Artsakhpress

Հարցազրույց

Պետք է կառուցենք մեր ապագան` անցյալի ճանապարհը չկրկնելու համար. Արաքսյա Գրիգորյան

Հետպատերազմյան շրջանում Արցախի Հանրապետությունում հաշվառում ունեցող անձանց տրամադրվող սոցիալական աջակցության ծրագրերից որոշներն արդեն իսկ գտնվում են ընթացքի մեջ. մի շարք ծրագրեր էլ կմեկնարկեն առաջիկայում:

Պետք է կառուցենք մեր ապագան` անցյալի ճանապարհը չկրկնելու համար. Արաքսյա Գրիգորյան

Պետք է կառուցենք մեր ապագան` անցյալի ճանապարհը չկրկնելու համար. Արաքսյա Գրիգորյան

ՍՏԵՓԱՆԱԿԵՐՏ, 29 դեկտեմբերի, ԱՐՑԱԽՊՐԵՍ: «Արցախպրես»-ի թղթակիցը Արցախի քաղաքացիներին ուղղված սոցիալական աջակցության ծրագրերի և մի շարք այլ հարցերի շուրջ զրուցել է ԱՀ աշխատանքի, սոցիալական և միգրացիայի հարցերի նախարարի հասարակական հիմունքներով խորհրդական Արաքսյա Գրիգորյանի հետ, ով վերջերս ՀՀ-ից տեղափոխվել է Արցախ՝ մշտական բնակության:

-Տիկի՛ն Գրիգորյան, նախ կցանկանայի նշեիք, թե երբվանի՞ց եք տեղափոխվել Արցախ և ինչպիսի՞ աշխատանք եք իրականացնում ԱՀ աշխատանքի, սոցիալական և միգրացիայի հարցերի նախարարությունում:

-Մինչ հարցին պատասխանելը, Ձեր թույլտվությամբ ուզում եմ իմ խորին խոնարհումն ու երախտագիտությունը հայտնել մեր հայ զինվորին, մեր պաշտպանին: Փառք ու պատիվ մեր զինվորին, հավերժ հիշատակ նահատակվածներին և խոնարհումս նրանց ու մեր բոլոր մայրերին:

Ինչպես արդեն գիտեք, այս դաժան պատերազմը փոխեց բոլորիս. փոխեց բոլորիս կյանքը, կյանքի բնականոն ընթացքը: Այս պատերազմի թողած վերքերն էլ ավելի խորն են ու ցավոտ: Կատարվածը սարսափելի է: Պատերազմի ավարտից և այդ չարաբաստիկ թղթի ստորագրումից 10 օր հետո, նոյեմբերի 19-ն էր, երբ մեկնեցի Արցախ, ցանկանում էի առերեսվել իրականությանը՝ հասկանալու և ծանոթանալու ստեղծված վիճակին: Վերադարձի ողջ ճանապարհին, մտքերի մեջ էի: Գիտակցում էի, որ ապրում ենք բավականին դժվար և ծանր ժամանակահատված: Գլխումս մի բան էր միայն՝ մենք պարտավոր ենք ապրել, ապրել հանուն նրանց, ովքեր իրենց կյանքը տվեցին հայրենիքի, հանուն մեզ և մեր երեխաների, մեր ապագա սերունդների համար: Մենք պետք է կառուցենք մեր ապագան` անցյալի ճանապարհը չկրկնելու համար: Մենք այլևս հապաղելու ժամանակ չունենք, յուրաքանչյուր րոպեն շատ թանկ է մեր ապագայի կերտման համար: Յուրաքանչյուրն անելիք ունի այս ծանր և դժվար ժամանակահատվածում:

Վերադարձից հետո Երևանում գտնվելուս ժամանակահատվածում հետևում էի Արցախում տեղի ունեցող իրադարձություններին: Եվ մի տեսանյութ տեսա, որտեղ ներկայացվում էր սոցիալական աջակցության ծրագրերի և դրանց դիմելու կարգի մասին, որտեղ բավականին մեծ հերթեր էին, ցրտին դրսում կանգնած մարդիկ, տարեցներ, ծնողներ երեխաների հետ: Մտածեցի, եթե ես այսօր չօգնեմ՝ իմ՝ Արցախ գնալով, հետո ուշ կլինի: Եթե ոչ ես, ապա՝ ով: Եթե ոչ հիմա, ապա՝ ե՞րբ:

Եվ դեկտեմբերի 1-ին արդեն Արցախում էի՝ մինչև այսօր և այս ողջ ժամանակահատվածում, կամավոր, իմ գիտելիքներով, իմ հմտություններով, արագ և օպերատիվ աշխատելու կարողությունների ներդրումով փորձեցի օգնել արցախցիներին: Հուսով եմ՝ իմ այս խոնարհ ներդրումը տվել է իր արդյունքը: Դա կփաստեն արցախցիները և նախարարության աշխատակազմը, որի հետ այս ողջ ընթացքում փորձել ենք միասին աշխատել և համակարգված լուծումներ տալ խնդիրներին: Արդյունքը նաև այն է, որ այսօր նախարարությունում այլևս հերթ չկա, քաղաքացիների բոլոր դիմումներին տրվել է համապատասխան ընթացք, որոնք գտնվում են մշակման և քննարկումների փուլում: Առիթից օգտվելով՝ ես հայցում եմ մեր քաղաքացիների ներողամտությունը և ակնկալում նրանց համբերատարությունը: Այսօր Արցախում բնականոն կյանքը վերականգնվել է և շարունակվում են այդ ուղղությամբ աշխատանքները:

-Կցանկանայի նշեիք՝ թե մինչ այս պահը քանի՞ արցախցի է վերադարձել հայրենիք, և մինչև ե՞րբ են գործելու ՀՀ-ից Արցախ տեղափոխող անվճար երթուղիները:

-Այս պահին իմ ունեցած տվյալներով՝ 70-80 հազար արցախցի է վերադարձել հայրենիք: Իսկ ՀՀ-ից դեպի Արցախ տեղափոխող անվճար երթուղիները կգործեն այնքան ժամանակ քանի դեռ դրա կարիքը կա:

-Այս պահին քանի՞ քաղաքացի է օգտվել սոցիալական աջակցության ծրագրերից և դեռևս ո՞ր ծրագրերի հայտերի ընդունման գործընթացն է ընթացքի մեջ:

Մոտավոր կարող եմ փաստել որ 68000+15000 աջակցության ծրագրի շահառուների 90% և ավելին օգտվել են ծրագրից ու ստացել իրենց աջակցությունը: 300-հազարական դրամի աջակցության ծրագրի դիմումները մշակման փուլում են, արդեն կատարվում են փոխանցումները, մասնավորապես՝ 9600 և ավելի շահառու արդեն իսկ ստացել է այդ օգնությունը Արդեն մեկնարկել են 250-հազարական դրամի աջակցության և հյուրընկալողների ծախսերի փոխհատուցման ծրագրերը: Աջակցության բոլոր ծրագրերն այս պահին ընթացքի մեջ են, և այն քաղաքացիները, ովքեր ինչ-ինչ պատճառներով չեն կարողացել լրացնել հայտերը, դեռ ժամանակ ունեն: Յուրաքանչյուր ծրագրի դիմելու համար սահմանված է ժամկետ՝ 68000+15000 և 300 հազար դրամի աջակցության ծրագրերի դիմումների ընդունման ժամկետը 2021 թվականի հունվարի 11-ն է:

Հարցազրույցը՝ Անի Ավանեսյանի


     

Քաղաքական

Հայաստանը ցեղասպանության կանխարգելման պայքարի առաջատար է. Լեմկինի ինստիտուտի տնօրեն

Մոտ 20 երկրից գիտությունների դոկտորներ, պրոֆեսորներ, փորձագետներ, հայագետներ, բուհերի, հետազոտական կենտրոնների և գերատեսչությունների գիտնականներ Հայաստանի գիտությունների ազգային ակադեմիայում մասնակցել են եռօրյա գիտաժողովին:

Արցախի նախագահը Ֆրանսիային խնդրել է ճնշում գործադրել Ադրբեջանի վրա՝ գերիների ազատ արձակման պահանջով

Արցախի նախագահ Սամվել Շահրամանյանը հարցազրույց է տվել ֆրանսիական Le Figaro պարբերականին, որտեղ անդրադարձել է Արցախի «լուծարման» փաստաթղթին, արցախցիների՝ հայրենիք վերադարձին և այլ հարցերի:

ԱՄՆ-ն համաձայն չէ Ադրբեջանի պնդումների հետ, թե Բրյուսելի հանդիպումը կարող է սրել իրավիճակը տարածաշրջանում․ Մեթյու Միլլեր

Ամերիկայի Միացյալ Նահանգները համաձայն չէ ադրբեջանական կողմի այն պնդումներին, որ ապրիլի 5-ին Բրյուսելում կայանալիք Հայաստան-ԵՄ-ԱՄՆ բարձր մակարդակի հանդիպումը կարող է ապակայունացնել և սրել իրավիճակը Հարավային Կովկասում։

Արարատ Միրզոյանը ՀՀ ԱԺ անունից Արգենտինայի Պատգամավորների պալատի գործընկերներին հրավիրել է Հայաստան

