Artsakhpress

Հասարակական

«Ձայն Հադրութի». հայրենի եզերքը կորցրած մարդիկ խոսում են գրքի էջերում

Լույս է տեսել թյուրքագետ-լրագրող Սոֆիա Հակոբյանի «Ձայն Հադրութի» խորագրով գիրքը:

«Ձայն Հադրութի». հայրենի եզերքը կորցրած մարդիկ խոսում են գրքի էջերում

«Ձայն Հադրութի». հայրենի եզերքը կորցրած մարդիկ խոսում են գրքի էջերում
ՍՏԵՓԱՆԱԿԵՐՏ, դեկտեմբերի 8, ԱՐՑԱԽՊՐԵՍ։ «Արցախպրես»-ի թղթակցի հետ զրույցում Ս. Հակոբյանը նշեց, որ իրականում երբևէ չի մտածել, որ մի օր կգրի Հադրութի մասին։ «Որպես թյուրքագետ և լրագրող` գրեթե 10 տարի ուսումնասիրել եմ Թուրքիայում ապրող իսլամացված և քրիստոնյա հայերին, մտածել եմ՝ այդ մասին բարձրաձայնողներ գրեթե չկան, իսկ Արցախը երևի թե դեռ իմ կարիքը չունի։ Բայց 2020-ը, իհարկե, շուռ տվեց բոլորիս կյանքի հունը։ Անցյալ տարվա հոկտեմբերին, երբ Հադրութից տեղահանված մեր հայրենակիցները հայտնվեցին Հայաստանում, նրանցից պարբերաբար լսում էի այս կամ այն գյուղում խաղաղ բնակիչների սպանությունների, անհայտ կորածների մասին։ Ակնհայտ էր, որ գործ ունենք հենց այդ պահին տեղի ունեցող էթնիկ զտման հետ ու ակնհայտ էր, որ բավարար չափով չէինք գիտակցում, թե որքան կարևոր էր այդ պատմությունները հենց այդ պահին արձանագրելը։ Հիշում եմ, այդ նույն օրերին Ադրբեջանի նախագահը արտասահմանյան ԶԼՄ-ներից մեկին տված հարցազրույցում հավաստիացրել էր, որ արցախցիներն «իրենց քաղաքացիներն» են և որ իրենք պատրաստ են կյանքի լավագույն պայմաններով ապահովել նրանց։ Mediamax.am-ի տնօրեն Արա Թադևոսյանը շատ դիպուկ հակադարձել էր Ալիևի այդ հարցազրույցին՝ առաջարկելով նրան հարցազրույց տալ հայկական լրատվամիջոցին ու պատմել, թե այդ ինչ կյանքի «լավագույն» պայմաններ են սպասվում արցախցիներին Ադրբեջանի կազմում։ Իհարկե, Ադրբեջանից չարձագանքեցին, բայց հենց այդ պահին իմ գլխում, ինչպես ասում են, այդ «լամպը» վառվեց, ու ես առաջարկեցի Արա Թադևոսյանին ինքներս ցույց տանք «լավագույն կյանքը», որը ադրբեջանցիները բերեցին Հադրութ։ Նախագիծը ստացավ «Ձայն Հադրութի» անունը, իսկ ավելի ուշ, թարմացվելով ու ավելի ընդգրկուն տեսք ստանալով, վերածվեց գրքի «Գևորգ Վիրաց» հրատարակչության կողմից», - ներկայացրեց Ս. Հակոբյանը։
Բնութագրությունը հասանալի չէ
Մեր զրուցակցի խոսքով՝ հադրութեցիներն իրենք են իրենց ասելիքը փոխանցում գրքի միջոցով։ «Նպատակը հենց այդ հարթակը ստեղծելն էր, փորձել հադրութեցուն տալ այդ ձայնի իրավունքը, որից նրան զրկում է այն երկիրը, ում զինված ուժերի վերահսկողության տակ է այժմ Հադրութը։ Խնդիրն այն է, որ պատերազմները քննարկելիս մարդիկ խոսում են տարածքների մասին, բայց չեն խոսում այդ տարածքներում ապրող մարդկանցից։ Նախագծի շրջանակներում մենք երկու տասնյակից ավելի հարցազրույցներ անցկացրեցինք բռնի տեղահանված արցախցիների հետ Հադրութի ամենատարբեր գյուղերից։ Փորձել ենք մեր հերոսների շարքերում ընդգրկել մարդկանց ամենատարբեր խմբերի ներկայացուցիչների․ կանայք, տղամարդիկ, մեծահասակներ և երիտասարդներ, բուժաշխատողներ, գերությունից վերադարձածներ, սպանված խաղաղ բնակիչների հարազատներ։ Որպես լրագրող` հիմնականում ձեռնպահ եմ մնացել անձնական կարծիք կամ մեկնաբանություն թողնելուց և զրուցակիցներիս պատմությունները կարծես ուղիղ երկխոսություն են նրանց ու ընթերցողի միջև՝ առանց կողմնակի միջամտության։ Մեր զրուցակիցները հիմնականում անզեն խաղաղ բնակիչներ են, նույնիսկ տղամարդիկ, ում հետ զրուցել ենք, զինապարտության տարիքում չէին արդեն։ Այսինքն՝ մենք, ի դեմս մեր հերոսների, տեսնում ենք մարդկանց, ովքեր զինված չէին, չէին կարող ընկալվել լեգիտիմ թիրախ, բայց, միևնույնն է, իրենց մաշկի վրա զգացին Ադրբեջանի պատերազմական հանցագործությունների ուղղակի հետևանքները, զրկվել են տարրական իրավունքներից և այսօր էլ նրանց ձայնը պարզապես անտեսվում է», - նշեց Ս. Հակոբյանը։
Գիրքը հրատարակվել է երեք լեզուներով և ուղերձներ է պարունակում թե՛ ներքին, թե՛ արտաքին լսարանի համար։
«Հիմա կասեք՝ հայկական լսարանին էլ ի՞նչ պիտի պատմենք, որ դեռ չգիտեն կատարվածի մասին։ Բայց պարզվում է, որ շատ բան չգիտեինք` թե՛ Հադրութի, թե Արցախի մասին առհասարակ։ Ամեն հարցազրույցի վերջում հավելել ենք տեղեկություններ տվյալ գյուղի պատմության, պատմամշակութային ժառանգության վերաբերյալ։ Հույս ունենք, որ գիրքը պետք է սթափեցնի շատերին, ովքեր Հայաստանում և Արցախում ապրում են նույն հադրութեցու հետ կողք-կողքի, բայց ոչ միշտ են նկատում վերջինիս անձնական դրաման, հասարակության ոչ բոլոր շերտերն են ընկալում տեղի ունեցած ողբերգության չափն ու հետևանքները։ Չմոռանանք նաև, որ մենք խնդիր ունենք քաղաքականացված քննարկումներից կամ զուտ սոցիալական խնդիրների համատեքստից դուրս հասկանալու Հադրութն ու հադրութեցուն, և հնարավորինս օբյեկտիվորեն արձանագրենք մեր պատմության այս փուլն իր բոլոր ցավոտ և ուշագրավ կողմերով, մեր արածների և չարածների հետ առերեսվելով ու բազմաթիվ հարցերի պատասխաններ ինքնուրույն փնտրելով։ Ինչ վերաբերում է արտաքին լսարանին, նպատակն, անշուշտ, Արցախյան խնդրի շուրջ աշխարհում ամեն օր տարածվող ապատեղեկատվության դեմ մեր բաժին պայքարն է։ Արդյո՞ք ադրբեջանական ԽՍՀ-ի կազմում հայերն, իսկապես, անհոգ ու ապահով կյանք են վարել և Արցախյան շարժումը դրսից հրահրված անհիմն հուզումների արդյունք էր, ինչպես պնդում են Ադրբեջանում։ Արդյո՞ք այդքան հեշտ է Արցախի ամբողջ պատմամշակութային ժառանգությունը վերագրել Աղվանքի(Կովկասյան Ալբանիայի) ժողովուրդներին կամ վիճարկել հայերի` այստեղ ապրելու իրավունքը՝ քննարկելով նրանց տեղաբնիկ լինել-չլինելը։ Չմոռանանք, որ հենց Հադրութում են դրվել Արցախյան շարժման հիմքերը, և ով, եթե ոչ հադրութեցին պիտի աշխարհի հետ խոսի դրա դրդապատճառների, ինքնորոշման իրավունքի, խաղաղության ու պատերազմի, ինչպես նաև համակեցության հնարավորությունների մասին։
Ի դեպ, գրքում հատուկ անդրադարձել ենք նաև առաջին Արցախյան պատերազմի ժամանակ բռնի տեղահանված մարտակերտցիների խնդրին, նաև Հադրութի շրջանի այն գյուղերին, որոնք փորձել են հայաթափել «Օղակ» գործողության ժամանակ։
Ընդգրկել ենք պատմություններ Բաքվի և Սումգայիթի ջարդերի մասին։ Քանի որ այսօր ակտիվորեն շրջանառվող թեզերից է, թե 90-ականներին միայն ադրբեջանցիներն են տեղահանվել, իսկ հիմա` հայերը, հաճախ փորձ է արվում հավասարակշռել կողմերը, արժեզրկել այսօրվա բռնի տեղահանված մարդկանց խնդիրը և լեգիտիմացնել ադրբեջանական ագրեսիան։Մինչդեռ առաջին պատերազմի մեր փախստականները պարզապես անտեսված են եղել, և դա մեր մեծ բացթողումն է։
Ես դեմ եմ «Միևնույնն է՝ ինչ կուզեն կանեն», «Մեր ձայնը ո՞վ պիտի լսի», «Ամեն ինչ որոշված է» և նման այլ մտքերի։ Մենք երևի թե չափից շատ լուրջ ենք վերաբերում դավադրաբանական տեսություններին և նախընտրում ոչինչ չանել։ Իրականում մեր ու միայն մեր պատասխանատվությունն է, որ Մարաղայի մասին նույնիսկ Հայաստանում շատերը չեն լսել», - հավելեց Ս. Հակոբյանը։

