Այսօր՝ հուլիսի 4-ին, ընթանում են միասնական քննություններ՝ հայոց պատմություն, աշխարհագրություն և քիմիա առարկաներից։
Միասնական քննությունները շարունակվում են. բողոքներ չեն արձանագրվել
ՍՏԵՓԱՆԱԿԵՐՏ, 4 հուլիսի, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում գնահատման և թեստավորման կենտրոնի տնօրեն Յուրի Քարամյանն ասել է, որ քննություններն անց են կացվում Ստեփանակերտի հինգ քննական կենտրոններում։
Տնօրենի խոսքով՝ հայոց պատմություն առարկայի քննությանը հայտագրվել է 144 դիմորդ, ներկայացել՝ 140-ը։ Աշխարհագրություն առարկայի քննությանը մասնակցում է 16, իսկ քիմիայի քննությանը՝ 19։ Քննությունների ընթացքը հանգիստ է, որևէ բողոք չի արձանագրվել։
«Հաշվի առնելով Նոր տիպի կորոնավիրուսի տարածման վտանգը՝ մենք նախապես ախտահանել ենք քննական բոլոր կենտրոնները, դիմորդներին տրամադրել դիմակներ, ձեռնոցներ, ախտահանիչ նյութեր և պահպանել միմյանց միջև սոցիալական հեռավորություն»,-տեղեկացրել է Յու. Քարամյանը։