Artsakhpress

Հասարակական

Գյուղաջակցության հիմնադրամի առջև օբյեկտիվ պատճառներով տույժ ու տուգանքներ ունեցող հողօգտագործողների պարտավորությունները կներվեն. նախարար

Այսօր՝ հուլիսի 6-ին, ԱՀ գյուղատնտեսության նախարար Աշոտ Բախշիյանն անցկացրել է աշխատանքային խորհրդակցություն, որի առանցքում բուսաբուծության, անասնաբուծության, անասնաբուժության և ջրային համակարգին վերաբերող ընթացիկ խնդիրներն էին ու առաջիկա անելիքներին վերաբերող հարցերը:

Գյուղաջակցության հիմնադրամի առջև օբյեկտիվ պատճառներով տույժ ու տուգանքներ ունեցող հողօգտագործողների պարտավորությունները կներվեն. նախարար

Գյուղաջակցության   հիմնադրամի  առջև օբյեկտիվ պատճառներով տույժ ու տուգանքներ ունեցող հողօգտագործողների պարտավորությունները կներվեն. նախարար
ՍՏԵՓԱՆԱԿԵՐՏ, 6 հուլիսի, ԱՐՑԱԽՊՐԵՍ։ Այս մասին «Արցախպրես»-ին  տեղեկացրել են ԱՀ  գյուղատնտեսության նախարարությունից։
 
Աշոտ Բախշիյանը ներկաների ուշադրությունը հրավիրել է Պարետատան որոշումներին խստագույն հետևելու, ինչպես նաև գերատեսչության ստորաբաժանումներում, ինչպես նաև   ենթակա հիմնարկություններում դրանց մշտական պահպանման անհրաժեշտությանը:
 
