Artsakhpress

Հասարակական

Լիբանանի նախագահը Հայ կաթողիկե եկեղեցու պատրիարքի հետ քննարկել է երկրի ներքին վիճակը

Լիբանանի Հանրապետության նախագահ Միշել Աունը Բաաբդա պալատում ընդունել է Հայ կաթողիկե եկեղեցու պատրիարք Ռաֆայել արքեպիսկոպոս Մինասյանին՝ նրա հետ քննարկելով Լիբանանի ներքին իրավիճակը:

Լիբանանի նախագահը Հայ կաթողիկե եկեղեցու պատրիարքի հետ քննարկել է երկրի ներքին վիճակը

Լիբանանի նախագահը Հայ կաթողիկե եկեղեցու պատրիարքի հետ քննարկել է երկրի ներքին վիճակը
ՍՏԵՓԱՆԱԿԵՐՏ, 26 հոկտեմբերի, ԱՐՑԱԽՊՐԵՍ-ԱՐՄԵՆՊՐԵՍ: Այդ մասին հայտնում է Լիբանանի ազգային լրատվական գործակալությունը՝ վկայակոչելով Լիբանանի նախագահի մամուլի ծառայության հաղորդագրությունը:
Ըստ աղբյուրի՝ նախագահական նստավայր կատարած շնորհակալական այցի ընթացքում Ռաֆայել Պետրոս ԻԱ Մինասյանին ուղեկցել է եպիսկոպոսների և հոգևոր հայրերի պատվիրակությունը:
Նախագահ Աունը շնորհավորել է Հայ կաթողիկե եկեղեցու պատրիարքին երդմնակալության կապակցությամբ՝ մաղթելով նրան հաջողություններ եկեղեցական նոր պարտականությունների կատարման գործում:
Զրույցի ընթացքում նախագահ Աունն արձանագրել է, որ վերջին շրջանի անվտանգության միջադեպերի արձագանքները դադարել են, և ընդգծել, որ չնայած երկրում ընդհանուր մթնոլորտի պարբերական խախտումներին՝ վերադարձ Լիբանանի քաղաքացիական պատերազմին չի լինելու:
Լիբանանի նախագահը նաև շեշտել է առաջիկա խորհրդարանական ընտրությունների գործընթացը հեշտացնելու նպատակով մեգակենտրոնի ստեղծման անհրաժեշտությունը՝ հաշվի առնելով ներկա ֆինանսական դժվարությունները, «որոնք կարող են շատերին խանգարել հասնելու իրենց ընտրատեղամասերը»: Իսկ դա իր հերթին կհանգեցնի ընտրողների ցածր մասնակցության:
Անդրադառնալով 2020 թ. օգոստոսի 4-ին Բեյրութի նավահանգստում տեղի ունեցած պայթյունի հետաքննության ընթացքին՝ նախագահը ընդգծել է այդ առումով դատական համակարգի անկախության և քաղաքական գործիչների կողմից հետաքննությանը չմիջամտելու անհրաժեշտությունը:
Իր հերթին պատրիարք Մինասյանը շնորհակալություն է հայտնել նախագահ Աունին իր բարի ժեստի համար՝ հույս հայտնելով, որ Աստված կօգնի իրեն իրականացնելու պարտականությունները, միավորելու մարդկանց սրտերը և արթնացնելու պաշտոնյաների խիղճը՝ Լիբանանը «ապահով ափ» դուրս բերելու համար:
Արքեպիսկոպոսը նաև ընդգծել է, որ Լիբանանի հայ կաթողիկեների համայնքը միշտ պատրաստ է ծառայելու իր երկրին՝ հանուն ժողովրդի միավորման և պետություն կառուցման:
Հայաստանի, Վրաստանի, Ռուսաստանի և Արևելյան Եվրոպայի հայ կաթողիկեների առաջնորդ Ռաֆայել արքեպիսկոպոս Մինասյանը Հայ կաթողիկե եկեղեցու 21-րդ պատրիարք էր ընտրվել 2021 թ. սեպտեմբերի 23-ին:

     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Նախագահ Հարությունյանը ցավակցական հեռագիր է հղել ՌԴ նախագահ Վլադիմիր Պուտինին

ՌԴ-ում Ալիևին ասել են՝ եթե ռազմական սադրանքները շարունակի, ռուսական կողմից կոշտ պատասխան կլինի. Բորիս Ավագյան

Շուշեցիներն իրենց անհանգստությունն են հայտնել բնակարանային խնդրի վերաբերյալ. անդրադարձ

ՀՀ կառավարությունը Արցախին կտրամադրի ևս 13.5 մլրդ դրամ

Արցախի Հանրապետության ամբողջ տարածքում սահմանվել է մեկամսյա կարանտին՝ մեծածավալ սահմանափակումներով

Ստեփանակերտի դպրոցների որոշ դասարաններն անցնելու են ուսուցման առկա տարբերակին. ԿԳՄՍՆ-ն ներկայացրել է կրթական գործընթացի կազմակերպման նոր կարգը

Ռուսաստանում հայ տղամարդուն սպանած հանցագործը խոստովանել է, որ մարդակեր է

«ՌԴ, ՀՀ և Ադրբեջանի փոխվարչապետները հաջորդ շաբաթ կհավաքվեն Մոսկվայում՝ ամփոփելու որոշ արդյունքներ և հայտարարելու այն որոշումները, որոնց շուրջ մենք այսօր պայմանավորվել ենք». Պուտին

ԱՀ դատական դեպարտամենտը ծառայության է հրավիրում

Search