Artsakhpress

Միջազգային

Թալիբները «տեղական վեճ» են անվանել իրանցի սահմանապահների հետ տեղի ունեցած միջադեպը

Նիմրոզ նահանգում Աֆղանստանի և Իրանի սահմանապահների միջև տեղի ունեցած միջադեպն այժմ գտնվում է վերահսկողության տակ։

Թալիբները «տեղական վեճ» են անվանել իրանցի սահմանապահների հետ տեղի ունեցած միջադեպը

Թալիբները «տեղական վեճ» են անվանել իրանցի սահմանապահների հետ տեղի ունեցած միջադեպը
ՍՏԵՓԱՆԱԿԵՐՏ, 2 դեկտեմբերի, ԱՐՑԱԽՊՐԵՍ: Այդ մասին տեղեկացնում է regionpress.am-ը։
Այս մասին հաղորդել է «Թալիբան» շարժման ներկայացուցիչը։
«Աֆղանստանի Նիմրոզ նահանգի Քանգ շրջանի սահմանային տարածքում աֆղան և իրանցի սահմանապահների միջև վեճ է տեղի ունեցել, այժմ իրավիճակը վերահսկվում է», - թվիթերում գրել է թալիբների խոսնակ Զաբիհուլլա Մուջահիդը:
«Իսլամական էմիրության (ինչպես թալիբներն անվանում են իրենց կառավարությանը) առաջնորդներին հանձնարարվել է կանխել այս թյուրիմացությունը»,- ասել է Մուջահիդը։
Աֆղանստանի Aamaj News լրատվական գործակալությունը ավելի վաղ հայտնել էր, որ չորեքշաբթի կեսօրից հետո դաժան բախումներ են սկսվել թալիբան շարժման զինյալների և իրանցի սահմանապահների միջև:
Հաղորդվել է, որ թալիբներին հաջողվել է սահմանին գրավել իրանական երկու անցակետ։ Իրանի իշխանությունները հերքել են այս տեղեկությունը։ Իր հերթին իրանական «Fars» լրատվական գործակալությունը հայտարարել է, որ իրանա-աֆղանական սահմանին զինված հակամարտության պատճառ է դարձել «գյուղատնտեսական հողերի շուրջ վիճաբանությունը»։
«Այսօր երեկոյան Աֆղանստանի հետ սահմանին բախում է տեղի ունեցել զինված մարտիկների և իրանցի սահմանապահների միջև, որոնք ստիպված են եղել նահանջել՝ բախվելով արևելյան սահմաններում տեղակայված իրանական ուժերի վճռական պատասխանին», - հաղորդում է իրանական գործակալությունը։
«Հակառակ լուրերի, Իրանի սահմանային կետերից ոչ մեկը չի գրավվել, և սահմանապահների շրջանում զոհեր չկան: Սահմանախախտները հարձակվել են սահմանի երկայնքով գյուղատնտեսական հողերի շուրջ վեճի պատճառով, ինչը արժանացել է սահմանապահների բուռն արձագանքին», - ասվում է «Fars»-ի հայտարարության մեջ: Մինչ այդ իրանական Tasnim լրատվական գործակալությունը հայտնել էր, որ «իրանցի սահմանապահների և թալիբների միջև բախումը տեղի է ունեցել սահմանի թյուրիմացության պատճառով»։
«Վերջին տարիներին Իրանի տարածքում՝ Աֆղանստանի հետ սահմանից մի քանի հարյուր մետր հեռավորության վրա, պատեր են կառուցվել մաքսանենգների և չարագործների դեմ պայքարելու համար։
«Այսօր որոշ իրանցի ֆերմերներ հատել են այդ պատերը, բայց եղել են Իրանի սահմանների ներսում, սակայն այդ պատերի պատճառով »Թալիբան»-ի ուժերը կարծում են, որ իրենց սահմանը խախտվել է»,- այս մասին հայտնել է իրանական գործակալությունը՝ վկայակոչելով Իրանի տեղեկացված պաշտոնյային:
«Այդ միջադեպից հետո «Թալիբանի» ուժերը կրակ են բացել իրանցիների ուղղությամբ, ինչին պատասխանել են իրանական զորքերը», - նշվում է «Tasnim»-ի հաղորդագրության մեջ:

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Նախագահ Հարությունյանը հաստատել է ԱՀ Կառավարության որոշումներ՝ դրամական աջակցության տրամադրման մասին

Երկրաշարժ Հայաստանում. Այն զգացվել է նաև Ստեփանակերտ քաղաքում

Ադրբեջանցիները Շուշիի Կանաչ ժամի տարածքում ճաշարան են կառուցել (տեսանյութ)

Կյանքից հեռացել է վաստակավոր բժիշկ Բրինա Մարությանը

Հայաստան-Ադրբեջան սահմանի սահմանազատումը Ղարաբաղին չի վերաբերում. Լավրով

Հրավիրելու ենք մասնագետների, ովքեր իշխանության մաս չեն, սակայն ունեն լուրջ որակավորում.Արայիկ Հարությունյան

Մեր տեղահանված հայրենակիցները պետք է ունենան կարգավիճակ. Արտակ Բեգլարյան

Մինչև հունվարի վերջ Ստեփանակերտում բնակարանամուտ կտոնի ընդհանուր առմամբ 300 ընտանիք

«Ադրբեջանը ճանաչել էր ԼՂ ինքնորոշման իրավունքը՝ համաձայնելով ստորագրել խաղաղության պայմանագիր․ ի՞նչ կարիք կար մերժել»․ Վ․ Աթանեսյան

Search