Artsakhpress

Վերլուծական

Պետք է պարտության մատնել Վիրջինիայի նահանգապետի թեկնածուին՝ թուրքական լոբբիստին. Հարութ Սասունյան

2021 թվականի օգոստոսի 20-ին Washington Free Beacon առցանց թերթը հրապարակել է Չակ Ռոսի հոդվածը՝ «Թուրքիան վճարել է Մքոլիֆի ընկերությանը՝ լոբբինգ անելու ընդդեմ Հայոց ցեղասպանության ամերիկյան ճանաչման» վերնագրով։

Պետք է պարտության մատնել Վիրջինիայի նահանգապետի թեկնածուին՝ թուրքական լոբբիստին. Հարութ Սասունյան

Պետք է պարտության մատնել Վիրջինիայի նահանգապետի թեկնածուին՝ թուրքական լոբբիստին. Հարութ Սասունյան

ՍՏԵՓԱՆԱԿԵՐՏ, 25 օգոստոսի, ԱՐՑԱԽՊՐԵՍ:Թերի Մքոլիֆը Վիրջինիա նահանգի նահանգապետի Դեմոկրատական կուսակցության թեկնածուն է: 2021 թ․ հունիսի 8 -ին նա հաղթել է Դեմոկրատական կուսակցության նախնական ընտրություններում և նահանգի համընդհանուր ընտրություններում նոյեմբերին ճակատելու է Հանրապետական կուսակցության թեկնածու Գլեն Յանգկինի հետ: Հարցախույզերը ցույց են տալիս, որ դա շատ հավասար մրցավազք է: 2014-2018 թվականներին Մքոլիֆը նախապես զբաղեցրել է Վիրջինիայի նահանգապետի պաշտոնը:

Ամերիկահայերը պետք է օգնեն պարտության մատնել Մքոլիֆին՝ ազդանշան ուղարկելու, որ իրենք չեն հանդուրժի որևէ մեկին, որը ստում է Հայոց ցեղասպանության մասին և վարձատրվում դրա համար․․․

Թուրքիայի կառավարությունը 1990-94 թվականներին գրեթե 1.3 միլիոն դոլար վճարեց Մքոլիֆի կողմից հիմնադրված «Մքոլիֆ, Քելլի և Ռաֆայելի» խորհրդատվական ընկերությանը՝ «լոբբիստական և հասարակայնության հետ կապերի մի շարք ծառայություններ մատուցելու համար», այդ թվում՝ խոչընդոտելու ԱՄՆ Կոնգրեսին Հայոց ցեղասպանության ճանաչումը, հաղորդում է Washington Free Beacon-ը:

Մքոլիֆը եղել է Դեմոկրատական ազգային կոմիտեի նախագահը և նախագահ Բիլ Քլինթոնի ու նրա կնոջ՝ Հիլարիի վաղեմի ընկերը: Թեև Մքոլիֆն ասել է, որ ինքը չի զբաղվել իր ընկերության ամենօրյա լոբբիստական գործունեությամբ, սակայն նրա նախկին գործընկեր Ռիչարդ Սփիսը «Պոլիտիկո» (Politico) ամսագրին ասել է, որ «նա այն սոսինձն էր, որը միավորում էր այդ վայրը»:

Համաձայն Օտարերկրյա գործակալների գրանցման ակտի (FARA) բացահայտումների, որոնք ես զննեցի, Մքոլիֆի լոբբիստական ընկերությունը բազմահազար դոլարներ  է նվիրաբերել Ներկայացուցիչների պալատի և Սենատի տասնյակ անդամների քարոզարշավին, Վաշինգտոնում Թուրքիայի դեսպանի համար կազմակերպել է մասնավոր հանդիպումներ Կոնգրեսի անդամների հետ և կանոնավորաբար հանդիպել Կոնգրեսի բազմաթիվ անդամների ու Սպիտակ տան բարձրաստիճան պաշտոնյաների հետ՝ իր լոբբիստական գործունեության ընթացքում:

Ըստ FARA-ի բացահայտումների՝ «Մքոլիֆի ընկերությունը Թուրքիայի կառավարությունից ստացել է 1 287 500 դոլար՝ Թուրքիայի դեսպանի և դիվանագետների համար ամերիկյան քաղաքականություն մշակողների հետ հանդիպումներ կազմակերպելու համար: Թուրքիայի պայմանագիրը կոչ էր անում ընկերությանը լոբբինգ անել Կոնգրեսում՝ երկկողմ առևտրի վերաբերյալ և «հակազդել թուրք-ամերիկյան հարաբերություններին վնասող բոլոր ջանքերին», որը ներառում էր Հայոց ցեղասպանությունը ճանաչելու Կոնգրեսի ջանքերի արգելափակումը, հայտնում է The Washington Free Beacon-ը:

