Artsakhpress

Միջազգային

Իրանը փակել է ՄԱԿ-ի պարտքի զգալի մասը

Իրանը մարել է ՄԱԿ-ում ունեցած իր պարտքի մի մասը և վերականգնել է Գլխավոր ասամբլեայում ձայնի իր իրավունքը։ Այս մասին հայտարարել է ՄԱԿ-ի Գլխավոր ասամբլեայի նախագահի պաշտոնական ներկայացուցիչ Փոլին Կուբյակը։

Իրանը փակել է ՄԱԿ-ի պարտքի զգալի մասը

Իրանը փակել է ՄԱԿ-ի պարտքի զգալի մասը
ՍՏԵՓԱՆԱԿԵՐՏ, 25 հունվարի, ԱՐՑԱԽՊՐԵՍ։ Այս մասին հաղորդում Է regionpress.am։
«Գլխավոր ասամբլեան հաշվի է առել, որ Գվինեան, Իրանը և Վանուատուն վճարել և նվազեցրել են կուտակված պարտքերը։ Սա նշանակում է, որ նրանք այժմ կարող են կրկին քվեարկել Գլխավոր ասամբլեայում», - ասել է Կուբյակը ճեպազրույցի ժամանակ։
Ավելի վաղ Իրանը դարձյալ կորցրել էր ՄԱԿ-ի Գլխավոր ասամբլեայում քվեարկելու իր իրավունքը՝ կազմակերպությանը ունեցած պարտքերի պատճառով։ Քվեարկելու իրավունքը վերականգնելու համար Իրանը պետք է վճարեր 18,4 միլիոն դոլար:
2021 թվականի սկզբին Իրանը դարձյալ բախվեց նույն խնդրին՝ որոշ ժամանակ կորցնելով ձայնի իրավունքը։ Այնուհետև երկրի իշխանությունները հայտարարեցին, որ իրենք միշտ վճարել են տուրքերը, չնայած ԱՄՆ պատժամիջոցներին՝ դրա համար օգտագործելով առկա ֆինանսական ուղիները։ Սակայն 2021 թվականին ԱՄՆ-ն արգելափակել էր այդ ուղիները, ինչի կապակցությամբ Թեհրանը բանակցություններ էր սկսել ՄԱԿ-ի հետ՝ այդ հարցը լուծելու համար։
Թեհրանի առաջարկներից էր պարտքը փակել Հարավային Կորեայում արգելափակված իրանական ակտիվների հաշվին։ Հիշեցնենք, մի քանի տարի է ինչ Իրանը, իր միջուկային ծրագրի զարգացման պատճառով, գտնվում է ԱՄՆ պատժամիջոցների տակ, որոնք սահմանափակում են նրա նավթի արտահանումը, ինչպես նաև արգելափակում են ինչպես պետական, այնպես էլ բարձրաստիճան պաշտոնյաների և իրավաբանական անձանց հաշիվները։
Այդ հաշիվներից մի քանիսը գտնվում են Հարավային Կորեայի բանկերում: 2021 թվականի փետրվարին Սեուլը համաձայնել էր հասանելիություն տալ Թեհրանին պատկանող 1 միլիարդ դոլարի կառավարման հարցում։
Հարավային Կորեայի ընդհանուր պարտքն Իրանին կազմում է 7 մլրդ դոլար։ Դեռևս 2021 թվականի հունվարին Սեուլը Թեհրանի հետ բանակցությունների ժամանակ խոստացել էր լուծել դրանց ապասառեցման հարցը, սակայն այն դեռևս մնում է չլուծված։

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Արցախում հունիսի 29-ից դադարեցվելու է գազամատակարարումը. «Արցախգազ»-ից հայտնել են պատճառներն ու ժամկետները

Ստեփանակերտ-Երևան անվճար ուղևորափոխադրման նոր կարգ է սահմանվել

ԱԱԾ-ն պետական դավաճանության 5 նոր դեպք է բացահայտել (տեսանյութ)

Փոփոխություններ` «Ղարաբաղ Տելեկոմ» ցանցում ռոումինգ ծառայության պայմաններում

Ստեփանակերտ քաղաքի Առաքելյան փողոցում կրակոցներ արձակած անձը ձերբակալվել է. ԱՀ դատախազություն

ԿԽՄԿ ներկայացուցիչները տեսակցել են Ադրբեջանում պահվող հայ գերիներին

Ինչ է նշանակում ԼՂ կարգավիճակի նշաձողի իջեցում. ՀՀ վարչապետի պարզաբանումը

Արցախում սահմանադրական փոփոխությունների հանրաքվեն կարող է լինել դեկտեմբեր-փետրվարին․ զրույց Հանձնաժողովի նախագահի հետ  

Արցախում մեկնարկել է «Ապրելու ձայնը» խորագրով գրական- մշակութային նախագիծը

Search