Artsakhpress

Ռազմական

Ապրիլյան պատերազմն անցած տղաներն իրենց ձեռքով ինքնաձիգներ են հավաքում Հայաստանում

 Ապրիլյան պատերազմն անցած, Աֆղանստանում և Կոսովոյում խաղաղապահ առաքելությունների իրականացրած և տարբեր տարիներին պաշտպանության ոլորտում աշխատած զինծառայողներն իրենց ձեռքով «Կալաշնիկով» տեսակի ինքնաձիգներ են հավաքում Հայաստանում: 

Ապրիլյան պատերազմն անցած տղաներն իրենց ձեռքով ինքնաձիգներ են հավաքում Հայաստանում

Ապրիլյան պատերազմն անցած տղաներն իրենց ձեռքով ինքնաձիգներ են հավաքում Հայաստանում
ՍՏԵՓԱՆԱԿԵՐՏ, 7 հուլիսի, ԱՐՑԱԽՊՐԵՍ-ԱՐՄԵՆՊՐԵՍ«Նեյտրոն ԳԱՄ» նորաբաց ընկերությունն այժմ ինքնաձիգները հավաքում է Ռուսաստանի Դաշնությունից բերված դետալներով:
Լուսանկարները՝ Գևորգ Պերկուպերկյանի
«Մենք այժմ իրավունք ունենք տարեկան հավաքել մինչև 50 հազար ինքնաձիգ: Արտադրության առաջին փուլում ինքնաձիգները հավաքվելու են արտերկրից բերված դետալներով: Ինքնաձիգները հավաքող մասնագետներն անցել են Ապրիլյան պատերազմը, խաղաղապահ առաքելություններ են իրականացրել Աֆղանստանում և Կոսովոյում: Զենքի հետ ծանոթ են ոչ թե դպրոցական ծրագրով, այլ սեփական փորձով: Նրանք տարբեր տարիներին պաշտպանության համակարգում ծառայած և աշխատած զինծառայողներ են»,- ասաց ընկերության ղեկավարի տեղակալ Իգոր Գարդիենկոն:
Ընկերությունում հավաքվում է «Կալաշնիկով» զինատեսակի նոր՝ AK-103 մոդելը, որի առաջին խմբաքանակը մատակարարվելու է միայն Հայաստանի Հանրապետության Զինված ուժերին, իսկ հաջորդ խմբաքանակները հնարավոր է՝ նաև արտահանվեն:
«Ինքնաձիգների առաջին մեծ խմբաքանակները մատակարարվելու են Զինված ուժերին, հետագայում, երբ ՀՀ Պաշտպանության նախարարության պահանջները բավարարվեն, Ռուսաստանի Դաշնության թույլտվությամբ մենք կքննարկենք նաև զենքի արտահանման հարցը»,- նշեց Գարդիենկոն:
Ինքնաձիգների առաջին խմբաքանակը նախատեսվում է Պաշտպանության նախարարությանը ներկայացնել արդեն հուլիս ամսվա վերջին, իսկ 2021թ. կեսից հասնել արտադրության երրորդ փուլին, երբ «Կալաշնիկով» ինքնաձիգը ոչ միայն կհավաքվի, այլև դետալ առ դետալ կարտադրվի Հայաստանում:
2021 թվականին նախատեսվում է Հայաստանում մեկնարկ տալ նաև փամփուշտի արտադրությանը: «Նեյտրոն ԳԱՄ» ընկերության գլխավոր ինժեներ Արմեն Բախշյանի խոսքով Աբովյան քաղաքում կառուցվող արտադրամասում կտեղադրվեն Ռուսաստանից և Իտալիայից ներկրվող նոր հոսքագծեր և կպատրաստվեն նոր տեսակի փամփուշտներ:
«Տարեկան 150 մլն փամփուշտ կարտադրվի: Նախագծային աշխատանքները մոտենում են ավարտին, գործարանը մյուս տարվա կեսերից կսկսի գործել: Այնտեղ կաշխատի մոտ 1200 հոգի»,- ասաց Բախշյանը:
Գլխավոր ինժեները նշեց, որ տարեկան 150 մլն փամփուշտը Հայաստանի պահանջների համար շատ է, և արտադրանքի մի մասը, հնարավոր է՝ նաև արտահանվի այլ երկրներ:
Ձեռնարկությունը հիմնվել է «Նեյտրոն ԳԱՄ» ՓԲԸ-ի և ռուսական «Կալաշնիկով» կոնցեռնի համագործակցության պայմանագրի հիման վրա, որը վերջնականապես կնքվել է 2020թ. մայիսին 15-ին 10 տարի ժամկետով:
Նորայր Շողիկյան

     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

ՀՀ կառավարության դրամական աջակցության համար արդեն դիմել է 5000 արցախցի. 2000 դիմում հաստատվել է

Ներկայացվել է Արցախում հաշվառված քաղաքացիներին աջակցություն տրամադրելու կարգը

Պուտինը խոսել է Լեռնային Ղարաբաղի պատկանելության մասին

Հրապարակվել է Ադրբեջանի վերահսկողության տակ անցած՝ Արցախի համայնքների ցանկը

Սոցիալական նոր ծրագրերի և տարբեր խնդիրների շուրջ Արցախի նախագահը խորհրդակցություն է հրավիրել

Արցախում ռազմական գործողությունների դադարեցումից հետո երկու լիբանանահայ է անհետացել

Մակրոնի խոստացած մարդասիրական օգնությունը Երևան հասավ

Լուրեր են տարածվել, թե ադրբեջանական ԶՈՒ-երը մոտենում են Բերդաշեն համայնքին. Արցախի տեղեկատվական շտաբը հայտնում է՝ հարցը գտնվում է կառավարության ուշադրության կենտրոնում

Լեռնային Ղարաբաղում ականի պայթյունից ռուս սպա է վիրավորվել, տուժել են Արցախի ԱԻՊԾ աշխատակիցներ

Search