Artsakhpress

Տնտեսական

Տնտեսվարող որոշ խմբերի համար էլեկտրաէներգիայի նոր սակագներ են սահմանվել

Այսօր՝ հունվարի 27-ին, կայացել է Արցախի Հանրապետության Հանրային ծառայությունները և տնտեսական մրցակցությունը կարգավորող պետական հանձնաժողովի արտահերթ նիստը:

Տնտեսվարող որոշ խմբերի համար էլեկտրաէներգիայի նոր սակագներ են սահմանվել

Տնտեսվարող որոշ խմբերի համար  էլեկտրաէներգիայի նոր սակագներ են սահմանվել
ՍՏԵՓԱՆԱԿԵՐՏ, հունվարի 27, ԱՐՑԱԽՊՐԵՍ։ «Արցախպրես»-ի թղթակցի հաղորդմամբ՝ նիստի օրակարգում ընդգրկված էր «Արցախէներգո» փակ բաժնետիրական ընկերության կողմից սպառողներին վաճառվող էլեկտրական էներգիայի սակագները սահմանելու և Լեռնային Ղարաբաղի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի 2015 թվականի սեպտեմբերի 10-ի N 55Ն և նոյեմբերի 25-ի N 61Ն որոշումներն ուժը կորցրած ճանաչելու մասին հարցը:
 
 Զեկուցեց Հանրային ծառայությունների վարչության պետ Աննա Առաքելյանը:
 
«Արցախէներգո» ՓԲ ընկերությունը հայտ է ներկայացրել հանձնաժողով՝  սպառողներին վաճառվող էլեկտրական էներգիայի սակագները վերանայելու վերաբերյալ: Հայտի ներկայացման անհրաժեշտությունը պայմանավորված էր «Արցախէներգո»  ՓԲ-ի կողմից գնվող էլեկտրական էներգիայի սակագնի փոփոխությամբ: Ներկայացված հայտը ամբողջական է և համապատասխանում է հանձնաժողովի՝ 2018 թվականի հունվարի 30-ի N 1Ն որոշմամբ հաստատված կարգին: Էներգետիկայի մասին օրենքով հանձնաժողովին վերապահված իրավասությունների իրականացմամբ հայտի ուսումնասիրման արդյունքում առկա է սակագների վերանայման անհրաժեշտություն»,-ներկայացրել է Ա. Առաքելյանը:
 
Նա ընդգծել է, որ, Արցախի Կառավարության 2022 թվականի հունվարի 26- ի թիվ 53 Ն որոշմամբ, սակագների  վերանայումը չի տարածվում բնակիչ- բաժանորդների, ջերմոցային տնտեսությունների, մշակող արդյունաբերության ոլորտում` հացի ու կաթնամթերքի արտադրությամբ զբաղվող տնտեսվարող սուբյեկտների վրա. վերջիններիս կողմից սպառվող էլեկտրական էներգիայի համար շարունակելու են գործել նույն խթանիչ սակագները։
«Բնակչության ջերմոցային տնտեսությունների և մշակվող արդյունաբերության ոլորտում հացի ու կաթնամթերքի արտադրությամբ զբաղվող տնտեսվարող սուբյեկտների սպառողական խմբերի համար էլեկտրական էներգիայի սակագները կմնան անփոփոխ»,-հավելել է նա:
 
Հիմք ընդունելով էներգետիկայի մասին օրենքի տասներկուերորդ հոդվածի առաջին մասի Ա կետը, տասնվեցերորդ հոդվածի երկրորդ մասը, նորմատիվ իրավական ակտերի մասին օրենքի 41-րդ հոդվածը՝ ԱՀ Հանրային ծառայությունները և տնտեսական մրցակցությունը կարգավորող պետական հանձնաժողովի՝ 2018 թ հունվարի 30-ի ԱՀ էներգետիկայի բնագավառում սակագնի սահմանման վերանայման կարգը սահմանելուն և հանձնաժողովի 2007 թ դեկտեմբերի 26-ի թիվ 23 Ն որոշումը ուժը կորցրած  ճանաչելու մասին թիվ 1 Ն որոշումը, Արցախի Հանրապետության Կառավարության 2022 թվականի հունվարի 26-ի թիվ 53 Ն որոշումը և հաշվի առնելով «Արցախէներգո» ՓԲԸ-ի՝ 2022 թ հունվարի 24-ի հայտը՝ հանձնաժողովը որոշել է սահմանել «Արցախէներգո» ՓԲԸ-ի կողմից սպառողներին վաճառվող էլեկտրական էներգիայի հետևյալ սակագները՝ 110 կՎ լարմամբ  սնվող  սպառողների համար` 42 դրամ /կՎ/ժ` ներառյալ ավելացված արժեքի հարկը՝ գործող  36 դրամի փոխարեն, 35 կՎ լարմամբ սնվող սպառողների համար՝ 44.5 կՎ/ժամ՝ ներառյալ  ավելացված արժեքի հարկը` գործող 40 դրամի փոխարեն, 6.10 կՎ լարմամբ սնվող սպառողների համար, բացառությամբ սույն կետի 4-րդ ենթակետով սահմանված սպառողների, 50.5 դրամ՝ ներառյալ ավելացված արժեքի հարկը` գործող 46 դրամի փոխարեն, 6.10 կԲ լարմամբ սնվող ջեմոցային տնտեսությունների, մշակող արդյունաբերության ոլորտում հացի ու կաթնամթերքի արտադրությամբ զբաղվող տնտեսվարող սուբյեկտների համար սահմանել 46 դրամ, որը չի աճել, մնացել է անփոփոխ, 6,10 կՎ լարմամբ սնվող ջերմոցային տնտեսությունների, մշակող արդյունաբերության ոլորտում հացի ու կաթնամթերքի արտադրությամբ զբաղվող տնտեսվարող սուբյեկտների համար՝ 46,0 դրամ/կՎտժ` ներառյալ ավելացված արժեքի հարկը (սակագինը մնացել է անփոփոխ). 5) 0,38 կՎ և ցածր լարմամբ սնվող սպառողների համար, բացառությամբ սույն կետի 6-րդ և 7-րդ ենթակետերով սահմանված սպառողների`
ա. ցերեկային սակագին` 53 դրամ/կՎտժ` ներառյալ ավելացված արժեքի հարկը՝ գործող 49 դրամի փոխարեն.
բ. գիշերային սակագին` 48 դրամ/կՎտժ` ներառյալ ավելացված արժեքի հարկը՝ գործող 44 դրամի փոխարեն, 0,38 կՎ և ցածր լարմամբ սնվող սպառողների (բնակչության) համար`
ա. ցերեկային սակագին` 49 դրամ/կՎտժ` ներառյալ ավելացված արժեքի հարկը (սակագինը մնացել է անփոփոխ),
բ. գիշերային սակագին` 44 դրամ/կՎտժ` ներառյալ ավելացված արժեքի հարկը (սակագինը մնացել է անփոփոխ), 0,38 կՎ և ցածր լարմամբ սնվող ջերմոցային տնտեսությունների, մշակող արդյունաբերության ոլորտում հացի ու կաթնամթերքի արտադրությամբ զբաղվող տնտեսավարող սուբյեկտների համար՝
ա. ցերեկային սակագին` 49 դրամ/կՎտժ` ներառյալ ավելացված արժեքի հարկը (սակագինը մնացել է անփոփոխ).
բ. գիշերային սակագին` 44 դրամ/կՎտժ` ներառյալ ավելացված արժեքի հարկը (սակագինը մնացել է անփոփոխ):
Նշված սակագներն կգործեն 2022 թվականի մարտի 1-ից:
 

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Հուլիսի 1-ից կփոխվի տեղահանված քաղաքացիների բնակվարձերի փոխհատուցման պետական ծրագիրը. Նախագահ Հարությունյան

Պայթյուն ՌԴ զորամասերից մեկում. կա զոհ և 7 վիրավոր

Ի գիտություն տեղահանված անձանց 40 000 և 20 000 ՀՀ դրամի չափով տրամադրվող ֆինանսական աջակցության ծրագրի շահառուների

Զոհված և անհայտ բացակայող ճանաչված անձանց տեղահանված ընտանիքների բնակապահովման նպատակով հաստատվել է պետական աջակցության տրամադրման կարգը

Արցախում անհետ կորել է ՌԴ քաղաքացի

Փրկարարները Կարկառ գետից դուրս են բերել Օլգա Սանիկովայի դին

300.000-ական դրամի չափով սոցիալական աջակցության ծրագրի իրագործման ընթացքում ապօրինի ստացվել է 47.700.000 դրամ գումար. գլխավոր դատախազություն

ՀՀ-ից ժամանած բժիշկները Ստեփանակերտում անվճար հետազոտություններ և խորհրդատվություն կիրականացնեն

Նախագահ Հարությունյանը շուրջ մեկ տասնյակ օրենքներ է ստորագրել

Search