«Թեհրանն ու Մոսկվան բանակցություններ են վարում Բուշերի ԱԷԿ — ում նոր բլոկների կառուցման շուրջ», - ասված է հեռուստաալիքի հաղորդագրության մեջ:

Կառույցի ներկայացուցչի խոսքով՝ նախագիծը համապատասխանում է Ատոմային էներգիայի օգտագործման միջոցով առնվազն 10 հազար մեգավատ ԷլեկտրաԷներգիա արտադրելու Իրանի ծրագրին: «Մենք ակնկալում ենք պատվիրակությունների փոխանակում մոտ ապագայում, որպեսզի իրականացնենք նոր նախագծեր», — ասել է Քամալվանդին:

Ըստ կազմակերպության ներկայացուցչի, ՌԴ-ի հետ ատոմային էներգետիկայի ոլորտում ծրագրվող նախագծերից մեկը մոտ 5 մլրդ դոլար կարժենա Իրանի համար:

Հիշեցնենք, արդեն մի քանի տարի է՝ Իրանն ու ՌԴ-ն աշխատում են ատոմային էներգետիկայի զարգացման խոշորագույն նախագծի՝ «Բուշեր» ԱԷԿ-ում նոր էներգաբլոկների կառուցման վրա։ Ատոմակայանի առաջին բլոկը, որը կառուցվել էր ՌԴ-ի մասնակցությամբ, Իրանի ազգային էներգահամակարգին միացված է եղել 2011 թվականի սեպտեմբերից:

Այժմ ընթանում է երկրորդ էներգաբլոկի շինարարությունը և կնքվել է երրորդ էներգաբլոկի կառուցման պայմանագիրը։