Artsakhpress

Քաղաքական

Ավարտվել են «ԱՀ  2022թ. պետական բյուջեի մասին»  օրենքի նախագծի հանձնաժողովային քննարկումները

Դեկտեմբերի 7-ին տեղի է ունեցել ԱՀ ԱԺ ֆինանսաբյուջետային և տնտեսական կառավարման հարցերի մշտական հանձնաժողովի նիստը:

Ավարտվել են «ԱՀ  2022թ. պետական բյուջեի մասին»  օրենքի նախագծի հանձնաժողովային քննարկումները

Ավարտվել են «ԱՀ  2022թ. պետական բյուջեի մասին»  օրենքի նախագծի հանձնաժողովային քննարկումները
ՍՏԵՓԱՆԱԿԵՐՏ, 7 դեկտեմբերի, ԱՐՑԱԽՊՐԵՍ: Այդ մասին տեղեկացնում է Արցախի Հանրապետության Ազգային ժողովի լրատվության և հանրության հետ կապերի բաժնից։
Այն վարել է ֆինանսաբյուջետային և տնտեսական կառավարման հարցերի մշտական հանձնաժողովի նախագահ Արթուր Հարությունյանը:
Օրակարգում «ԱՀ  2022թ. պետական բյուջեի մասին»   և «Պետական պաշտոններ զբաղեցնող անձանց վարձատրության մասին» օրենքում փոփոխություններ և լրացումներ կատարելու մասին օրենքների նախագծերի քննարկման հարցերն էին։
Արթուր Հարությունյանը  նշել է, որ շահագրգիռ  քննարկումներ են եղել խորհրդարանի համատեղ հանձնաժողովների և խմբակցությունների նիստերում, պատգամավորները հնչեցրել են առաջարկություններ:
ԱՀ  ֆինանսների նախարար Վահրամ Բաղդասարյանի տեղեկացմամբ պատգամավորների հնչեցրած առաջակությունները քննարկվելու են և  հնարավորության դեպքում տեղ են գտնելու բյուջեի փոփոխված տարբերակում:
Այնուհետև 2022 թվականի Հանրապետության գլխավոր ֆինանսատնտեսական փաստաթղթի նախագիծը քվեարկության է դրվել և 3 կողմ, 2 ձեռնպահ ձայնով արժանացել  ֆինանսաբյուջետային և տնտեսական կառավարման հարցերի մշտական հանձնաժողովի դրական եզրակացությանը։
Գլխադասային հանձնաժողովի նախագահը հիշեցրել է, որ դեկտեմբերի 16-ին բյուջեի փոփոխված տարբերակը ներկայացվելու է խորհրդարանի քննարկմանը: Մինչ այդ՝ մինչև դեկտեմբերի 8-ի ժամը 17:00-ը, պատգամավորներին հնարավորություն է  տրվում գրավոր առաջակություններ ներկայացնել կառավարությանը։
Պետական պաշտոններ զբաղեցնող անձանց վարձատրության մասին օրենքում փոփոխություններ և լրացումներ կատարելու մասին օրենքի նախագիծը ներկայացրել է ԱՀ ֆինանսների նախարար Վահրամ Բաղդասարյանը։ Համաձայն նախարարի ներկայացրած հիմնավորման՝ հաշվի առնելով 2020 թվականին ադրբեջանաթուրքական զինված ուժերի կողմից Արցախի Հանրապետության դեմ կատարված ռազմական գործողությունների հետևանքով Արցախում ստեղծված սոցիալ-հոգեբանական խնդիրների լուծման նպատակով իրականացվող ի թիվս մի շարք ծրագրերի Արցախի Հանրապետության կառավարությունը նախաձեռնել է նաև պետական համակարգի և պետբյուջեից ֆինանսավորվող կազմակերպությունների  աշխատողների աշխատավարձերի բարձրացում և այդ համատեքստում օրենքում փոփոխություններ կատարելու անհրաժեշտություն է առաջացել։
Ներկայացվող նախագծով առաջարկվում է բարձրաստիճան պաշտոնատար անձ հանդիսացող քաղաքական, հայեցողական, քաղաքացիական պաշտոններ զբաղեցնող անձանց վարձատրության բարձրացում միջինում 9%-ով, բարձրաստիճան պաշտոնատար անձ չհանդիսացող հայեցողական և քաղաքացիական պաշտոն զբաղեցնող անձանց վարձատրության բարձրացում միջինում 17%-ով, պետական ծառայողների` այդ թվում զինվորական ծառայության պաշտոն զբաղեցնողների և փրկարարական ծառայության ծառայողների վարձատրության բարձրացում միջինում 20%-ով:
Մասնավորապես առաջարկվում է հստակեցնել 2014թ. հուլիսի 1-ից պահպանված բարձր աշխատավարձերի չնվազեցման դեպքերը ծառայողի պաշտոնի առաջխաղացման, ինչպես նաև վերակազմակերպման հետևանքով այլ պաշտոնի նշանակման դեպքերում։
Ֆինանսների նախարարի տեղեկացմամբ որոշ բարձրաստիճան պաշտոնյաների աշխատավարձի բարձրացում չի նախատեսվում։
Վահրամ Բաղդասարյանը հավաստիացրել է, որ նախագծի վերաբերյալ պատգամավորների հնչեցրած առաջարկությունները պատրաստ են ուսումնասիրելու և լրամշակված տարբերակով ներկայացնելու հերթական նիստի քննարկմանը։
5 կողմ ձայնով օրինագիծը ներկայացվել է առաջիկա հերթական նիստի քննարկմանը։
Նիստին մասնակցում էին ԱԺ նախագահը, նախագահի տեղակալը, պատգամավորներ և կառավարության պատասխանատուներ:

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Նախագահ Հարությունյանը հաստատել է ԱՀ Կառավարության որոշումներ՝ դրամական աջակցության տրամադրման մասին

Երկրաշարժ Հայաստանում. Այն զգացվել է նաև Ստեփանակերտ քաղաքում

Ադրբեջանցիները Շուշիի Կանաչ ժամի տարածքում ճաշարան են կառուցել (տեսանյութ)

Կյանքից հեռացել է վաստակավոր բժիշկ Բրինա Մարությանը

Հայաստան-Ադրբեջան սահմանի սահմանազատումը Ղարաբաղին չի վերաբերում. Լավրով

Հրավիրելու ենք մասնագետների, ովքեր իշխանության մաս չեն, սակայն ունեն լուրջ որակավորում.Արայիկ Հարությունյան

Մեր տեղահանված հայրենակիցները պետք է ունենան կարգավիճակ. Արտակ Բեգլարյան

Մինչև հունվարի վերջ Ստեփանակերտում բնակարանամուտ կտոնի ընդհանուր առմամբ 300 ընտանիք

«Ադրբեջանը ճանաչել էր ԼՂ ինքնորոշման իրավունքը՝ համաձայնելով ստորագրել խաղաղության պայմանագիր․ ի՞նչ կարիք կար մերժել»․ Վ․ Աթանեսյան

Search