ԱՄՆ նախագահն ասել է, որ ժամանակը չէ հրաժարվել Իրանի հետ բանակցություններից՝ միջուկային զենքի վերահսկման համաձայնագրի կնքման համար։
Բայդեն․ Իրանի հետ համաձայնագիր կնքելու հնարավորություն դեռ կա
Միացյալ Նահանգները վերջնաժամկետ է սահմանել բանակցությունների ավարտի համար՝ հունվարի վերջ կամ փետրվարի սկիզբ։ Ենթադրվում է, որ մինչ այս Իրանը կհատի տեխնիկական շեմը, որից հետո ցանկացած բանակցություն ընդմիշտ կդառնա անարդյունավետ։
Բանակցությունների ժամկետը կարող է երկարաձգվել, եթե Իրանը դադարեցնի ուրանի հարստացումը, սակայն դրանում նույնպես պետք չէ հույս դնել։ «Մենք հնարավորինս մոտ ենք համաձայնությանը, բայց նաև հնարավորինս մոտ ենք բանակցությունների խափանմանը», - ասել է ԱՄՆ բարձրաստիճան պաշտոնյան Walla-ին: «Մենք պատրաստ ենք և ցանկանում ենք համաձայնության գալ, բայց պատրաստ ենք նաև այն հնարավորությանը, որ բանակցությունները փակուղի կհասնեն, ինչը կխորհրդանշի միջուկային համաձայնագրի վերջնական մահը»։
Այս ֆոնին Իրանի նախագահ Իբրահիմ Ռաիսին չորեքշաբթի հանդիպել էր Ռուսաստանի նախագահ Պուտինի հետ։ Բանակցությունների ավարտից հետո Ռաիսին ասել էր, որ Ռուսաստանն ու Իրանը համատեղ հանդես կգան ԱՄՆ-ի դեմ միջազգային ասպարեզում և կստորագրեն երկարաժամկետ համագործակցության համաձայնագիր։ Իրանը նույնպես պատրաստվում է անդամակցել Շանհայի համագործակցության կազմակերպությանը և հույս ունի, որ Ռուսաստանը կօգնի այս հարցում։
