Artsakhpress

Միջազգային

Իրանը չի բացառել լրացուցիչ պատժամիջոցներն ԱՄՆ-ի պաշտոնատար անձանց նկատմամբ

Թեհրանը պլանավորում Է լրացուցիչ պատժամիջոցներ սահմանել ԱՄՆ-ի պաշտոնատար անձանց նկատմամբ:

Իրանը չի բացառել լրացուցիչ պատժամիջոցներն ԱՄՆ-ի պաշտոնատար անձանց նկատմամբ

Իրանը չի բացառել լրացուցիչ պատժամիջոցներն ԱՄՆ-ի պաշտոնատար անձանց նկատմամբ
ՍՏԵՓԱՆԱԿԵՐՏ, 20 հունվարի, ԱՐՑԱԽՊՐԵՍ-ԱՐՄԵՆՊՐԵՍ։ ՌԻԱ Նովոստիին հայտնել Է Իրանի արտաքին գործերի փոխնախարար Մոհսեն Բահարվանդը: Իրանը հունվարի 19-ին Դոնալդ Թրամփին ներառել Է «սեւ ցուցակի» մեջ, այսինքն՝ նախագահի պաշտոնը թողնելուց մեկ օր առաջ:
Պատժամիջոցները սահմանվել Էին նրա վարչակազմի պաշտոնյաների՝ պետքարտուղար Մայք Փոմպեոյի, Պենտագոնի ղեկավարներ Մարկ Էսփերի եւ Քրիսիոֆեր Միլլերի, Կենտրոնական հետախուզական վարչության (ԿՀՎ) տնօրեն Ջինա Հասփերի եւ այլոց նկատմամբ: «Այդ ցուցակը, իսկ, հնարավոր Է, կլինեն նաեւ ուրիշները, պատրաստվել Է այն անձանց նկատմամբ օրենքին համապատասխան, որոնք թշնամական գործողություններ են իրականացնում Իրանի դեմ»,-ասել Է դիվանագետը:
Բահարվանդի խոսքով՝ Իրանի քաղաքացիներից եւ դիվանագետներից ոչ ոք իրավունք չունի շփվել Թրամփի վարչակազմի անդամների հետ, նաեւ հակառակը, դա վերաբերում Է նաեւ տնտեսական կապերին: Նա նաեւ հավելել Է, որ ոմանք ներառվել են Իրանի Իսլամական հեղափոխության պահապանների զորակազմի գեներալ Քասեմ Սուլեյմանիի սպանության պատճառով: Թեհրանը ձգտելու Է հասնել Ինտերպոլից նրանց ձերբակալմանը եւ Իրանին հանձնելուն, եթե նրանք փաստաբաններ չվարձեն իրենց պաշտպանության համար: Թրամփի եւ ԱՄՆ-ի պաշտոնատար անձանց նկատմամբ Իրանի պատժամիջոցները սահմանվել են «մարդու իրավունքների խախտումներին, տարածաշրջանում ԱՄՆ-ի ավանտյուրիստական եւ ահաբեկչական գործողություններին հակազդելու» օրենքի շրջանակներում: Իրանի ԱԳ նախարարությունը նրանց մեղադրել Է մարդու իրավունքների խախտումների, ահաբեկչությանն աջակցելու, ինչպես նաեւ Իրանի ու Իրանի քաղաքացիների նկատմամբ հակամարդասիրական եւ ահաբեկչական գործողությունների մեջ:

     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Շուշիի Լիսագոր գյուղի բնակիչներն ամբողջությամբ կվերադառնան առաջիկա երկու ամիսներին. գյուղապետ

Ադրբեջանն անօրինական հարձակումներ է իրականացրել Արցախի բուժհաստատությունների վրա. Human Rights Watch

Գերիների, Արցախի կարգավիճակի և օտարերկրացիների մուտքի մասին. պաշտոնական Ստեփանակերտի կոշտ արձագանքն Ալիևին

Ասվածը լկտի սուտ է. Արցախի հերոսի որդին հերքում է երևանյան հանրահավաքին Մարտակերտից մարդ տանելու մասին տեղեկությունը

Արմեն Թովմասյանը նշանակվել է Արցախի Հանրապետության էկոնոմիկայի և գյուղատնտեսության նախարար

Արցախի էկոնոմիկայի և գյուղատնտեսության նախարարը հայտարարել է պաշտոնը թողնելու մասին

Արայիկ Հարությունյանն ԱՀ նախագահի վերահսկողական ծառայության անձնակազմին է ներկայացրել նորանշանակ ղեկավար Մհեր Աբրահամյանին

Կարմիր շուկայով անցնող ճանապարհի և Ամարասի վանք ուխտավորների այցի մասին. ԱՀ նախագահի խոսնակը պարզաբանումներ է տվել

Ռուսաստանը մտադիր է շուտով խոշոր մարդասիրական նախագիծ իրականացնել Արցախում. Զատուլին

Search