Ստեփանակերտ քաղաքի բնակչից օգոստոսի 3-ին ահազանգ է ստացվել, որ Հայկավան թաղամասի հարակից տարածքում հրդեհ է բռնկվել: Նախնական տվյալներով այրվել է չոր խոտատարածք:
Այրվել է պտղատու այգի և խոտատարածք Ստեփանակերտի թաղամասերից մեկում
ՍՏԵՓԱՆԱԿԵՐՏ, օգոստոսի 4, ԱՐՑԱԽՊՐԵՍ։ Այս մասին «Արցախպրես»-ին հաղորդել են ԱՀ ՆԳՆ Արտակարգ իրավիճակների պետական ծառայությունից։ «Բնակչությանն օգնություն ցուցաբերելու և հրդեհաշիջման աշխատանքներ կատարելու նպատակով կանչի վայր է մեկնել մեկ հրշեջ մեքենա՝ իր մարտական հաշվարկով:
Խոտատարածքում բռնկված հրդեհը քամու միջոցով տարածվել է և այրել նաև հարակից այգին՝ պտղատու ծառերի հետ միասին։
Հրդեհի պատճառով վնասվել է 150 տարբեր տեսակի բերքատու ծառեր և 0,4 հա խոտատարածք»,- մեզ հետ զրույցում ասել է ԱՀ ներքին գործերի նախարարության տեղեկատվության և հասարակայնության հետ կապերի բաժնի պետ Հունան Թադևոսյանը, և հավելել, որ դեպքի առթիվ ստուգումներ է իրականացնում ԱԻՊԾ պետական հրդեհային և տեխնիկական անվտանգության տեսչությունը:
«Հրդեհների առաջացման ճնշող մեծամասնությունը մարդածին են»-, ընդգծել է մեր զրուցակիցը, և հորդորել՝ արտակարգ դեպքերից ու դժբախտ ելքով պատահարներից խուսափելու համար ցուցաբերել զգուշավորություն, պահպանել հրդեհային անվտանգության կանոնները, իսկ հրդեհ հայտնաբերելու դեպքում՝ անմիջապես զանգահարել 911:
