ՍՏԵՓԱՆԱԿԵՐՏ, հուլիսի 23, ԱՐՑԱԽՊՐԵՍ-ԱՐՄԵՆՊՐԵՍ։ Այս տվյալները հուլիսի 23-ին հրապարակել Է Օդերեւութաբանության համաշխարհային կազմակերպությունը (ՕՀԿ), որը ՄԱԿ-ի մասնագիտացված կազմակերպությունն Է:

«10 խոշորագույն աղետներից վերջին 50 տարում ամենամեծ թվով մահերի են հանգեցրել երաշտները (650 հազար զոհված), փոթորիկները (577 232), հեղեղումները (58 700) եւ Էքստրեմալ ջերմաստիճանները (55 736)»,- նշել Է ՕՀԿ-ն՝ վկայակոչելով այն տեղեկությունները, որոնք կարտացոլվեն կլիմայի, եղանակի եւ ջրի հետ կապված մահացության եւ տնտեսական վնասի մասին (1970 – 2019 թթ.)` սեպտեմբերին թողարկման պատարստվող զեկույցում: Ինչ վերաբերում Է աղետների հարուցած տնտեսական վնասին, ապա առաջին տասնյակ են մտել փոթորիկները (521 միլիարդ դոլար) եւ հեղեղումները (115 միլիարդ դոլար):

Կլիմայի, եղանակի եւ ջրի հետ առնչություն ունեցող աղետները դարձել են բոլոր մահեի 45 տոկոսի եւ աղետների հատ կապված միագումար տնտեսական վնասի 74 տոկոսի պատճառը: «Եղանակի, կլիմայի եւ ջրի հետ կապված ռիսկերը դառնում են ավելի ու ավելի հաճախակի եւ ինտենսիվ կլիմայի փոփոխության պատճառով»,- հայտարարել Է ՕՀԿ-ի գլխավոր քարտուղար Պետերի Տաալսը: Մասնավորապես, «սաստիկ անձրեւների շրջաններն ավելի ու ավելի մեծ չափով են իրենց վրա կրում կլիմայի փոփոխման դրոշմը», նշել Է նա: Տաքացող մթնոլորտն ավելի շատ խոնավություն Է պահում, ինչը հանգեցնում Է տեղումների ավելացման փոթորիկների ժամանակ, բարձրացնում Է հեղեղումների ռիսկը, արձանագրել Է ՕՀԿ-ի ղեկավարը, հաղորդել Է ՏԱՍՍ-ը: