Artsakhpress

Մշակույթ

Հադրութցի աղջնակը հայրենիքը փրկելու իր բանաձևն ունի՝ գտնել ու մարդկանց վերադարձնել արժեքները

Հադրութցի Ժասմին Հայրապետյանը 11-14 տարեկանում 3 գիրք է հրատարակել, ու երեքն էլ դարձել են բեսթսելլերներ:

Հադրութցի աղջնակը հայրենիքը փրկելու իր բանաձևն ունի՝ գտնել ու մարդկանց վերադարձնել արժեքները

Հադրութցի աղջնակը հայրենիքը փրկելու իր բանաձևն ունի՝ գտնել ու մարդկանց վերադարձնել արժեքները
ՍՏԵՓԱՆԱԿԵՐՏ, 21 հուլիսի, ԱՐՑԱԽՊՐԵՍ։ «Արցախպրես»-ի թղթակցի հետ հեռախոսազրույցում Ժասմինը, խոսելով իր ստեղծագործությունների ու հերոսուհու  մասին, նշել է.
 
«Ստեղծագործում եմ 11 տարեկանից. այդ ժամանակ սկսեցի գրել «Սուպեր Նռանե» վիպակի առաջին հատորը: Այդ պահին ներշնչանքի աղբյուրս հենց հերոսս էր՝ Նռանեն , քանի որ մտքովս էլ չէր անցնի , որ պատմությունը  կվերածվի գրքի, ավելին՝ կշարունակվի: Գրում էի, որովհետև սիրում էի գրել. օրերս սկսում էին ավելի հետաքրքիր և արդյունավետ անցնել»,- նշել է նա:
 Բնութագրությունը հասանալի չէ
Վիպակի հերոսուհին՝ Նռանեն, 17-ամյա մի չքնաղ հայուհի է, ով օժտված է գերբնական ուժով, որի առաքելությունն է, պայքարելով  չարի դեմ, փրկել Հայաստանը: 
 
«Նռանեի  զենքերը հայկական են՝ ծիրանի կորիզը, նուռը, ծիրանափողը, Արծվագորգը, Նարեկը: Նա գեղեցիկ է և ուժեղ, բայց ունի մի թուլություն՝ սիրահարվել է չարագործների որդուն: Սակայն նա պայքարում է իրեն համակած սիրո դեմ, որպեսզի հաղթի չարին : Նռանեն հայ առաջին սուպեր հերոսուհին է, և բոլոր ընթերցողները դառնում են նրա ընկերը»,- հավելել է վիպակի հեղինակը:
 
«Սուպեր Նռանե» գրքի առաջին մասը տպագրվել է 2019 թվականի գարնան վերջին, 2-րդ մասը` 2020 թվականի ամռանը, 3-րդը` 2021 թվականի մարտին՝ 44֊օրյա պատերազմից հետո, երբ Ժասմինի ծննդավայրը ևս մնացել էր թշնամու վերահսկողության տակ։
 
Գրքի երեք մասերն էլ վաճառվել են ռեկորդային քանակով` ինչպես Հայաստանում, այնպես էլ՝ Սփյուռքում:
 
«Առաջին մասում ներկայացվում է բարու և չարի պայքարը, այդ մասում ծանոթանում ենք Նռանեի , Գոդի հետ,  իմանում ենք նրանց սիրո պատմությունը: Երկրորդ հատորը գրել եմ 2020 թվականին մեզ պատուհասած կորոնավիրուսի ժամանակահատվածում: Այդ պատճառով գրքի իրադարձությունները սերտորեն կապված են այդ իրավիճակի հետ. Էվիլ անունով չարագործը անտարբերության վիրուսով թունավորում է մարդկանց՝ նրանցից խլելով բոլոր էմոցիաները: Նա դա անում է ջրի միջոցով: Այսպիսով՝ Նռանեի ու Գոդի նպատակն է դառնում  մարդկանց վերադարձնել այն, ինչը նրանց մարդ է պահում: Երրորդ մասը գրել եմ պատերազմի ժամանակ: Հերոսուհին  Շուշիում էր, երբ հանկարծակի գրոհով չար ուժերը հարձակվում են բարու աշխարհի վրա: Այս անգամ նրա առաքելությունն է հասկանալ, թե ինչու այդպես ստացվեց, ինչը դրդեց այդ վիճակին, և ինչպես նրանք կարող են հաղթել: Երկար փնտրտուքներից հետո նրանք հասկանում են, որ մարդիկ կորցրել են կարևոր արժեքներ՝ հավատ եվ ինքնավստահություն, ներում, հանդուրժողականություն, բարություն, սեր՝ մայր հայրենիքի հանդեպ , ինչի պատճառով էլ բարու աշխարհը ներսից է ճաք տվել: Այսպիսով նա իր առաջ նպատակ է դնում գտնելու և նորից   մարդկանց վերադարձնելու այդ արժեքները»,-մանրամասնել է մեր զրուցակիցը:
 
Իսկ որպես գործի շարունակություն՝
 
Ժասմինը  եղբոր՝ Բորիսի հետ  Երևանում(Գայի պողոտա 39 ) գեղեցիկ սենյակ է բացել, կահավորել ու սպասում են երեխաներին, որպեսզի նրանց հետ միասին անցնեն Հայոց պատմության հետաքրքիր դրվագներով, որպեսզի խաղան ու խաղի միջոցով ճանաչեն իրար, ավելի լավ ճանաչեն հային ու Հայաստանը:
 
«Ես ու եղբայրս ձեռնամուխ  ենք եղել Quest-ի սենյակ պատրաստելուն: Բորիսը իր վրա վերցրել է տեխնիկական մասը, իսկ ես՝ ստեղծագործականը: Երեխաները հարցերի, հուշումների շնորհիվ հասնում են իրենց վերջնական նպատակին՝  փրկել  հայրենիքը չար ուժից: Այդ ամենի համար նրանք ունեն 1 ժամ»,- ընդգծել է մեր զրուցակիցը:
 
Ժասմինի հավաստիացմամբ՝ գիրքը կունենա 4-րդ և 5-րդ մասեր. նա կշարունակի ստեղծագործել:
 
Խոսելով Հադրութում թողած վառ ու գունավոր հիշողությունների մասին, Ժասմինը հաստատակամ ասաց.
 
« Ես գիտեմ, որ մի օր կվերադառնամ իմ Հադրութ: Եթե կորցնեմ հույսս, ապա վերջնականապես կկորցնեմ Հադրութս»...
Բնութագրությունը հասանալի չէ

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Տեղահանված արցախցիների համար աջակցության նոր ծրագիր կիրականացվի

Տեղահանվածների կեղծ տվյալներ ներկայացնելով հյուրանոցը պետությունից հափշտակել է 19,5 մլն դրամ գումար

Ստեփանակերտում կազմակերպվել է տեղական հագուստի ցուցադրություն

Արցախի ժողովրդի բարեկեցությանն ուղղված ծրագրերի իրականացման համար «Տաշիր գրուպ»-ը կհատկացնի մոտ 50 միլիոն դոլար

Նիկոլ Փաշինյանը ցավակցական հեռագիր է հղել Վլադիմիր Պուտինին

Պատերազմի հետևանքով նյութական վնաս կրած քաղաքացիների հայտերն ընդունվում են ըստ հերթականության. պատասխանատու

Ադրբեջանական զինուժը Արցախի Հանրապետության արևմտյան հատվածում հերթական անգամ խախտել է հրադադարի պահպանման ռեժիմը

Արմեն Գյոզալյանը նշանակվել է Հատուկ բանակային կորպուսի շտաբի պետ-կորպուսի հրամանատարի տեղակալ

Ստեփանակերտում էստրադային երաժշտական երեկո է կազմակերպվել

Search