել

Մայիսի 16-ին Արթուր Հարությունյանի նախագահությամբ հրավիրվել է ԱՀ ԱԺ ֆինանսաբյուջետային և տնտեսական կառավարման հարցերի մշտական հանձնաժողովի հերթական նիստը։

ԱԺ ֆինանսաբյուջետային և տնտեսական կառավարման հարցերի մշտական հանձնաժողովը նիստ է հրավիրել

ԱԺ ֆինանսաբյուջետային և տնտեսական կառավարման հարցերի մշտական հանձնաժողովը նիստ է հրավիրել
ՍՏԵՓԱՆԱԿԵՐՏ 16 մայիսի, ԱՐՑԱԽՊՐԵՍ։ Ինչպես տեղեկացնում են ԱՀ ԱԺ լրատվության և հանրության հետ կապերի բաժնից, օրակարգում ««Հարկերի մասին» օրենքում փոփոխություններ և լրացում կատարելու մասին» և ««Ավելացված արժեքի հարկի մասին» օրենքում փոփոխություն կատարելու մասին» օրինագծերի քննարկման հարցերն էին։
Ըստ պետեկամուտների կոմիտեի նախագահի ՝««Հարկերի մասին» օրենքում փոփոխություններ և լրացում կատարելու մասին» օրենքի նախագծի ներկայացումը պայմանավորված է հարկային պարտավորությունների հարկադիր գանձման ընթացակարգերի հստակեցման և օրենքի կիրառության ընթացքում առաջ եկած խնդիրների լուծման անհրաժեշտությամբ։
Օրինագծով առաջարկվում է չկատարված հարկային պարտավորությունների գանձման վարչական վարույթ հարուցել, եթե չկատարված հարկային պարտավորության չափը գերազանցում է 500 հազար դրամը կամ հարկային պարտավորության առաջացման օրվանից հետո անցել է երկու ամսից ավելի ժամկետ, բացառությամբ ստուգման կամ այլ ակտերով հարկային պարտավորություններ առաջադրված լինելու դեպքերի, որոնց մասով սահմանված ժամկետներում պարտավորությունները չկատարելու դեպքում այդ ակտերը անբողոքարկելի դառնալուց երեք ամսվա ընթացքում ներկայացվում են հարկադիր կատարման։
Մեկ այլ փոփոխությամբ առաջարկվում է հարկային պարտավորությունների աստիճանական մարման ժամանակացույցի տևողությունը սահմանել մինչև հինգ ամիս:
Դավիթ Պողոսյանի հավաստմամբ՝ ««Ավելացված արժեքի հարկի մասին» օրենքում փոփոխություն կատարելու մասին» օրենքի նախագծի ներկայացումը պայմանավորված է հացի գնի բարձրացման զսպման անհրաժեշտությամբ:
Համաձայն նախագծով առաջարկվող փոփոխության՝ արտադրողի կողմից Արցախի Հանրապետությունում արտադրված հացի և լավաշի իրացումը կազատվի ԱԱՀ-ից՝ անկախ գյուղատնտեսական արտադրանք արտադրողից ձեռք բերված հումքի բազայի վրա արտադրված լինելու հանգամանքից:
Նախագծերը դրական եզրակացությամբ ներկայացվելու են առաջիկա ԱԺ հերթական նիստի քննարկմանը։

     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Արցախում հունիսի 29-ից դադարեցվելու է գազամատակարարումը. «Արցախգազ»-ից հայտնել են պատճառներն ու ժամկետները

Ստեփանակերտ-Երևան անվճար ուղևորափոխադրման նոր կարգ է սահմանվել

Ճանապարհատրանսպորտային պատահար` մահվան ելքով

Փոփոխություններ` «Ղարաբաղ Տելեկոմ» ցանցում ռոումինգ ծառայության պայմաններում

ԱԱԾ-ն պետական դավաճանության 5 նոր դեպք է բացահայտել (տեսանյութ)

Վթարի են ենթարկվել ՊԲ զինծառայողները, մեկը մահացել է, 4-ի վիճակը ծանր է. ԱՀ ՊԲ

Ստեփանակերտ քաղաքի Առաքելյան փողոցում կրակոցներ արձակած անձը ձերբակալվել է. ԱՀ դատախազություն

Մայրաքաղաքում կայացել է Արցախի պետական ջազ նվագախմբի համերգը

ՀՀ պաշտպանության նախարար Սուրեն Պապիկյանը մեկնել է Մոսկվա

Search