Կորոնավիրուսը լուրջ վտանգ կներկայացնի առնվազն մինչև 2026 թվականը:
Բրիտանացի գիտնականները կանխատեսումներ են արել կորոնավիրուսի ավարտի ժամկետների վերաբերյալ
ՍՏԵՓԱՆԱԿԵՐՏ, 4 դեկտեմբերի, ԱՐՑԱԽՊՐԵՍ։ Tert.am-ի փոխանցմամբ, նման եզրահանգման են եկել Scientific Advisory Group for Emergencies միության մասնագետները:
«SARS-CoV-2-ն առնվազն առաջիկա հինգ տարում կշարունակի սպառնալ առողջապահության համակարգին՝ ակտիվ վերահսկողություն պահանջելով պատվաստման և տվյալների մշտադիտարկման միջոցով»,- «ՌԻԱ Նովոստի»-ի փոխանցմամբ՝ ասվում է գիտնականների եզրակացության մեջ:
Փորձագետների կարծիքով՝ այդ ժամկետը կարող է ավելանալ, եթե պատվաստմանն ու հիվանդության տարածման զսպմանն ուղղված միջոցառումները բավարար արդյունավետ չլինեն:
Բացի այդ, բրիտանացի գիտնականները որոշել են, որ Միացյալ Թագավորությունում, ի տարբերություն Եվրոպայի մյուս երկրների, հիվանդացության աճի հետ կապված իրավիճակը կայունացել է: