Artsakhpress

Հասարակական

Չլդրանում ջրային ցանց է կառուցվում. գյուղը մանկապարտեզի կարիք ունի

ԱՀ Մարտակերտի շրջանի Չլդրան համայնքում ջրային ցանց է կառուցվում:

Չլդրանում ջրային ցանց է կառուցվում. գյուղը մանկապարտեզի կարիք ունի

Չլդրանում ջրային ցանց է կառուցվում. գյուղը մանկապարտեզի կարիք ունի

ՍՏԵՓԱՆԱԿԵՐՏ, 30 նոյեմբերի, ԱՐՑԱԽՊՐԵՍ։ Այս մասին «Արցախպրես»-ի թղթակցի հետ զրույցում ասել է Չլդրան համայնքի ղեկավար Աշոտ Ղուլյանը: Մեր զրուցակցի տեղեկացմամբ՝ գյուղը 545 բնակիչ ունի. գյուղացիները հետպատերազմական շրջանում շարունակում են արարել՝ ամուր կառչելով հայրենի հողին:

«Տեղահանված 7 ընտանիք է հաստատվել համայնքում՝ 29 բնակչով: Բոլորն էլ օգտվել են ԿԽՄԿ-ի կողմից տեղահանվածներին տրամադրվող աջակցություններից: 7 տուն ունենք, որոնք վերանորոգման ենթակա են։ Եթե տեղահանված մեր հայրենակիցները ցանկություն հայտնեն հաստատվելու Չլդրանում, կվերանորոգենք ու կտրամադրենք նրանց: Համայնքապետարանի շենքը երկհարկանի է, երկու տարի առաջ է բարեկարգվել. երկրորդ հարկում գործում է գյուղի ակումբը: Բուժկետն ու հանդիսությունների սրահը վերանորոգման կարիք ունեն, ներհամայնքային ճանապարհներն էլ բարեկարգման ենթակա են: Երկու տարի առաջ «Վալլեքս» ընկերության ֆինանսավորմամբ մեկնարկել էին նոր մանկապարտեզի կառուցման աշխատանքները, սակայն, ֆինանսավորման դադարեցման պատճառով, աշխատանքները կիսատ են մնացել»,- նշել է համայնքապետը՝ հավելելով, որ գյուղը գազաֆիկացված է, ապահովված էլեկտրաէներգիայով:

Մեր զրուցակիցը ցավով է խոսել Արցախյան 44-օրյա պատերազմի մասին՝ տեղեկացնելով, որ 1 համագյուղացի է անմահացել այդ պատերազմում, 5 հոգի էլ վիրավորվել է:

Անդրադառնալով բնակիչների զբաղվածությանը` համայնքի ղեկավարն ասել է, որ նրանց մեծ մասն աշխատում է «Բեյզ Մեթըլս» ընկերությունում, մի մասն էլ զբաղվում է գյուղատնտեսությամբ:


     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Հուլիսի 1-ից կփոխվի տեղահանված քաղաքացիների բնակվարձերի փոխհատուցման պետական ծրագիրը. Նախագահ Հարությունյան

«Արցախում արտոնյալներ չպետք է լինեն». Նախագահի խոսնակը՝ գեներալ Կարապետյանի ձերբակալության մասին

Պայթյուն ՌԴ զորամասերից մեկում. կա զոհ և 7 վիրավոր

Ի գիտություն տեղահանված անձանց 40 000 և 20 000 ՀՀ դրամի չափով տրամադրվող ֆինանսական աջակցության ծրագրի շահառուների

Զոհված և անհայտ բացակայող ճանաչված անձանց տեղահանված ընտանիքների բնակապահովման նպատակով հաստատվել է պետական աջակցության տրամադրման կարգը

Արցախում անհետ կորել է ՌԴ քաղաքացի

Փրկարարները Կարկառ գետից դուրս են բերել Օլգա Սանիկովայի դին

ՀՀ-ից ժամանած բժիշկները Ստեփանակերտում անվճար հետազոտություններ և խորհրդատվություն կիրականացնեն

Նախագահ Հարությունյանը շուրջ մեկ տասնյակ օրենքներ է ստորագրել

Search