ԱՄՆ Անվտանգության ազգային բյուրոն ստուգում է Ազգային գվարդիան՝ ԱՄՆ նորընտիր նախագահ Ջո Բայդենի երդմնակալության արարողության ժամանակ ուժայինների հնարավոր հարձակումից խուսափելու նպատակով:
Անվտանգության ազգային բյուրոն Բայդենի երդմնակալությանը հարձակման հավանական սպառնալիքի ֆոնին սկսել է Ազգային գվարդիայի ստուգումները
ՍՏԵՓԱՆԱԿԵՐՏ, 18 հունվարի, ԱՐՑԱԽՊՐԵՍ: Այս մասին տեղեկացնում է Tert.am-ը:
Ավելի վաղ MSNBC հեռուստաալիքը հայտնել էր, որ Ազգային գվարդիայի 15 000 մարտիկ արդեն ժամանել է Վաշինգտոն ՝ պետության նոր ղեկավարի երդմնակալության կապակցությամբ միջոցառումը պաշտպանելու համար: Հունվարի 20-ին կայանալիք երդմնակալության ժամանակ նրանց թիվը կհասնի 25 000-ի, բոլոր 50 նահանգներից կժամանեն մարտիկներ:
Հաղորդվում է, որ, համաձայն զինվորականների դիրքորոշման, առաջիկա օրերին Վաշինգտոնը պաշտպանելու համար նշանակված որոշ աշխատակիցներ կարող են սպառնալիք ներկայացնել ապագա նախագահի կամ այլ «բարձրաստիճան հյուրերի» համար: ԱՄՆ ցամաքային ուժերի նախարար Ռայան ՄըքՔարթին գործակալությանը հայտնել է, որ իշխանությունները տեղյակ են այդ հավանական սպառնալիքի մասին, հրամանատարները նախազգուշացվել են և պետք է պատրաստ լինեն:
Հստակեցվում է, որ բյուրոն ստուգումը սկսել է ավելի քան մեկ շաբաթ առաջ և պետք է ավարտի այն մինչև չորեքշաբթի: Միևնույն ժամանակ, ՄըքՔարթին և իշխանության այլ պաշտոնյաներ հայտարարում են, որ նման սպառնալիքների ապացույց չկա:
«Մենք անընդհատ հետևում ենք դրան, երկրորդ և երրորդ անգամ կատարում ենք գործողության մեջ ներգրավված անձանց ստուգումներ ... մենք պետք է օգտագործենք բոլոր մեխանիզմները` մանրակրկիտ ստուգելու համար այն տղամարդկանց և կանանց, ովքեր զբաղվելու են նման գործողություններով»,-հայտարարել է ՄըքՔարթին:
Ստուգումը ներառում է տվյալների շտեմարաններում մարդկանց անունների և գործակալության կողմից կազմված հատուկ ցուցակի ուսումնասիրություն: Դրանք կարող են պարունակել ահաբեկչության հետ կապված խնդիրների մասին տեղեկատվություն: Այս մասին գործակալության հետ զրույցում բացատրել է Սիեթլում ազգային անվտանգության հետաքննությունների դաշնային բյուրոյի նախկին տեսուչ Դեվիդ Գոմեսը:
Միևնույն ժամանակ, գեներալ Դանիել Հոքանսոնը ընդգծել է, որ «ռազմական կամ ռազմաօդային ուժերի անձնակազմից որևէ մեկի ծայրահեղական հայացքներ արտահայտելու մասին» հաղորդումների դեպքում տեղեկատվությունը փոխանցվում է իրավապահ մարմիններին կամ բարձրագույն ղեկավարությանը: Նա նշել է, որ կան լավ հնարավորություններ`հայտնաբերելու ցանկացած հավանական սպառնալիք:
