Artsakhpress

Մշակույթ

Գագիկ Հարությունյանի «Ղարաբաղ» շարքի ցուցադրության հասույթը կփոխանցվի «Հայաստան» հիմնադրամին

Գեղագիտության ազգային կենտրոնում ցուցադրվող հայ գեղարվեստական լուսանկարչության նշանավոր ներկայացուցիչ Գագիկ Հարությունյանի «Ղարաբաղ» շարքի ցուցադրության ողջ հասույթը կփոխանցվի «Հայաստան» համահայկական հիմնադրամին։

Գագիկ Հարությունյանի «Ղարաբաղ» շարքի ցուցադրության հասույթը կփոխանցվի «Հայաստան» հիմնադրամին

Գագիկ Հարությունյանի «Ղարաբաղ» շարքի ցուցադրության հասույթը կփոխանցվի «Հայաստան» հիմնադրամին
ՍՏԵՓԱՆԱԿԵՐՏ, 2 նոյեմբերի, ԱՐՑԱԽՊՐԵՍ:Ցուցադրությունը ներկայացնում է արցախյան թեմատիկայով 29 լուսանկարչական աշխատանք. համադրողն է արվեստի քննադատ Վիգեն Գալստյանը։
Ինչպես «Արմենպրես»-ին տեղեկացրին Գեղագիտության ազգային կենտրոնի հասարակայնության հետ կապերի բաժնից, «Անվերջ վերադարձ. Գագիկ Հարությունյանի «Ղարաբաղ» լուսանկարչական շարքը» խորագրով ցուցադրությունը նախաձեռնել է Հայաստանի Հանրապետության կրթության, գիտության, մշակույթի և սպորտի նախարարությունը՝ կենտրոնի հետ համագործակցությամբ։
Ելնելով պատերազմական դառն իրողությունից, որին այսօր առերեսվել է հայ ժողովուրդն Արցախի ու Հայաստանի սահմանին, ցուցադրության նախաձեռնողների նպատակը թիկունքի ամրապնդման գործում արվեստի միջոցով ներդրում կատարելն ու առաջնագծում գտնվող հայ զինվորին հնարավոր օժանդակություն ու աջակցություն ցուցաբերելն է։ Ցուցադրության մուտքի տոմսերի, պաստառների ու բացիկների վաճառքի ամբողջ հասույթը կփոխանցվի «Հայաստան» համահայկական հիմնադրամին։
1970-ականներից սկսած` Գագիկ Հարությունյանի լուսանկարները տարիներ շարունակ հրապարակվել են տեղական ու համամիութենական պարբերական մամուլում, որոնք տարածվել են նաև արտասահմանում: Այդ տարիներին լուսանկարիչը բազմիցս գործուղվել է եվրոպական, և աֆրիկյան երկրներ՝ ստեղծելով և հանրությանը ներկայացնելով իր յուրատեսակ պատմությունների շարքերը:
Լուսանկարչին հետաքրքրել են ոչ միայն այցելած երկրները կամ առհասարակ ճամփորդական թեմաները. նա ամենուրեք փնտրել է առավելապես մարդուն, ձգտել է բացահայտել մարդու և բնության հարաբերությունը, մարդու և տիեզերքի անտեսանելի կապը, ինչն ակնհայտորեն երևում է նաև հեղինակի «Ղարաբաղ» շարքի յուրաքանչյուր լուսանկարի մեջ։
Գագիկ Հարությունյանը «Ղարաբաղ» շարքն ստեղծել է 1992-1997 թթ-ին՝ Ղարաբաղյան պատերազմի առաջնագծում, Արցախի տարբեր շրջաններում։ Ցուցահանդեսն այցելության համար բաց կլինի մինչև նոյեմբերի 30-ը։

     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Արցախցիների համար ՀՀ կառավարության աջակցության ծրագրերում տեղի են ունեցել փոփոխություններ

Ստեփանակերտում հնչած կրակոցների հեղինակն արցախցիներ են. նրանք ձերբակալվել են

Տեղահանված արցախցիներին տրամադրելու համար շուրջ 700 առանձնատուն կվերանորոգվի

Կառավարությունը սկսում է տեղահանված ընտանիքներին բնակելի տներով ապահովելու ծրագրի առաջին փուլը

Արցախի պետական ծառայողական թանկարժեք մեքենաները բաց աճուրդի կդրվեն. Արտակ Բեգլարյան

Ադրբեջանը թույլ չի տալիս Շուշիից հանել 1500–ից ավելի արվեստի գործերն ու բացառիկ նմուշները

Ստեփանակերտում քիչ առաջ լսված երկու պայթյունները պայմանավորված էին ականազերծման աշխատանքներով

Հակառակորդի կողմից արձակված կրակոցից ՊԲ զինծառայող է վիրավորվել

Արտակ Բեգլարյանը մեկնաբանել է պատերազմի ժամանակ Հանրապետությունից բացակայած պաշտոնյաներին աշխատանքից ազատելու հարցը

Search