Artsakhpress

Վերլուծական

Ադրբեջանա-ղարաբաղյան հակամարտություն. 30 տարի առաջ՝ հունվարի 19-ին…

1992 թ. հունվարի 19-20-ը Ստեփանակերտի արվարձանում շարունակվող մարտերը պսակվեցին փայլուն հաջողությամբ. Կրկժանն ազատագրվեց, հայ մարտիկները դիրքեր զբաղեցրին գերիշխող բարձունքների վրա:

Ադրբեջանա-ղարաբաղյան հակամարտություն. 30 տարի առաջ՝ հունվարի 19-ին…

Ադրբեջանա-ղարաբաղյան հակամարտություն.  30 տարի առաջ՝ հունվարի 19-ին…

ՍՏԵՓԱՆԱԿԵՐՏ, 19 հունվարի, ԱՐՑԱԽՊՐԵՍ։ Այս կապակցությամբ «Արցախպրես»-ի թղթակցի հետ զրույցում «Կաճառ» գիտական կենտրոնի ղեկավար, պ.գ.թ., դոցենտ Մհեր Հարությունյանը նշեց, որ Ստեփանակերտի արվարձանի վերածված հին հայկական Կրկժան գյուղը 1988-1990 թթ. դարձել էր ադրբեջանական ՄՀՆՋ-ների (միլիցիայի հատուկ նախանշանակման ջոկատ՝ ՕՄՕՆ) վտանգավոր հենակետերից մեկը, որտեղից անընդհատ գնդակոծվում էին մայրաքաղաքի բնակելի թաղամասերը և հաճախակի հարձակման ենթարկվում ծայրամասերը:

«1991թ. դեկտեմբերին Կրկժանի կրակակետերը վնասազերծելու գործողությունները ցանկալի արդյունք չունեցան: 1992 թ. հունվարի 19-ին Կրկժանում թշնամու ամրացված հենակայանի ջախջախման գործողությանը մասնակցեցին հայկական 26 ոչ մեծ ջոկատներ: Գործողությունն սկսվեց գիշերը և ընթացավ երկու ուղղություններով: Ըստ օպերացիայի հրամանատար, գնդապետ (1993-ից՝ գեներալ-մայոր) Արկադի Տեր-Թադևոսյանի՝ հաջողությանը մեծապես նպաստեցին Վարդան Ստեփանյանի շարժունակ խմբի շուրջ 40 կամավորների ձեռնարկած գործողությունները: Մասնավորապես, տարաշարժային խումբը դուրս եկավ հակառակորդի թիկունք և հանկարծակիի բերեց ադրբեջանցիներին: Դրան անմիջապես հետևեց հայկական հիմնական ուժերի հարվածը ճակատից, ինչն էլ արագ ավարտվեց հաջողությամբ:

Թշնամու դիմադրության ընկճմանը, մեր դիտարկմամբ, մեծապես նպաստեց նաև ԿՍ-19 հակակարկտային հրանոթից ուղիղ նշանառությամբ հակառակորդի կրակակետերի ճնշումը: Այդ օպերացիան ԼՂՀ ինքնապաշտպանական ուժերի լուրջ հաղթանակներից էր, ինչն իր հոգեբանական ու քաղաքական նշանակությամբ գրեթե հավասարազոր էր զուտ ռազմականին:

Դրա շնորհիվ Ստեփանակերտն ազատվեց վտանգավոր արվարձանից, որն ադրբեջանական հրամանատարությունը դիտում էր իբրև ռազմական հենակետ Արցախի մայրաքաղաք ներխուժելու համար: Մյուս կողմից, ամրապնդվեցին ու բազմապատկվեցին հայ մարտիկների` հաղթանակի հասնելու հավատը, կամքն ու վճռականությունը», - ասել է Մ. Հարությունյանը:


     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Հուլիսի 1-ից կփոխվի տեղահանված քաղաքացիների բնակվարձերի փոխհատուցման պետական ծրագիրը. Նախագահ Հարությունյան

Պայթյուն ՌԴ զորամասերից մեկում. կա զոհ և 7 վիրավոր

Ի գիտություն տեղահանված անձանց 40 000 և 20 000 ՀՀ դրամի չափով տրամադրվող ֆինանսական աջակցության ծրագրի շահառուների

Զոհված և անհայտ բացակայող ճանաչված անձանց տեղահանված ընտանիքների բնակապահովման նպատակով հաստատվել է պետական աջակցության տրամադրման կարգը

Արցախում անհետ կորել է ՌԴ քաղաքացի

Փրկարարները Կարկառ գետից դուրս են բերել Օլգա Սանիկովայի դին

300.000-ական դրամի չափով սոցիալական աջակցության ծրագրի իրագործման ընթացքում ապօրինի ստացվել է 47.700.000 դրամ գումար. գլխավոր դատախազություն

ՀՀ-ից ժամանած բժիշկները Ստեփանակերտում անվճար հետազոտություններ և խորհրդատվություն կիրականացնեն

Նախագահ Հարությունյանը շուրջ մեկ տասնյակ օրենքներ է ստորագրել

Search