Artsakhpress

Քաղաքական

Նոյեմբերին բախումներ եղան ոչ թե Ղարաբաղում, այլ միջազգայնորեն ճանաչված սահմաններում. ԵԱՀԿ տնօրենի տեղակալ

Այսօր Եվրախորհրդարանում տեղի է ունեցել Արցախյան 44-օրյա պատերազմի վերաբերյալ կարծիքների փոխանակում:

Նոյեմբերին բախումներ եղան ոչ թե Ղարաբաղում, այլ միջազգայնորեն ճանաչված սահմաններում. ԵԱՀԿ տնօրենի տեղակալ

Նոյեմբերին բախումներ եղան ոչ թե Ղարաբաղում, այլ միջազգայնորեն ճանաչված սահմաններում. ԵԱՀԿ տնօրենի տեղակալ
ՍՏԵՓԱՆԱԿԵՐՏ, 1 դեկտեմբերի, ԱՐՑԱԽՊՐԵՍ։ 1lurer.am-ի փոխանցմամբ, ելույթ են ունեցել եվրոպացի պատգամավորներ, իրենց դիրքորոշումը հայտնել հայ-ադրբեջանական հակամարտության երաբերյալ:

ԵԱՀԿ Եվրոպայի և Կենտրոնական Ասիայի հարցով ԵԱՀԿ-ի գործադիր տնօրենի տեղակալ Լյուկ Պիեռ Դևին ասել է. «Իրադրությունը տարածաշրջանում դարձյալ լարված է: 44-օրյա արյունալի պատերազմից մեկ տարի հետո նոյեմբերի կեսին բախումներ եղան արդեն ոչ թե Ղարաբաղի տարածքում, այլ միջազգայնորեն ճանաչված սահմաններում, ինչն անհանգստացնող է: ԵՄ-ն արձագանքեց այդ լարվածությանը: Եվրահանձնաժողովի նախագահ Միշելը զանգահարեց երկու կողմերին՝ Հայաստանի և Ադրբեջանի ղեկավարներին, կոչ անելով վերջ տալ լարվածությանը, պահպանել հրադադարը: Նոյեմբերի 20-ից հետո կրակոցներ չեն եղել, զոհեր չկան, բայց լարվածությունը չի թուլացել: Նոյեմբերի 19-ին եվրահանձնաժողովի նախագահը նորից է հեռախոսազրույց ունեցել երկու հանրապետությունների ղեկավարների հետ և առաջարկել է խնդիրը քննարկել դեկտեմբերի 15-ին:

Հայաստանի և Ադրբեջանի ղեկավարները հաստատել են կապը պաշտպանության նախարարների մակարդակով՝ կանխելու վերջին դեպքերի կրկնությունը: Նոյեմբեր 26-ին էլ Սոչիում կայացավ Ռուսաստանի նախագահ Պուտինի հանդիպումը Հայաստանի և Ադրբեջանի ղեկավարների հետ, որի ժամանակ կողմերը հանդես եկան իրադրության կայունացման օգտին, սահմանների սահմանազատման ու սահմանագծման  երկկողմ համաձայնության օգտին՝ Ռուսաստանի միջնորդությամբ: Ընդ որում՝ դա կապ չունի ղարաբաղյան հակամարտության հետ, ինչը վիճելի է:

Երկրորդ՝ նրանք հայտարարեցին, առանց մանրամասնություններ ներկայացնելու, որ որոշակի հաջողության են հասել: Սակայն Հայաստանը շարունակում է պնդել, որ դեռևս գերիներ կան Ադրբեջանում, ինչը Բաքուն մերժում է:

Կողմերը քննարկել են նաև տնտեսական հարցեր, տրանսպորտային ուղիների ապաշրջափակման հարցը: Հայաստանը չի ընդունում «միջանցք» հասկացությունը, քանի որ դա նշամակում է, որ ինքը չի հսկելու այդ ճանապարհը: Այդ ուղիները ենթադրում են կապ Ադրբեջանի արևմտյան մասի ու Նախիջևանի միջև, այնուհետև՝ Թուրքիայի հետ:

ԵԱՀԿ Միսնկի խումբը մնում է միակ ձևաչափը, որն զբաղվում է Ղարաբաղյան հակամարտության հարցով: Որքան Էլ Ադրբեջանը վստահեցնում է, որ հարցը լուծված է, վերջին բախումները հակառակն են ապացուցում: Աշնանը Ադրբեջանի և Հայաստանի արտգործնախարարները երկու անգամ հանդիպել են Մինսկի խմբի համանախագահների հետ, նախատեսված է հանդիպում նաև Ստոկհոլմնում: Իրադրությունը լարված է, բայց, մեր կողմից, պատրաստակամություն կա աջակցելու իրավիճակի կարգավորմանը»:


     

Քաղաքական

Տնտեսական

Ռազմական

Տեսանյութեր

ավելին

Ամենադիտված

ամիս

շաբաթ

օր

Արցախից տեղահանված կամ անշարժ գույքը կորցրած քաղաքացիները հունվար-փետրվար ամիսներին ևս կստանան դրամական աջակցություն

ՊԲ-ն հաստատեց՝ ադրբեջանցիները տարբեր տրամաչափի հրաձգային զենքերից կրակել են

Բնակարանային հարցերի կոմիտեն գնման նպատակով ընդունում է բնակտարածքի առաջարկի հայտեր. մշակվել է կարգ

Արմեն Սարգսյանը հրաժարական է տվել ՀՀ նախագահի պաշտոնից

Արցախում, մասնավորապես՝ Ստեփանակերտում, առկա են մի քանի հարյուր թափուր աշխատատեղեր

ԱՀ նախագահի և ՀՀ վարչապետի գլխավորությամբ տեղի է ունեցել աշխատանքային խորհրդակցություն՝ նվիրված Արցախում սոցիալ-տնտեսական խնդիրների լուծմանը

Արցախի հանրային տրանսպորտը համալրվել է նոր ավտոբուսներով

Ինչպես են խաղաղապահները Երևան տեղափոխել Արցախում ավտովթարի ենթարկված պատանուն

Առաջիկայում նախատեսվում է բնակարաններ տրամադրել տարբեր սոցիալական խմբերի պատկանող ընտանիքներին և զինծառայողներին. մանրամասներ

Search