Artsakhpress

Քաղաքական

Ադրբեջանը նույնպես, ի պատասխան Հայաստանի՝ ՄԱԿ Միջազգային դատարան դիմելու, կդիմի այնտեղ

Ադրբեջանը որոշել է հետ չմնալ եւ ի պատասխան ՄԱԿ Միջազգային դատարան Հայաստանի դիմելու՝ նույնպես կդիմի այդ ատյանին։

Ադրբեջանը նույնպես, ի պատասխան Հայաստանի՝ ՄԱԿ Միջազգային դատարան դիմելու, կդիմի այնտեղ

Ադրբեջանը նույնպես, ի պատասխան Հայաստանի՝ ՄԱԿ Միջազգային դատարան դիմելու, կդիմի այնտեղ
ՍՏԵՓԱՆԱԿԵՐՏ, 17 սեպտեմբերի, ԱՐՑԱԽՊՐԵՍ:Ինչպես ԶԼՄ-ներին հայտարարել է Ադրբեջանի ԱԳՆ ղեկավարի մամուլի ծառայության վարչության ղեկավար Լեյլա Աբդուլաեւան, «Ադրբեջանը ՄԱԿ Միջազգային դատարան կներկայացնի հայց ընդդեմ Հայաստանի Երեւանի կողմից Ռասայական խտրականության բոլոր ձեւերի վերացման միջազգային կոնվենցիան մշտապես խախտելու համար»։
Ավելի վաղ տեղեկացվել էր ինչ-որ զեկույցի պատրաստման մասին, որը կոչված է «հաստատելու» հայկական կողմին վերագրվող հանցագործությունները։ Զեկույցը պատրաստվել է միջազգային քրեական իրավունքի հայտնի մասնագետ Սթիվեն Քեյի (QC) ղեկավարությամբ, որն ունի Queen’s Counsel (թագավորական խորհրդատու) կարգավիճակ։ Բազմաթիվ էջերում նկարագրված են «Հայաստանի կատարած հանցագործությունները»։ Այս ինքնատիպ վինեգրետը ստեղծվել է ցուցմունքներից, համեմվել մամուլի ամփոփագրերով, համանախագահների հայտարարություններով եւ անգամ, դե ո՛ւր առանց դրանց, ՄԱԿ ԱԽ այսպես կոչված բանաձեւերով, որոնք Ադրբեջանը մեկնաբանում է այնպես, ինչպես իրեն հարմար է։ Զեկույցի հեղինակները «տարօրինակ զուգադիպությամբ» նույն կերպ են մեկնաբանում։ Փաստորեն, զեկույցը տարածվում է 1992 թվականից սկսած ժամանակաշրջանի վրա։ Այստեղ կա ամեն բան՝ անեքսիայի, օկուպացիայի, թալանի, ռեսուրսների ապօրինի շահագործման, ապօրինի բնակեցման եւ այլ մեղադրանքներ։ Ադրբեջանի իշխանությունների հետեւից նրանց վարձած բրիտանացի իրավաբանները հաստատում են տարածքների «կերպարանափոխումը», բնակեցումը։ Տարօրինակ է, բայց Լեյլա Աբդուլաեւան խոսում է երկրի երեսից ջնջված քաղաքների» մասին։ Ուրեմն՝ բնակեցո՞ւմ, թե՞ երկրի երեսից քաղաքների վերացում։
Այս երկու պնդումները  հերքվել են Ադրբեջանի նախագահի կողմից (եւ զեկույցում նույնպես այդ մասին կա), բազմաթիվ տեսահոլովակներով այն մասին, որ այժմ Ադրբեջանի օկուպացրած տարածքներում տնտեսական գործունեություն չի իրականացվել, իսկ պատերազմի ժամանակ ավերված ադրբեջանական բնակավայրերը մնացել են ավերակ վիճակում, որին նույնպես հղում են կատարում հաշվետվության հեղինակները։ Սա փաստել է ԵԱՀԿ ՄԽ առաքելությունը, որին նույնպես հղում են կատարում հաշվետվության հեղինակները։ Հիշեցնենք, որ առաքելությունն այցելել էր այն ժամանակ Լեռնային Ղարաբաղի վերահսկողության տակ գտնվող անվտանգության գոտու տարածքներ Ադրբեջանի պնդմամբ, եւ փաստել Բաքվի բացարձակ անհիմն մեղադրանքները։

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Ովքեր կարող են մասնակցել «Գրին քարտի» խաղարկությանը, ինչ քայլերի պետք է հետևել․ ԱՄՆ Պետքարտուղարության Հյուպատոսական ծառայությունների բյուրո

«Նախընտրել եմ Արցախ վերադառնալ ու շենացնել հայրենիքս». Հադրութից տեղահանված և Հաթերքում հաստատված բնակիչ (լուսանկարներ)

Արցախում կորոնավիրուսից մահվան դեպք է գրանցվել

Արցախից տեղահանված քաղաքացիներին ուղղված աջակցության ծրագրի շրջանակում դիմումները կընդունվեն հոկտեմբերի 28-ից. ՀՀ սոցապնախարարություն

«Մարտական խաչ 1-ին աստիճան»-ի շքանշանակիր Օնիկ Հովսեփյանի հիշատակին հուշաղբյուր և խաչքար է կանգնեցվել (լուսանկարներ)

Բանակը ցրելու մասին նախագահին վերագրվող հայտարարություններն իրականությանը չեն համապատասխանում․ խոսնակ

Զախարովա․ ԱՄՆ-ն խոչընդոտում է «3+3» նախաձեռնության իրականացմանը

Արցախում կորոնավիրուսից մահվան երկու դեպք է գրանցվել

Ադրբեջանցիները հափշտակել են Ճարտար քաղաքի բնակչի 32 կովն ու 13 հորթը. ՔԿ

Search