Artsakhpress

Մշակույթ

ԵԽ պատգամավորը ՅՈՒՆԵՍԿՕ-ին կոչ է արել աջակցել՝ պաշտպանելու Արցախի մշակութային ժառանգությունը

Եվրախորհրդարանի պատգամավոր Լարս Պատրիկ Բերգը բաց նամակ է ուղղել ՅՈՒՆԵՍԿՕ-ի գլխավոր տնօրեն Օդրի Ազուլեին՝ Արցախի մշակութային ժառանգությունը ադրբեջանական վանդալիզմից պաշտպանելուն աջակցելու կոչով:

ԵԽ պատգամավորը ՅՈՒՆԵՍԿՕ-ին կոչ է արել աջակցել՝ պաշտպանելու Արցախի մշակութային ժառանգությունը

ԵԽ պատգամավորը ՅՈՒՆԵՍԿՕ-ին կոչ է արել աջակցել՝ պաշտպանելու Արցախի մշակութային ժառանգությունը
ՍՏԵՓԱՆԱԿԵՐՏ, 20 նոյեմբերի, ԱՐՑԱԽՊՐԵՍ-ԱՐՄԵՆՊՐԵՍՊատգամավորը նախ նշել է, որ նամակով  ցանկանում է խնդրել գլխավոր տնօրենի աջակցությունը՝ ադրբեջանական սպառնալիքներից պաշտպանելու Արցախի մշակութային ժառանգությունը, հայկական անփոխարինելի ժառանգությունը: «Արդեն կան հավաստի տեղեկություններ ադրբեջանական օկուպացիոն ուժերի կողմից եկեղեցիների ու վանքերի նկատմամբ վանդալիզմի մասին: Ես կցանկանայի իմանալ, թե ՅՈՒՆԵՍԿՕ-ն որքանո՞վ կարող է միջամտել այս ճգնաժամին՝ ապահովելու, որ Արցախում անգնահատելի ժառանգությունը չոչնչանա, և ինչ միջոցներ կարող է ձեռնարկել ապահովելու, որ և՛ Ադրբեջանը, և՛ Թուրքիան պահպանեն միջազգային պայմանագրերը»,-գրել է պատգամավորը:
Նա շեշտել է, որ ինքը, օրինակ, գիտի, որ Ադրբեջանը ստորագրել է ՄԱԿ-ի Մարդու իրավունքների խորհրդի 2016 թվականի մարտի հայտարարությունը, որով դատապարտվում է մշակութային ժառանգության կանխամտածված ոչնչացումը: Պատգամավորը նշել է՝ որքանով ինքն է տեղյակ՝ բոլոր կողմերը պարտավորություններ ունեն՝ Մշակութային արժեքների պաշտպանության մասին 1954 թվականի Հաագայի կոնվենցիայի կատարման մասով:
«Այնուամենայնիվ, ես կիսում եմ Եկեղեցիների համաշխարհային խորհրդի և Նյու Յորքի «Մետրոպոլիտեն» թանգարանի մտահոգությունը, որ Ադրբեջանը պատրաստվում է բռնել ոչնչացման քաղաքականության ուղին, որը կարող է արմատախիլ անել հարուստ հայկական ժառանգությունը: Ես ուրախ եմ, որ Դուք արդեն հրապարակել եք հրապարակային հայտարարություն, որով կոչ եք անում բոլոր կողմերին հարգել իրենց միջազգային պարտավորությունները, և հուսով եմ, որ Ձեզ կհաջողվի ապահովել, որ մեր վատագույն վախերը չիրականանան»,- եզրափակել է նա:

     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Արցախցիների համար ՀՀ կառավարության աջակցության ծրագրերում տեղի են ունեցել փոփոխություններ

Ստեփանակերտում հնչած կրակոցների հեղինակն արցախցիներ են. նրանք ձերբակալվել են

Տեղահանված արցախցիներին տրամադրելու համար շուրջ 700 առանձնատուն կվերանորոգվի

Կառավարությունը սկսում է տեղահանված ընտանիքներին բնակելի տներով ապահովելու ծրագրի առաջին փուլը

Արցախի պետական ծառայողական թանկարժեք մեքենաները բաց աճուրդի կդրվեն. Արտակ Բեգլարյան

Ադրբեջանը թույլ չի տալիս Շուշիից հանել 1500–ից ավելի արվեստի գործերն ու բացառիկ նմուշները

Ստեփանակերտում քիչ առաջ լսված երկու պայթյունները պայմանավորված էին ականազերծման աշխատանքներով

Հակառակորդի կողմից արձակված կրակոցից ՊԲ զինծառայող է վիրավորվել

Արտակ Բեգլարյանը մեկնաբանել է պատերազմի ժամանակ Հանրապետությունից բացակայած պաշտոնյաներին աշխատանքից ազատելու հարցը

Search