     

Քաղաքական

Հայաստանը ցեղասպանության կանխարգելման պայքարի առաջատար է. Լեմկինի ինստիտուտի տնօրեն

Մոտ 20 երկրից գիտությունների դոկտորներ, պրոֆեսորներ, փորձագետներ, հայագետներ, բուհերի, հետազոտական կենտրոնների և գերատեսչությունների գիտնականներ Հայաստանի գիտությունների ազգային ակադեմիայում մասնակցել են եռօրյա գիտաժողովին:

Արցախի նախագահը Ֆրանսիային խնդրել է ճնշում գործադրել Ադրբեջանի վրա՝ գերիների ազատ արձակման պահանջով

Արցախի նախագահ Սամվել Շահրամանյանը հարցազրույց է տվել ֆրանսիական Le Figaro պարբերականին, որտեղ անդրադարձել է Արցախի «լուծարման» փաստաթղթին, արցախցիների՝ հայրենիք վերադարձին և այլ հարցերի:

ԱՄՆ-ն համաձայն չէ Ադրբեջանի պնդումների հետ, թե Բրյուսելի հանդիպումը կարող է սրել իրավիճակը տարածաշրջանում․ Մեթյու Միլլեր

Ամերիկայի Միացյալ Նահանգները համաձայն չէ ադրբեջանական կողմի այն պնդումներին, որ ապրիլի 5-ին Բրյուսելում կայանալիք Հայաստան-ԵՄ-ԱՄՆ բարձր մակարդակի հանդիպումը կարող է ապակայունացնել և սրել իրավիճակը Հարավային Կովկասում։

Արարատ Միրզոյանը ՀՀ ԱԺ անունից Արգենտինայի Պատգամավորների պալատի գործընկերներին հրավիրել է Հայաստան

Մարտի 26-ին պաշտոնական այցով Բուենոս Այրեսում գտնվող ՀՀ ԱԳ նախարար Արարատ Միրզոյանը հանդիպում է ունեցել Արգենտինյան Հանրապետության Պատգամավորների պալատի նախագահ Մարտին Մենեմի հետ:

Տնտեսական

ՀՀ էկոնոմիկայի նախարարը և ԱՄՆ դեսպանը քննարկել են հայ-ամերիկյան համագործակցությանն առնչվող հարցեր

Նախարար Գևորգ Պապոյանը մարտի 22-ին ընդունել է Հայաստանում ԱՄՆ արտակարգ և լիազոր դեսպան Քրիստինա Ալիսոն Քվինին:

Գերմանիայի կառավարությունը ՀՀ-ին կտրամադրի 12 մլն եվրոյի արտոնյալ վարկ. համաձայնագրի նախագիծը քննարկվել է ԱԺ-ում

Հայաստանի Հանրապետությունն ու Ասիական զարգացման բանկը ստորագրել են 66,1մլն եվրո արժողությամբ «Սեյսմիկ անվտանգության բարելավման ծրագիր (լրացուցիչ ֆինանսավորում)» վարկային համաձայնագիրը. այս մասին ասել է ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը՝ ԱԺ ֆինանսավարկային և բյուջետային հարցերի մշտական հանձնաժողովի՝ մարտի 15-ի արտահերթ նիստում ներկայացնելով համաձայնագիրը վավերացնելու մասին օրենքի նախագիծը:

