Artsakhpress

Հասարակական

«Ոչ թե հայրենագովք ու հայրենաբաղձություն, այլ ոգեղեն պայքարի պատգամ». Լույս է տեսել Նատաշա Պողոսյանի «Պատերազմական օրագիր» գիրքը

Արցախի ԿԳՄՍ նախարարության երաշխավորությամբ լույս է տեսել ԱՀ վաստակավոր մանկավարժ, Մարտակերտի թիվ 1 միջնակարգ դպրոցի հայոց լեզվի և գրականության ուսուցչուհի Նատաշա Պողոսյանի «Պատերազմական օրագիր» գիրքը։

«Ոչ թե հայրենագովք ու հայրենաբաղձություն, այլ ոգեղեն պայքարի պատգամ». Լույս է տեսել Նատաշա Պողոսյանի «Պատերազմական օրագիր» գիրքը

«Ոչ թե հայրենագովք ու հայրենաբաղձություն, այլ ոգեղեն պայքարի պատգամ».  Լույս է տեսել  Նատաշա Պողոսյանի «Պատերազմական օրագիր» գիրքը

ՍՏԵՓԱՆԱԿԵՐՏ, 22 հունվարի, ԱՐՑԱԽՊՐԵՍ։«Արցախպրես»-ի թղթակցի հետ զրույցում հեղինակը նշեց, որ «Պատերազմական օրագիրը» նվիրել է հավերժի ճամփորդ դարձած մեր լույս տղաներին։

«Գրքի շապիկին տեղ են գտել մեր կրթօջախի՝ Մարտակերտի Վլադիմիր Բալայանի անվան միջնակարգ դպրոցի` 44-օրյա պատերազմում զոհված շրջանավարտները։

Գիրքը 2020-ի սեպտեմբերի 27-ով է սկսվում՝ պատերազմի առաջին օրվանից, ընդգրկում է 11 ամիս, մինչև՝ 2021–ի օգոստոսի 27-ի ուսուցիչների խորհրդակցությունը։ Եվ յուրաքանչյուր խորագիր ինքնին տեսանելի է դարձնում մեր անցած վշտահար ճանապարհը՝ «Գրառումներ ապաստարանից», «Դեպի փրկության հանգրվան», «Ցասում», «Մենք վերքերեն երգեր կշինենք», «Տարհանվածներս», «Վերադարձ», «Հետպատերազմյան դպրոց», «Անհանգիստ խոհեր», «Վերածնունդ», «Արցախը կարդում է»։

Բնութագրությունը հասանալի չէ

Պատերազմական օրերին իմ` ականատեսիս, օրագրային գրառումներն ընթերցողներին տեսանելի դարձան 42 օր՝ կրակի բերանում հաղթելու հավատով, 43-րդ օրը՝ խուճապի մատնված, Հայաստանի ճանապարհին, 44-րդ օրը՝ իրավիճակից ցնցված, 45-րդ օրվանից՝ ցասումով լցված...
Մեր բնակավայրից տարհանվելուց հետո 60-րդ օրն ընտանիքով Մարտակերտում նոր լուսաբաց դիմավորեցինք: Վերադարձանք, որ ապրեցնենք այն մի կտոր հայրենիքը, որ մնացել էր մեզ` ավերված ու բզկտված... Բայց նորից վերընձյուղվելու հույսով:
Գիրքը հրատարակվել է Նորա Պետրոսյանի ֆինանսական օժանդակությամբ։
Մեծագույն շնորհակալությունս ամերիկաբնակ հայուհուն՝ իր մարդասիրական բարեգործության համար։ Խորին երախտագիտությունս հարգարժան նախարար Լուսինե Ղարախանյանին՝ նաև ուսուցչուհուս` գրքի խմբագրական ուղղորդումների, հրատարակությանը ցուցաբերած նախաձեռնողականության համար», - նշել է Ն. Պողոսյանը ։
Գրքի խմբագիր Լուսինե Ղարախանյանի խոսքով՝ Նատաշա Պողոսյանի «Պատերազմական օրագրում» ներկայացված են 44-օրյա պատերազմի ընթացքում և դրանից հետո ուսուցչի գրառումները։ «Դրանք սոսկ սովորական փաստագրական վկայագրումներ չեն։ Օրագրային գրառումներում կան, պատերազմի ընթացքում և դրանից հետո ծնված դիմանկարներ, որոնք ոչ թե հայրենագովք ու հայրենաբաղձություն, այլ ոգեղեն պայքարի պատգամ են դառնում։

Գիրքը նաև վաստակաշատ մանկավարժի խիզախումն է, հայրենիքին պատուհասած իրականությունը՝ ապագան փրկելու արձագանքով», - ասում է Լ. Ղարախանյանը։


     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Զոհված և անհայտ բացակայող ճանաչված անձանց տեղահանված ընտանիքների բնակապահովման նպատակով հաստատվել է պետական աջակցության տրամադրման կարգը

Փրկարարները Կարկառ գետից դուրս են բերել Օլգա Սանիկովայի դին

300.000-ական դրամի չափով սոցիալական աջակցության ծրագրի իրագործման ընթացքում ապօրինի ստացվել է 47.700.000 դրամ գումար. գլխավոր դատախազություն

ՀՀ-ից ժամանած բժիշկները Ստեփանակերտում անվճար հետազոտություններ և խորհրդատվություն կիրականացնեն

Նախագահ Հարությունյանը շուրջ մեկ տասնյակ օրենքներ է ստորագրել

Ազգային ժողովի նախագահին են դիմել Ադրբեջանի վերահսկողության տակ անցած Ասկերանի շրջանի վերին ենթաշրջանի համայնքների աշխատակազմերի աշխատողները

Գլխավոր դատախազությունը մեկնաբանել է Սամվել Կարապետյանին առնչվող գործի շուրջ հանրային արձագանքները

Արցախի իրավապահների կողմից հետախուզվողը հայտնաբերվել է Բագրատաշենի սահմանային անցակետում

Իրավապահ համակարգը պայքարում է նաև սեփական շարքերում հանցավոր երևույթների դեմ (ձայնագրություն)

Search