Artsakhpress

Հասարակական

Արցախում հաշվառված քաղաքացիներին միանվագ դրամական օգնության համար դիմել է շուրջ 35 հազար քաղաքացի. գործընթացը շարունակվում է

ԱՀ աշխատանքի, սոցիալական և բնակարանային հարցերի նախարարության կողմից շարունակվում են ադրբեջանական օկուպացիայի տակ անցած Արցախի բնակավայրերի բնակիչներին աջակցելու աշխատանքները:

Արցախում հաշվառված քաղաքացիներին միանվագ դրամական օգնության համար դիմել է շուրջ 35 հազար քաղաքացի. գործընթացը շարունակվում է

Արցախում հաշվառված քաղաքացիներին միանվագ դրամական օգնության համար դիմել է շուրջ 35 հազար քաղաքացի. գործընթացը շարունակվում է

ՍՏԵՓԱՆԱԿԵՐՏ, 30 նոյեմբերի, ԱՐՑԱԽՊՐԵՍ: Այս մասին ‹‹Արցախպրես››-ի թղթակցի հետ զրույցում ասել է ԱՀ աշխատանքի, սոցիալական և բնակարանային հարցերի նախարարի առաջին տեղակալ Վահրամ Առաքելյանը և ավելացրել, որ նախարարության կողմից անօթևան մնացած ընտանիքներին տրամադրվում է տաք հագուստ:

ԱՀ աշխատանքի, սոցիալական և բնակարանային հարցերի նախարարության շենքի դիմաց գրեթե ամեն օր գոյանում են հերթեր: Վ. Առաքելյանը պարզաբանել է, որ, հաշվի առնելով, որ Արցախում առկա է համացանցի խնդիր, ուստի Արցախում հաշվառված քաղաքացիներին միանվագ դրամական օգնության և կեցավայրի փոխհատուցման աջակցության (68 հազար դրամ+15 հազար դրամ) տրամադրման հայտ ներկայացնելու համար քաղաքացիները ներկայանում են նախարարության շենք, ինչն էլ պատճառ է հանդիսացել հերթերի գոյացման:

Բացի դրանից, ‹‹Արցախփոստ›› ընկերությունը ներկայումս իր աշխատանքները համակարգում է ԱՀ աշխատանքի, սոցիալական և բնակարանային հարցերի նախարարության շենքից: Առաջիկայում, ըստ Վ. Առաքելյանի ‹‹Արցախփոստ›› ընկերության մայրաքաղաքում գործող 3 մասնաճյուղերի աշխատանքը կվերականգնվի, և քաղաքացիները տեղից կարող են ստանալ միանվագ դրամական օգնության գումարը և բոլոր տեսակի պետական նպաստներն ու թոշակները, որոնք այս ընթացքում էլ վճարվում են: Չնայած որոշ քաղաքացիների հայտեր արդեն իսկ բավարարվել են, սակայն, ըստ Վ. Առաքելյանի, ‹‹Արցախփոստ›› ընկերությունն առայժմ չի սկսել գումարների վճարման գործընթացը:

Միանվագ դրամական օգնության ներկայացվող հայտերը հաճախ մերժվում են՝ նշելով, որ ներկայացված տվյալները պետռեգիստրում առկա տվյալների հետ չեն համապատասխանում: Վ. Առաքելյանը նշել է, որ երբեմն առաջանում են ծրագրային խնդիրներ, ուստի անհրաժեշտ է ներկայանալ ԱՀ աշխատանքի, սոցիալական և բնակարանային հարցերի նախարարություն և տեղում աշխատակիցների օգնությամբ լրացնել հայտը:

Մեր զրուցակիցը տեղեկացրել է նաև, որ այս ընթացքում միանվագ դրամական օգնության համար դիմել է շուրջ 35 հազար քաղաքացի. Ընդհանուր առմամբ, ծրագրից կարող է օգտվել մոտ 80 հազար արցախցի:


     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Պետնախարարը դրամական աջակցության տրամադրման գործընթացում առկա խնդիրներին նվիրված խորհրդակցություն է հրավիրել

Ադրբեջանը թույլ չի տալիս Շուշիից հանել 1500–ից ավելի արվեստի գործերն ու բացառիկ նմուշները

Արցախի պետական ծառայողական թանկարժեք մեքենաները բաց աճուրդի կդրվեն. Արտակ Բեգլարյան

Հրապարակվել են Հայաստանի քաղաքացիների համար Ռուսաստան մուտք գործելու կանոնները

Արտակ Բեգլարյանը մեկնաբանել է պատերազմի ժամանակ Հանրապետությունից բացակայած պաշտոնյաներին աշխատանքից ազատելու հարցը

«Մոսկվան չի պատրաստվում ճանաչել ԼՂ անկախությունը և այն ընդգրկել ՌԴ կազմում»․ Լավրով

Արցախում բնակվարձերի փոխհատուցման չափը կազմում է մինչև 80 հազար դրամ

Հրապարակվել են Արցախի շրջանների ներկայացուցիչների հեռախոսահամարները

Հայաստանում գտնվող Արցախի գործազուրկ քաղաքացիների ժամանակավոր զբաղվածության ծրագրերի դիմումներն արդեն ընդունվում են

Search