Artsakhpress

Միջազգային

ՌԴ ԱԳՆ-ն պատրաստակամություն է հայտնել պատասխանել ԱՄՆ-ի սադրանքներին՝ կապված ռուսական ջրային սահմանի խախտման հետ

Ռուսաստանը կոչ է անում ԱՄՆ-ին հրաժարվել ռուսական սահմանների խախտման հետ կապված սադրանքներից և իրեն իրավունք է վերապահում պատասխանել նման գործողություններին։

ՌԴ ԱԳՆ-ն պատրաստակամություն է հայտնել պատասխանել ԱՄՆ-ի սադրանքներին՝ կապված ռուսական ջրային սահմանի խախտման հետ

ՌԴ ԱԳՆ-ն պատրաստակամություն է հայտնել պատասխանել ԱՄՆ-ի սադրանքներին՝ կապված ռուսական ջրային սահմանի խախտման հետ
 ՍՏԵՓԱՆԱԿԵՐՏ, 28 նոյեմբերի, ԱՐՑԱԽՊՐԵՍ։ Այս մասին հայտնում է Tert.am-ը:
Այս մասին, ինչպես գրում է ՏԱՍՍ գործակալությունը, ասված է հինգշաբթի՝ նոյեմբերի 27-ին, ՌԴ ԱԳՆ-ի տարածած հայտարարության մեջ՝ կապված ռուսական տարածքային ջրեր ամերիկյան Էսկադրային ականակիր նավի մուտք գործելու միջադեպի հետ։

«Ամերիկյան ռազմանավի՝ Ռուսաստանի Դաշնության տարածքային ջրեր մուտք գործելու փաստը չի չի ստեղծում և չի կարող ստեղծել միջազգային իրավական հետևանքներ համապատասխան ջրային տարածքների կարգավիճակի համար: Կոչ ենք անում ԱՄՆ-ին հետագայում զերծ մնալ նման արկածներից, հակառակ դեպքում հնարավոր հետևանքների պատասխանատվությունն ամբողջությամբ ամերիկյան կողմի վրա է լինելու։ Մենք մեզ իրավունք ենք վերապահում պատասխան գործողություններ ձեռնարկել», - ասված է հայտարարության մեջ։

ՌԴ ԱԳՆ հայտարարության մեջ նաև նշվում է, որ Մոսկվան իր դժգոհությունն է հայտնում Վաշինգտոնին նոյեմբերի 24-ին ՌԴ տարածքային ջրեր ամերիկյան ռազմանավի մուտք գործելու կապակցությամբ և այս միջադեպը որակում է սադրանք՝ ուղղված խաղաղության ու կարգի խաթարմանը։

Ինչպես բացատրել են արտգործնախարարությունում, ՌԴ ծովային սահմանի խախտումն ամերիկյան ռազմանավերն իրականացրել են «Պետրոս Մեծի ծոցի միջազգային իրավական կարգավիճակը կասկածի տակ դնելու մտադրությամբ»։ Նշվում է, որ Վաշինգտոնին շատ լավ հայտնի է Ռուսաստանի դիրքորոշումը ջրային այս տարածքի նկատմամբ, որը ՌԴ-ի ինքնիշխանության տակ է, և այլ պնդումներն անընդունելի են։

Ռուսաստանյան դիվանագիտական գերատեսչությունում նաև նշել են, որ միջադեպի կապակցությամբ ամերիկյան կողմին ռազմադիվանագիտական ուղիներով կոշտ դեմարշ է արվել, քանի որ ակնհայտ է, որ այս կերպ ԱՄՆ-ն գիտակցաբար փորձում է սրել իրավիճակը։

Ավելի վաղ բրիտանական Daily Express պարբերական գրել էր, որ ռուսական ափերի մոտ ամերիկյան ռազմական նավերի գործողությունները կարող են վտանգավոր հետևանքներ ունենալ և անգամ համաշխարհային պատերազմի սանձազերման պատճառ դառնալ։ 

Հիշեցնենք, որ նոյեմբերի 24-ին ռուսական «Ծովակալ Վինոգրադով» նավը թույլ չի տվել ամերիկյան «Ջոն Մաքքեյն» էսկադրային ականակրին խախտել Ռուսաստանի ծովային սահմանները Ճապոնական ծովի Պետրոս Մեծի ծոցում՝ սպառնալով հարվածել ամերիկյան ռազմանավին։ ՌԴ ԱԳՆ-ի տվյալներով՝ երեքշաբթի՝ նոյեմբերի 24-ին, էսկադրային ականակիրը, որն արդեն մի քանի օր էր ինչ գտնվում էր Ճապոնական ծովում, խախտել է ՌԴ-ի ծովային սահմանն ու մուտք գործել Պետրոս Մեծի ծոց՝ մոտ երկու կիլոմետր ընկղմվել ռուսական տարածքային ջրեր։

     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Պետնախարարը դրամական աջակցության տրամադրման գործընթացում առկա խնդիրներին նվիրված խորհրդակցություն է հրավիրել

Ադրբեջանը թույլ չի տալիս Շուշիից հանել 1500–ից ավելի արվեստի գործերն ու բացառիկ նմուշները

Արցախի պետական ծառայողական թանկարժեք մեքենաները բաց աճուրդի կդրվեն. Արտակ Բեգլարյան

Հրապարակվել են Հայաստանի քաղաքացիների համար Ռուսաստան մուտք գործելու կանոնները

Արտակ Բեգլարյանը մեկնաբանել է պատերազմի ժամանակ Հանրապետությունից բացակայած պաշտոնյաներին աշխատանքից ազատելու հարցը

«Մոսկվան չի պատրաստվում ճանաչել ԼՂ անկախությունը և այն ընդգրկել ՌԴ կազմում»․ Լավրով

Արցախում բնակվարձերի փոխհատուցման չափը կազմում է մինչև 80 հազար դրամ

Հրապարակվել են Արցախի շրջանների ներկայացուցիչների հեռախոսահամարները

Հայաստանում գտնվող Արցախի գործազուրկ քաղաքացիների ժամանակավոր զբաղվածության ծրագրերի դիմումներն արդեն ընդունվում են

Search