ՍՏԵՓԱՆԱԿԵՐՏ, 11 հուլիսի, ԱՐՑԱԽՊՐԵՍ։ Այս մասին «Արցախպրես»-ի թղթակցի հետ զրույցում ասել է «Արցախէներգո» ՓԲ ընկերության գործադիր տնօրեն  Անդրանիկ  Խաչատրյանը՝ նշելով, որ  ծրագիրը բաղկացած է չորս փուլերից։

 

Նրա  խոսքով՝  ծրագրի ընդհանուր արժեքը կազմում է ավելի քան  17 մլրդ  դրամ։

 

«Ծրագրի  նպատակն է   ապահովել էներգետիկ ոլորտի  հուսալիությունը,   անվտանգությունը և  էլեկտրաէներգիայի արտահանումը։ Ի  դեպ,  արդեն երկրորդ տարին է, ինչ Արցախից էլեկտրական էներգիա ենք արտահանում Մայր հայրենիք։   Ներկայումս կառուցվում է նոր  օդային  գիծ դեպի  ՀՀ, վերակառուցվում է 110/ 38/30  գործող  ենթակայանները։ Ավարտվել  է  Աղավնո ենթակայանի  ամբողջական  վերակառուցումը, Աղավնո-Սպիտակաջուր-Սառնաղբյուր   ենթակայանի  օդային  գիծը  և ենթակայանը։ Մոտ  օրերս   ավարտվելու է նաև  Աղավնո- Շինուհայր տանող  երկու օդային գծերի  կառուցումը։  Այս փուլում իրականացնում   ենք Ստեփանակերտի  110/35/10  գործող  ենթակայանի  տեղափոխումը նոր  վայր։ Ծրագրի շրջանակներում նախատեսվում է կառուցել  ևս մեկ ենթակայան  Մաղավուզի  խաչմերուկում Ընդհանուր  ծրագիրն ավարտելուց հետո հնարավորություն կունենաք ավելի քան 500 մլն Կվտ/ժ  էլեկտրաէներգիա տեղափոխել ՀՀ։  Բարձրանալու է  մատակարարվող էլեկտրաէներգիայի որակը, սարքավորումները  լինելու են  բոլորավին  արդի»,- մասնավորապես ասել է Ա. Խաչատրյանը՝ տեղեկացնելով, որ մշակել  են  նաև ներքին մատակարարման բաշխիչ  ցանցի  վերակառուցման ռազմավարական  ծրագիրը։