Մարտի 26-ին պաշտոնական այցով Բուենոս Այրեսում գտնվող ՀՀ ԱԳ նախարար Արարատ Միրզոյանը հանդիպում է ունեցել Արգենտինյան Հանրապետության Պատգամավորների պալատի նախագահ Մարտին Մենեմի հետ:

Տնտեսական

ՀՀ էկոնոմիկայի նախարարը և ԱՄՆ դեսպանը քննարկել են հայ-ամերիկյան համագործակցությանն առնչվող հարցեր

Նախարար Գևորգ Պապոյանը մարտի 22-ին ընդունել է Հայաստանում ԱՄՆ արտակարգ և լիազոր դեսպան Քրիստինա Ալիսոն Քվինին:

Գերմանիայի կառավարությունը ՀՀ-ին կտրամադրի 12 մլն եվրոյի արտոնյալ վարկ. համաձայնագրի նախագիծը քննարկվել է ԱԺ-ում

Հայաստանի Հանրապետությունն ու Ասիական զարգացման բանկը ստորագրել են 66,1մլն եվրո արժողությամբ «Սեյսմիկ անվտանգության բարելավման ծրագիր (լրացուցիչ ֆինանսավորում)» վարկային համաձայնագիրը. այս մասին ասել է ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը՝ ԱԺ ֆինանսավարկային և բյուջետային հարցերի մշտական հանձնաժողովի՝ մարտի 15-ի արտահերթ նիստում ներկայացնելով համաձայնագիրը վավերացնելու մասին օրենքի նախագիծը:

Ռուբլին, եվրոն և դոլարը էժանացել են

ՀՀ բանկերում այսօր՝ մարտի 13-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 400.72 դրամ։

Մարտի 11-ին դոլարի, ռուբլու և եվրոյի փոխարժեքները փոխանակման կետերում

ՀՀ բանկերում այսօր՝ մարտի 11-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 401.41 դրամ։

Հասարակական

Կերկարաձգվեն ԼՂ-ից բռնի տեղահանված անձանց կենսաթոշակի և ծերության, հաշմանդամության, կերակրողին կորցնելու դեպքում նպաստների նշանակման ժամկետները

Կառավարությունն ընդունել է որոշում՝ ԼՂ-ից բռնի տեղահանված անձանց կենսաթոշակի և ծերության, հաշմանդամության, կերակրողին կորցնելու դեպքում նպաստների նշանակման ժամկետների երկարաձգման, նշանակման գործընթացների պարզեցման նպատակով:

Եվրանեսթ ԽՎ-ն ԵՄ-ին կոչ է արել մեծացնել մարդասիրական օգնությունը ԼՂ-ից բռնի տեղահանված անձանց

Եվրանեսթ խորհրդարանական վեհաժողովը ԵՄ-ին կոչ է արել մեծացնել մարդասիրական և ֆինանսական օգնությունը ԼՂ-ից բռնի տեղահանված բնակչության շրջանում անչափահասների կարիքները բավարարելու համար։

«Հայաստան» հիմնադրամը շարունակում է աջակցել Լիբանանում գործող հայկական կրթական հաստատություններին

«Հայաստան» համահայկական հիմնադրամը հերթական ֆինանսական աջակցությունն է ցուցաբերել Լիբանանի հայ կրթական հաստատություններին` Լիբանանի հայ համայնքին տրամադրվող շարունակական օգնության ծրագրի շրջանակում:

Հայաստանը շուրջ 30 տոննա մարդասիրական բեռ կուղարկի Գազայի բնակիչներին

Հայաստանի Հանրապետությունը մարդասիրական օգնություն կուղարկի Գազայից տեղահանված և Ռաֆահի անցակետում հաստատված, ծանր սոցիալ-տնտեսական վիճակում հայտնված բնակիչներին։

Ռազմական

Հայաստանը մնում է ՀԱՊԿ-ի դաշնակիցը. գլխավոր քարտուղար

Հայաստանը շարունակում է մնալ ՀԱՊԿ-ի դաշնակիցը, միևնույն ժամանակ, կազմակերպությունը Հայաստանի ղեկավարության կողմից քաղաքական սթափություն է ակնկալում:

Հայաստանի պաշտպանության նախարարը պաշտոնական այցով մեկնել է Իրան

Հայաստանի պաշտպանության նախարար Սուրեն Պապիկյանի գլխավորած պատվիրակությունը մարտի 6-ին պաշտոնական այցով մեկնել է Իրանի Իսլամական Հանրապետություն։

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Տեսանյութեր

ավելին
Search