2009 թ․ մարտի 26-ին «Վաշինգտոն փոստում» հրապարակված հոդվածում նշվում է․ «Հավանաբար, ամենավիճահարույցը ընկերության [«Մքոլիֆ, Քելլի և Ռաֆայելի»] կողմից Թուրքիայի ներկայացումն էր այն ժամանակ, երբ այդ կառավարությունը մարդու իրավունքների ենթադրյալ ոտնահարումների համար միջազգային հետազոտության  առարկա էր դարձել: Ընկերությունը «Խոշտանգողների լոբբի» անունով քննադատության է ենթարկվել զեկույցում, որը  հրապարակվել է 1992 թվականին՝ «Հանուն հանրային  պարկեշտության» կենտրոնի կողմից:

Մքոլիֆի քարոզարշավը [2009 թ․ նահանգապետի պաշտոնում նրա ձախողված թեկնածության ժամանակ] հայտարարեց, որ Թուրքիայի համար ընկերության աշխատանքը կապված էր Առաջին համաշխարհային պատերազմից հետո Հայաստանի և Թուրքիայի միջև երկար տարիների վեճի հետ, երբ Օսմանյան կայսրությունը որոշ գնահատականներով սպանել էր ավելի քան 1 միլիոն հայ: Ամեն տարի Հայաստանը [ավելի ճիշտ՝ ամերիկահայերը] ձգտում է Կոնգրեսում օրենքի ընդունման՝ այս ժամանակաշրջանը որակելու որպես Հայոց ցեղասպանություն, իսկ թուրքական կառավարությունն ամեն տարի դեմ է արտահայտվում այդ օրենսդրությանը»:

«Մքոլիֆը ներքաշված էր 1996 թ․ Դեմոկրատական ազգային կոմիտեի նախընտրական քարոզարշավի ֆինանսավորման սկանդալում, երբ նա Դեմոկրատական կուսակցության  նվիրատուների համար գիշերակաց էր կազմակերպել Սպիտակ տանը: Մինչ Վիրջինիայի նահանգապետի պաշտոնը զբաղեցնելը, Մքոլիֆը ուղղակիորեն լոբբիստական գործունեություն էր ծավալում Օբամայի վարչակազմի ընթացքում, օգնելու իր էլեկտրամոբիլային ընկերությանը՝ հավանական չինացի ներդնողների համար վիզա ստանալ։ Արդարադատության նախարարությունը նաև հետաքննեց, թե արդյոք Մքոլիֆը չինացի միլիարդատիրոջից անօրինական նվիրատվություններ է վերցրել 2013 թ.  նահանգապետի իր քարոզարշավի ժամանակ», հաղորդել է Washington Free Beacon-ը։

«Մքոլիֆի [ներկայիս] քարոզարշավը չի արձագանքել մեկնաբանությունների խնդրանքին՝ Թուրքիայի հետ իր ընկերության պայմանագրի կամ Հայոց ցեղասպանության 2019 թ. ճանաչման իր դիրքորոշման վերաբերյալ», գրել է The Washington Free Beacon-ը:

Շատ տարիներ են անցել Մքոլիֆի լոբբիստական գործունեությունից հօգուտ Թուրքիայի։   2019 թվականին Ներկայացուցիչների պալատը՝ ճնշող մեծամասնությամբ, Սենատը՝ միաձայն, իսկ 2021 թ․ նախագահ Ջո Բայդենը ճանաչել են Հայոց ցեղասպանությունը։ Սակայն, ամերիկահայերը չպետք է երբեք մոռանան նրանց անունները, ովքեր վաճառել են իրենց հոգին ամենակարող դոլարի դիմաց: Սա խայտառակություն է, որը նման լոբբիստները պետք է իրենց հետ տանեն գերեզման: Ավելին, Մքոլիֆը երբեք ներողություն չի խնդրել իր ընկերության խաբեբայական գործողությունների համար և ներում չի հայցել։ Սա ավելի քան պատճառ է, որ ոչ մի հայ երբեք չպետք է մտածի նրա ստոր արարքը մոռանալու մասին։ Կարևոր չէ, թե նման ժխտողները որ քաղաքական կուսակցությանն են պատկանում:

Սա արդիական է, քանի որ նախագահ Բայդենը վերջերս նախկին սենատոր Ջեֆ Ֆլեյքին (հանրապետական, Արիզոնա) առաջադրեց Թուրքիայում ԱՄՆ դեսպանի պաշտոնում: Որպես Ներկայացուցիչների պալատի անդամ՝ նա 2005, 2007 և 2010 թվականներին միջազգային հարաբերությունների հանձնաժողովում դեմ է քվեարկել Հայոց ցեղասպանության բանաձևին: 2014-ին Ֆլեյքը նաև այն հինգ սենատորներից մեկն էր, որը դեմ արտահայտվեց Հայոց ցեղասպանության բանաձևին արտաքին հարաբերությունների հանձնաժողովում:

Ֆլեյքը ներողություն չի խնդրել Ներկայացուցիչների պալատում և Սենատում իր տված ամոթալի քվեների համար՝ ժխտելով Հայոց ցեղասպանության մասին ճշմարտությունը։ Մնում է պարզել, թե նա ինչպես կբացատրի Հայոց ցեղասպանության վերաբերյալ իր տված բացասական քվերներն իր առաջադրումը քննարկող Սենատի արտաքին հարաբերությունների հանձնաժողովին:
Վերջին բանը, որ պետք է ամերիկահայերին՝ Անկարայում ժխտողական ԱՄՆ դեսպան ունենալն է, որը կամրապնդի Հայոց ցեղասպանության վերաբերյալ թուրքական կառավարության ստերը: Սենատորները պետք է մի քանի կոշտ հարցեր ուղղեն սենատոր Ֆլեյքին, և եթե չբավարարվեն նրա պատասխաններով, պետք է արգելափակեն նրա թեկնածությունը:

Հարութ Սասունյան


     

Քաղաքական

Հայաստանը ցեղասպանության կանխարգելման պայքարի առաջատար է. Լեմկինի ինստիտուտի տնօրեն

Մոտ 20 երկրից գիտությունների դոկտորներ, պրոֆեսորներ, փորձագետներ, հայագետներ, բուհերի, հետազոտական կենտրոնների և գերատեսչությունների գիտնականներ Հայաստանի գիտությունների ազգային ակադեմիայում մասնակցել են եռօրյա գիտաժողովին:

Արցախի նախագահը Ֆրանսիային խնդրել է ճնշում գործադրել Ադրբեջանի վրա՝ գերիների ազատ արձակման պահանջով

Արցախի նախագահ Սամվել Շահրամանյանը հարցազրույց է տվել ֆրանսիական Le Figaro պարբերականին, որտեղ անդրադարձել է Արցախի «լուծարման» փաստաթղթին, արցախցիների՝ հայրենիք վերադարձին և այլ հարցերի:

ԱՄՆ-ն համաձայն չէ Ադրբեջանի պնդումների հետ, թե Բրյուսելի հանդիպումը կարող է սրել իրավիճակը տարածաշրջանում․ Մեթյու Միլլեր

Ամերիկայի Միացյալ Նահանգները համաձայն չէ ադրբեջանական կողմի այն պնդումներին, որ ապրիլի 5-ին Բրյուսելում կայանալիք Հայաստան-ԵՄ-ԱՄՆ բարձր մակարդակի հանդիպումը կարող է ապակայունացնել և սրել իրավիճակը Հարավային Կովկասում։

Արարատ Միրզոյանը ՀՀ ԱԺ անունից Արգենտինայի Պատգամավորների պալատի գործընկերներին հրավիրել է Հայաստան

Մարտի 26-ին պաշտոնական այցով Բուենոս Այրեսում գտնվող ՀՀ ԱԳ նախարար Արարատ Միրզոյանը հանդիպում է ունեցել Արգենտինյան Հանրապետության Պատգամավորների պալատի նախագահ Մարտին Մենեմի հետ:

Տնտեսական

ՀՀ էկոնոմիկայի նախարարը և ԱՄՆ դեսպանը քննարկել են հայ-ամերիկյան համագործակցությանն առնչվող հարցեր

Նախարար Գևորգ Պապոյանը մարտի 22-ին ընդունել է Հայաստանում ԱՄՆ արտակարգ և լիազոր դեսպան Քրիստինա Ալիսոն Քվինին:

Գերմանիայի կառավարությունը ՀՀ-ին կտրամադրի 12 մլն եվրոյի արտոնյալ վարկ. համաձայնագրի նախագիծը քննարկվել է ԱԺ-ում

Հայաստանի Հանրապետությունն ու Ասիական զարգացման բանկը ստորագրել են 66,1մլն եվրո արժողությամբ «Սեյսմիկ անվտանգության բարելավման ծրագիր (լրացուցիչ ֆինանսավորում)» վարկային համաձայնագիրը. այս մասին ասել է ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը՝ ԱԺ ֆինանսավարկային և բյուջետային հարցերի մշտական հանձնաժողովի՝ մարտի 15-ի արտահերթ նիստում ներկայացնելով համաձայնագիրը վավերացնելու մասին օրենքի նախագիծը:

Ռուբլին, եվրոն և դոլարը էժանացել են

ՀՀ բանկերում այսօր՝ մարտի 13-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 400.72 դրամ։

Մարտի 11-ին դոլարի, ռուբլու և եվրոյի փոխարժեքները փոխանակման կետերում

ՀՀ բանկերում այսօր՝ մարտի 11-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 401.41 դրամ։

Հասարակական

Կերկարաձգվեն ԼՂ-ից բռնի տեղահանված անձանց կենսաթոշակի և ծերության, հաշմանդամության, կերակրողին կորցնելու դեպքում նպաստների նշանակման ժամկետները

Կառավարությունն ընդունել է որոշում՝ ԼՂ-ից բռնի տեղահանված անձանց կենսաթոշակի և ծերության, հաշմանդամության, կերակրողին կորցնելու դեպքում նպաստների նշանակման ժամկետների երկարաձգման, նշանակման գործընթացների պարզեցման նպատակով:

Եվրանեսթ ԽՎ-ն ԵՄ-ին կոչ է արել մեծացնել մարդասիրական օգնությունը ԼՂ-ից բռնի տեղահանված անձանց

Եվրանեսթ խորհրդարանական վեհաժողովը ԵՄ-ին կոչ է արել մեծացնել մարդասիրական և ֆինանսական օգնությունը ԼՂ-ից բռնի տեղահանված բնակչության շրջանում անչափահասների կարիքները բավարարելու համար։

«Հայաստան» հիմնադրամը շարունակում է աջակցել Լիբանանում գործող հայկական կրթական հաստատություններին

«Հայաստան» համահայկական հիմնադրամը հերթական ֆինանսական աջակցությունն է ցուցաբերել Լիբանանի հայ կրթական հաստատություններին` Լիբանանի հայ համայնքին տրամադրվող շարունակական օգնության ծրագրի շրջանակում:

Հայաստանը շուրջ 30 տոննա մարդասիրական բեռ կուղարկի Գազայի բնակիչներին

Հայաստանի Հանրապետությունը մարդասիրական օգնություն կուղարկի Գազայից տեղահանված և Ռաֆահի անցակետում հաստատված, ծանր սոցիալ-տնտեսական վիճակում հայտնված բնակիչներին։

Ռազմական

Հայաստանը մնում է ՀԱՊԿ-ի դաշնակիցը. գլխավոր քարտուղար

Հայաստանը շարունակում է մնալ ՀԱՊԿ-ի դաշնակիցը, միևնույն ժամանակ, կազմակերպությունը Հայաստանի ղեկավարության կողմից քաղաքական սթափություն է ակնկալում:

Հայաստանի պաշտպանության նախարարը պաշտոնական այցով մեկնել է Իրան

Հայաստանի պաշտպանության նախարար Սուրեն Պապիկյանի գլխավորած պատվիրակությունը մարտի 6-ին պաշտոնական այցով մեկնել է Իրանի Իսլամական Հանրապետություն։

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Տեսանյութեր

ավելին

Ամենադիտված

ամիս

շաբաթ

օր

ԼՂ-ից բռնի տեղահանվածները կշարունակեն օգտվել Կառավարության սոցիալական աջակցության ծրագրերից ՀՀ քաղաքացիություն ստանալուց հետո

ՀՀ էկոնոմիկայի նախարարը և ԱՄՆ դեսպանը քննարկել են հայ-ամերիկյան համագործակցությանն առնչվող հարցեր

Այսօր Ծաղկազարդ է

Բարեղամ Հարությունյանը ոսկե մեդալ նվաճեց Լիտվայում

Մայամիի մրցաշար․ Ավանեսյանը հաղթեց աշխարհի 6-րդ ռակետ Ժաբերին

Դոլարի փոխարժեքը նվազել է. եվրոն եւս շարունակում է էժանանալ

Հայ մրցավարները կսպասարկեն Մոլդովա Մ 21-Նիդերլանդներ Մ 21 հանդիպումը

Շանթ Սարգսյանը` «Bucharest Grand Prix Rapid» արագ շախմատի մրցաշարի հաղթող

Տնտեսական ակտիվության ցուցանիշը երկու ամսում աճել է 13.6 տոկոսով․ Հայաստանից արտահանումն ավելացել է 2.6 անգամ

Search