Նախարարը  բավարար է գնահատել ԳՆ սննդի անվտանգության պետական ծառայության աշխատանքն ու նրա կողմից իրականացվող միջոցառումները։ Աշոտ Բախշիյանը ծառայության պետ Արթուր Ներսիսյանին կարգադրել է հետայսու ևս ցուցաբերել հետևողական ու նպատակասլաց աշխատանք:
Խորհրդակցությանը գարանանացանի, աշնանացանի և բերքահավաքի հետ կապված խնդիրների շուրջ զեկուցումով հանդես է եկել Վիլեն Ավետիսյանը:
Տիգրան Առստամյանն անդրադարձել է անասնաբուծության ոլորտում առկա հակահամաճարակային իրավիճակին: Նախարարի տեղակալը նշել է, որ գրանցվել են անասունների հիվանդության հատուկենտ դեպքեր, բայց, ընդհանուր առմամբ, իրավիճակը վերահսկվում է:
Ջիվան Հայրապետյանն էլ  ներկայացրել է ջրային ոլորտում իրականացվող աշխատանքների մասին: 
Աշոտ Բախշիյանը նշել է, որ ջրային ոլորտում իրականացվող քաղաքականության պատասխանատուն գյուղատնտեսության նախարարությունն է, և ոլորտի կարգավորման աշխատանքների մեջ ինքը հատուկ տեղ է հատկացնում կարգապահության բարձրացմանը: Այս ուղղությամբ տարվող աշխատանքները պետք է լինեն ոլորտի պատասխանատուների ամենօրյա ուշադրության կենտրոնում: Նախարարը հատուկ անդրադարձ է կատարել այս ոլորտում տարիներ շարունակ սովորական դարձած սուբյեկտիվ մոտեցման արդյունքում ջրօգտագործողների մոտ խաթարված հավատի վերականգնման խնդրին:
«Ոլորտի պատասխանատուների գործունեությունը, սկսած ամենաբարձր օղակների ղեկավարներից մինչև ջրբաշխներ, պիտի բխի արդարացի մոտեցումից:
Մենք չենք կարող ակնկալել ոչ ոլորտի կարգավորման ուղղությամբ դրական արդյունք և ոչ էլ բարձր ցուցանիշներ, եթե չվերականգնենք մարդկանց մոտ հավատը: Նրանք իրենց վրա պետք է զգան արդարության անխախտ առկայությունը: Այլընտրանք չկա»,- ավելացրել է Ա.  Բախշիյանը։
 Նախարարը նաև պարզաբանել է՝ Խաչենի ջրամբարում պաշարների սակավության պատճառով կայացվել էր որոշում՝ ջրային ռեսուրսներն ուղղել այգեգործության և բանջարաբուծության զարգացմանը: Բայց և դրա արդյունքում տուժած՝ եգիպտացորենի ու արևածաղկի ցանքատարածություններ ունեցող հողօգտագործողների ցանքատարածություններն ամբողջովին կգույքագրվեն, և կատարված ծախսերի մասով կփոխհատուցվի վնասը՝ մեկ հեկտարի հաշվով նախարարության մասնագետների կողմից սահմանված չափով: Կարևորելով անասնաբուծության ոլորտի զարգացումը՝ ոռոգման ջուր կմատակարարվի եգիպտացորենի ցանքատարածություններ ունեցող այն հողօգտագործողներին, ովքեր սիլոս տրամադրելու մասին տոհմային կայանների հետ ունեն պայմանագրեր: Բայց և սիլոս մատակարարող հողօգտագործողներին տրամադրվող աջակցության չափը չի գերազանցի վնաս կրած հողօգտագործողներին տրամադրված փոխհատուցման չափին մեկ հեկտարի հաշվով:
Աշոտ Բախշիյանն անդրադարձավ նաև տարիներ շարունակ որոշ հողօգտագործողների մոտ քննարկման նյութ հանդիսացած՝ ԱՀ ԳԳԱՀ-ի առջև ունեցած՝ տույժ ու տուգանքների տեսքով պարտավորություններին: Նախարարն  ասել է, որ ուսումնասիրությունների արդյունքում պարզ է դարձել, որ նրանցից շատերի թերացման հիմքում առկա են օբյեկտիվ պատճառները: Հաշվի առնելով այս հանգամանքը և գուղտնտեսավարողների թիկունքին կանգնելու պետության պատրաստակամությունը, Արցախի Հանրապետության նախագահի որոշմամբ այդ տնտեսավարողների պարտավորությունները չեղյալ են համարվելու:
Նախարարն անդրադարձել է նաև գարնանացանի և աշնանացանի համար անհրաժեշտ սերմերի և պարարտանյութերի ներկրման անհրաժեշտ ժամկետների պահպանությանը, վարչակազմերի կողմից ներկայացվող հայտերի կարգին, սև ցելին, նոր տիպի՝ բազմաֆունկցիոնալ գյուղատնտեսական տեխնիկայի ներկրման անհրաժեշտությանը և այլ հարցերի:
  Առաջիկայում կվերանայվեն գործող կարգերը՝ հիմքում ունենալով վերջնական արտադրանքի խրախուսման սկզբունքը, ինչպես նաև կդադարեցվեն գարնանացան մշակաբույսերի սերմերի անվճար տրամադրումն ու այլ աջակցություններ, քանզի ուսումնասիրությունները ցույց են տվել, որ դրանք չեն ծառայում գյուղատնտեսության զարգացմանը:

     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Սոցիալական նոր ծրագրերի և տարբեր խնդիրների շուրջ Արցախի նախագահը խորհրդակցություն է հրավիրել

Քիմ Քարդաշյանը հայտնել է արցախցի երեխաներին ուղղված «Թաքնված ճանապարհ» նախաձեռնության մասին

Արցախում ռազմական գործողությունների դադարեցումից հետո երկու լիբանանահայ է անհետացել

Արցախի ոստիկանության պետը հանդես է եկել ուղերձով

Շրջվարչակազմի ղեկավարը ներկայացրել է Քաշաթաղի բնակավայրերի տարհանման ներկա ընթացքը

Արցախում հաշվառված քաղաքացիներին միանվագ դրամական օգնության համար դիմել է շուրջ 35 հազար քաղաքացի. գործընթացը շարունակվում է

Ավելի քան 50 000 արցախցի վերադարձել է Արցախ. նախարար Ժիրայր Միրզոյանը մանրամասնում է ծրագրերը

25 ռազմական տրանսպորտային միջոցից կազմված թուրքական շարասյունը մտել է Սիրիայի տարածք և ուղևորվել դեպի Իդլիբ

Լեռնային Ղարաբաղում իր աշխատանքն է սկսում հումանիտար արձագանքման ռուսական կենտրոնը

Search