Artsakhpress

Տնտեսական

Հայաստանը և Պորտուգալիան ընդլայնում են գործարար կապերը, խթանում ներդրումները. ստորագրվեց հուշագիր

Հայաստանը և Պորտուգալիան մտադիր են առևտրատնտեսական ոլորտում ընդլայնել համագործակցությունը, երկու երկրների համապատասխան կառույցների ղեկավարները ստորագրեցին համագործակցության հուշագիր՝ գործարար կապերն ամրապնդելու, ներդրումները խթանելու նպատակով:

Հայաստանը և Պորտուգալիան ընդլայնում են գործարար կապերը, խթանում ներդրումները. ստորագրվեց հուշագիր

Հայաստանը և Պորտուգալիան ընդլայնում են գործարար կապերը, խթանում ներդրումները. ստորագրվեց հուշագիր
ՍՏԵՓԱՆԱԿԵՐՏ, 16 սեպտեմբերի, ԱՐՑԱԽՊՐԵՍ-ԱՐՄԵՆՊՐԵՍ: Պորտուգալիայի արտաքին առևտրի և ներդրումների գործակալության նախագահ Լուի Կաստրո Հենրիկեսը և Ներդրումների աջակցման կենտրոնի (Enterprise Armenia) տնօրեն Լևոն Օհանեսյանը հուշագիրը ստորագրեցին սեպտեմբերի 16-ին Երևանում:
Enterprise Armenia-ն արդեն տասնյակից ավելի այսպիսի համագործակցության հուշագրեր է ստորագրել: Oհանեսյանը նկատեց, որ օտարերկրյա ներդրումների տեսանկյունից Հայաստանը հետաքրքիր է նաև որպես ԵԱՏՄ շուկա:
Ներկայում Հայաստանը Պորտուգալիայի հետ ունի որոշակի բիզնես համագործակցություն: Սակայն Օհանեսյանը վստահ է, որ դեռ շատ աշխատելու տեղ կա: «Մենք պետք է ամրապնդենք այդ երկկողմանի բիզնես կապերը, կազմակերպենք գործարար համաժողովներ, որոնց ընթացքում մեր և Պորտուգալիայի գործարարները միմյանց հետ կծանոթանան և կսկսեն համատեղ աշխատանքը»,- ասաց նա:
Հուշագրով համագործակցության ընդլայնման, համաժողովների շնորհիվ գործնական կապերի ամրապնդման պայմանավորվածություն է ձեռք բերվել: «Պորտուգալիան իր ներդրողներին կուղղորդի մեզ, մենք մեկ պատուհանի սկզբունքով կսպասարկենք ներդրողներին, կաջակցենք բոլոր փուլերում: Ինչպես նաև, եթե հետաքրքրություն լինի հայկական կողմից ներդրում անելու Պորտուգալիայում, նույն կերպ կփոխանցենք պորտուգալական կողմին»,- ասաց Օհանեսյանն ու շնորհակալություն հայտնեց դիվանագիտական կորպուսին, Պորտուգալիայում ՀՀ դեսպանին:
Պորտուգալիայի արտաքին առևտրի և ներդրումների գործակալության նախագահ Լուի Կաստրո Հենրիկեսն էլ նշեց. «Հավատում ենք, որ Հայաստանը մոտ ապագայում շատ ավելի հետաքրքիր կլինի Պորտուգալիայի բիզնեսի համար: Ներկայումս Պորտուգալիայի բիզնես-համայնքն այնքան էլ ծանոթ չէ Հայաստանին: Սա առաջին քայլն է»:
Նա խոսեց նաև Հայաստանի և Պորտուգալիայի աշխարհագրական դիրքերից: «Մենք հավատացած ենք, որ երբ պորտուգալական ընկերությունները հասնեն Հայաստան, մենք կնայենք ամբողջ տարածաշրջանին, որոնց հետ դուք առևտուր ունեք, և երբ հայկական ընկերությունները հասնեն Պորտուգալիա, նրանք կնայեն տարածաշրջանին, որոնց հետ Պորտուգալիան առևտուր ունի»,- ասաց նա:
Լուի Կաստրո Հենրիկեսը շեշտեց՝ ներկայում աշխատում են երկու երկրների միջև առևտուրն ընդլայնելու ուղղությամբ: «Մենք առևտրի նոր հնարավորություններ ենք փնտրում՝ ոչ միայն ընդլայնելու ներկայիս արտահանումը, այլ նաև դիվերսիֆիկացնելու արտահանման պորտֆելը»,- ասաց նա:
Լուի Կաստրո Հենրիկեսը Հայաստանում ունեցած հանդիպման արդյունքում համոզվել է նաև, որ կան մի քանի ոլորտներ, որոնք Պորտուգալիայից հետագա պոտենցիալ ներդրումներ կարող են ունենալ, հատկապես ՏՏ ոլորտը, սննդի արտադրության ոլորտը:

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

ՀՀ կառավարությունը հաստատել է Արցախի տեղահանված կամ բնակելի անշարժ գույքը կորցրած քաղաքացիներին դրամական օգնություն տրամադրելու որոշումը

Ամենայն հավանականությամբ, վաղը Հայաստան կվերադառնա գերիների նոր խումբ․ աղբյուր

Հայտնի են Բաքվից վերադարձող 5 գերիների անունները. Sputnik Արմենիա

Բանակը ցրելու մասին նախագահին վերագրվող հայտարարություններն իրականությանը չեն համապատասխանում․ խոսնակ

Զախարովա․ ԱՄՆ-ն խոչընդոտում է «3+3» նախաձեռնության իրականացմանը

Երևանից ժամանած քիթ-կոկորդ-ականջաբանը Ստեփանակերտում խորհրդատվություններ է անցկացնելու

ԱրՊՀ ուսանողները ժամանակավորապես ազատվել են դասապարապմունքներից

Հայ գերիներին տեղափոխող ինքնաթիռը վայրէջք կատարեց Երևանում

Ռուսաստանից Երևան է տեղափոխվել 10 տոննա հումանիտար օգնություն՝ Արցախի կարիքավոր բնակիչների համար. ՌԴ ՊՆ

Search