Ռուբլին, եվրոն և դոլարը էժանացել են

ՀՀ բանկերում այսօր՝ մարտի 13-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 400.72 դրամ։

Մարտի 11-ին դոլարի, ռուբլու և եվրոյի փոխարժեքները փոխանակման կետերում

ՀՀ բանկերում այսօր՝ մարտի 11-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 401.41 դրամ։

Հասարակական

Կերկարաձգվեն ԼՂ-ից բռնի տեղահանված անձանց կենսաթոշակի և ծերության, հաշմանդամության, կերակրողին կորցնելու դեպքում նպաստների նշանակման ժամկետները

Կառավարությունն ընդունել է որոշում՝ ԼՂ-ից բռնի տեղահանված անձանց կենսաթոշակի և ծերության, հաշմանդամության, կերակրողին կորցնելու դեպքում նպաստների նշանակման ժամկետների երկարաձգման, նշանակման գործընթացների պարզեցման նպատակով:

Եվրանեսթ ԽՎ-ն ԵՄ-ին կոչ է արել մեծացնել մարդասիրական օգնությունը ԼՂ-ից բռնի տեղահանված անձանց

Եվրանեսթ խորհրդարանական վեհաժողովը ԵՄ-ին կոչ է արել մեծացնել մարդասիրական և ֆինանսական օգնությունը ԼՂ-ից բռնի տեղահանված բնակչության շրջանում անչափահասների կարիքները բավարարելու համար։

«Հայաստան» հիմնադրամը շարունակում է աջակցել Լիբանանում գործող հայկական կրթական հաստատություններին

«Հայաստան» համահայկական հիմնադրամը հերթական ֆինանսական աջակցությունն է ցուցաբերել Լիբանանի հայ կրթական հաստատություններին` Լիբանանի հայ համայնքին տրամադրվող շարունակական օգնության ծրագրի շրջանակում:

Հայաստանը շուրջ 30 տոննա մարդասիրական բեռ կուղարկի Գազայի բնակիչներին

Հայաստանի Հանրապետությունը մարդասիրական օգնություն կուղարկի Գազայից տեղահանված և Ռաֆահի անցակետում հաստատված, ծանր սոցիալ-տնտեսական վիճակում հայտնված բնակիչներին։

Ռազմական

Հայաստանը մնում է ՀԱՊԿ-ի դաշնակիցը. գլխավոր քարտուղար

Հայաստանը շարունակում է մնալ ՀԱՊԿ-ի դաշնակիցը, միևնույն ժամանակ, կազմակերպությունը Հայաստանի ղեկավարության կողմից քաղաքական սթափություն է ակնկալում:

Հայաստանի պաշտպանության նախարարը պաշտոնական այցով մեկնել է Իրան

Հայաստանի պաշտպանության նախարար Սուրեն Պապիկյանի գլխավորած պատվիրակությունը մարտի 6-ին պաշտոնական այցով մեկնել է Իրանի Իսլամական Հանրապետություն։

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Տեսանյութեր

ավելին

Ամենադիտված

ամիս

շաբաթ

օր

ԼՂ-ից բռնի տեղահանվածները կշարունակեն օգտվել Կառավարության սոցիալական աջակցության ծրագրերից ՀՀ քաղաքացիություն ստանալուց հետո

ՀՀ էկոնոմիկայի նախարարը և ԱՄՆ դեսպանը քննարկել են հայ-ամերիկյան համագործակցությանն առնչվող հարցեր

Այսօր Ծաղկազարդ է

Բարեղամ Հարությունյանը ոսկե մեդալ նվաճեց Լիտվայում

Մայամիի մրցաշար․ Ավանեսյանը հաղթեց աշխարհի 6-րդ ռակետ Ժաբերին

Դոլարի փոխարժեքը նվազել է. եվրոն եւս շարունակում է էժանանալ

Հայ մրցավարները կսպասարկեն Մոլդովա Մ 21-Նիդերլանդներ Մ 21 հանդիպումը

Շանթ Սարգսյանը` «Bucharest Grand Prix Rapid» արագ շախմատի մրցաշարի հաղթող

Տնտեսական ակտիվության ցուցանիշը երկու ամսում աճել է 13.6 տոկոսով․ Հայաստանից արտահանումն ավելացել է 2.6 անգամ

Search