Artsakhpress

Հարցազրույց

Արեւմուտքը ԼՂ հարցում տարածքային ամբողջականության սկզբունքն է պաշտպանելու, որպեսզի ՌԴ-ին չխրախուսի Ղրիմի խնդրում. Ռար

Արեւմուտքը ԼՂ հարցում հիմա տարածքային ամբողջականության սկզբունքն է պաշտպանելու, որպեսզի ՌԴ-ին չխրախուսի Ղրիմի եւ այլ խնդիրներում:

Արեւմուտքը ԼՂ հարցում տարածքային ամբողջականության սկզբունքն է պաշտպանելու, որպեսզի ՌԴ-ին չխրախուսի Ղրիմի խնդրում. Ռար

Արեւմուտքը ԼՂ հարցում տարածքային ամբողջականության սկզբունքն է պաշտպանելու, որպեսզի ՌԴ-ին չխրախուսի Ղրիմի խնդրում. Ռար
ՍՏԵՓԱՆԱԿԵՐՏ, նոյեմբերի 25, ԱՐՑԱԽՊՐԵՍ։ Նման կարծիք NEWS.am-ի հետ զրույցում հայտնեց գերմանացի քաղաքագետ Ալեքսանդր Ռարը:
Արդյո՞ք հնարավոր է, որ ԼՂ հակամարտության կարգավորման բանակցային գործընթացը, ի վերջո, վերադարձվի ԵԱՀԿ Մինսկի խմբի համանախագահության ձեւաչափ՝ հատկապես, որ համանախագահ երկրներից երկուսը՝ ԱՄՆ-ը եւ Ֆրանսիան, պարբերաբար հայտարարում են, որ ԼՂ հակամարտությունը չի կարգավորվել, եւ որ ԼՂ կարգավիճակը հստակեցված չէ: Գերմանացի քաղաքագետը դժվարանում է հստակ կանխատեսել:
«Դժվար է ասել՝ շատ բան է փոխվել:
Վերջին պատերազմից սկսած՝ Եվրոպան, սկզբունքորեն, ասում է, որ այդ տարածքն Ադրբեջանին է պատկանում, բայց շատ բաց դրա մասին չի խոսում: Վերջին 10 տարում եղած շատ հակամարտություններ վախեցրել են Եվրամիությանը՝ Ղրիմ, Հարավային Օսիա: Եվրոպան սկզբում՝ Կոսովոյի պատերազմի ժամանակ, սատարում էր այն սկզբունքը, որ պետք է պաշտպանել փոքրամասնությունների, այդ տարածքներում ապրող ժողովուրդների իրավունքները, որ տարածքների սահմաններն ամենակարեւորը չեն, եւ եթե պետությունները նվաստացնում, հետապնդում են այդ փոքրամասնություններին, ապա կորցնում է սուվերենության իրավունքը վերջինների նկատմամբ: Այս ամենի մասին խոսվում էր, այդ պատճառով էլ պատերազմ եղավ Հարավսլավիայում:
Երբ Ռուսաստանն արեց այն, ինչ արեց Ղրիմում, Աբխազիայում եւ Հարավային Օսիայում, Արեւմուտքում շատ արագ փոխեցին դիրքորոշումը, պարզապես վախեցան, եւ հիմա, ընդհակառակը, ասում են՝ տարածքային ամբողջականությունը վեր է ամեն ինչից: Դա Ադրբեջանի օգտին է, որը կարող է ասել, թե 1991թ.՝ ԽՍՀՄ-ի փլուզման ժամանակ, Լեռնային Ղարաբաղն Ադրբեջանի կազմում է եղել:
Արեւմուտքը հիմա հավատարիմ է մնալու այս դիրքորոշմանը, որպեսզի չխրախուսի Ռուսաստանին Ղրիմի հարցում եւ այլ խնդիրներում: Այս ամենը երկակի ստանդարտների քաղաքականություն է, եւ միջազգային իրավունք այստեղ չի գործում՝ ամեն մեկն անում է այն, ինչ իրեն հարմար է, իսկ աշխարհաքաղաքականությունը ինչ-որ բան քաղում է»,- նկատեց Ալեքսանդր Ռարը:

     

Քաղաքական

Տնտեսական

Ռազմական

Տեսանյութեր

ավելին

Ամենադիտված

ամիս

շաբաթ

օր

Արցախից տեղահանված կամ անշարժ գույքը կորցրած քաղաքացիները հունվար-փետրվար ամիսներին ևս կստանան դրամական աջակցություն

ՊԲ-ն հաստատեց՝ ադրբեջանցիները տարբեր տրամաչափի հրաձգային զենքերից կրակել են

Բնակարանային հարցերի կոմիտեն գնման նպատակով ընդունում է բնակտարածքի առաջարկի հայտեր. մշակվել է կարգ

Արմեն Սարգսյանը հրաժարական է տվել ՀՀ նախագահի պաշտոնից

Արցախում, մասնավորապես՝ Ստեփանակերտում, առկա են մի քանի հարյուր թափուր աշխատատեղեր

ԱՀ նախագահի և ՀՀ վարչապետի գլխավորությամբ տեղի է ունեցել աշխատանքային խորհրդակցություն՝ նվիրված Արցախում սոցիալ-տնտեսական խնդիրների լուծմանը

Արցախի հանրային տրանսպորտը համալրվել է նոր ավտոբուսներով

Ինչպես են խաղաղապահները Երևան տեղափոխել Արցախում ավտովթարի ենթարկված պատանուն

Առաջիկայում նախատեսվում է բնակարաններ տրամադրել տարբեր սոցիալական խմբերի պատկանող ընտանիքներին և զինծառայողներին. մանրամասներ

Search