Artsakhpress

Միջազգային

Հունաստանը Թուրքիայի հետ չի քննարկելու իր ինքնիշխանությունը

Հունաստանը հնարավոր ամեն ինչ կանի իր ինքնիշխանության պաշտպանության համար։

Հունաստանը Թուրքիայի հետ չի քննարկելու իր ինքնիշխանությունը

Հունաստանը Թուրքիայի հետ չի քննարկելու իր ինքնիշխանությունը
ՍՏԵՓԱՆԱԿԵՐՏ, 3 հուլիսի, ԱՐՑԱԽՊՐԵՍ:Այս մասին հայտնում է News.am-ը:
Վերջին ամիսներին Հունաստանի եւ նրա արեւելյան հարեւանի միջեւ հարաբերությունները վատթարացել են այն բանից հետո, երբ Թուրքիայի նախագահ Ռեջեփ Թայիփ Էրդողանը Լիբիայի հետ ծովային համաձայնագիր ստորագրեց: Սա Թուրքիային դրդեց հավակնել ծովային գետիների, որոնք Աթենքը ըստ միջազգային իրավունքի հունական է համարում:
«Եթե մեզ մոտ եղած միակ տարբերությունը բացառիկ տնտեսական գոտու հռչակումն է, ապա մենք պատրաստ ենք Թուրքիայի հետ բանակցություններ վարել, նստել բանակցությունների սեղանի շուրջ եւ այդ հարցը քննարկել»,- հայտարարել է երկրի ԱԳ փոխնախարար Միլտիադես Վարվիցիոտիսը: Նրա խոսքով՝ Հունաստանը պատրաստ է քննարկել նաեւ երկկողմ հարցեր, ինչպես՝ տնտեսության, տուրիզմի, Covid-19-ի եւ միգրացիոն հոսքերի:
«Բայց եթե խնդիրը Էգեյան ծովում կղզիների հանդեպ Հունաստանի ինքնիշխանության վիճարկումն է, ապա պատասխանը «ոչ»-ն է,- հավելել է փոխնախարարը: - Մենք մեր ինքնիշխանությունը չենք քննարկում, մենք չենք հանձնում հունական հողը եւ հնարավոր ամեն ինչ կանենք այն պաշտպանելու համար»:
Լարվածությունն աճում է նաեւ հռչակավոր Սուրբ Սոֆիայի տաճարը մզկիթի վերածելու հնարավորության պատճառով: Էրդողանը սա վաղուց է պնդում՝ մերժելով ԱՄՆ եւ Հունաստանի քննադատությունը:
ՅՈՒՆԵՍԿՕ-ի համաշխարհային ժառանգության ցանկի մեջ մտած այս օբյեկտը հույների համար հատուկ նշանակություն ունի, որոնք այն համարում են քրիստոնեական կարեւորագույն հուշարձաններից մեկը եւ ուղղափառ ավանդույթի ժառանգությունը, որը ծագում է Բյուզանդական կայսրությունից:
Հունաստանի կառավարության ներկայացուցիչ Ստելիոս Պետսասը երեկ հայտարարել էր, որ Սուրբ Սոֆիայի տաճարի շուրջ տարաձայնությունները «հունա-թուրքական հարց չէ, այլ ունիվերսալ հարց»՝ հավելելով, որ Հունաստանը սպասելու է Թուրքիայի որոշմանը:

     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

ՀՀ կառավարության դրամական աջակցության համար արդեն դիմել է 5000 արցախցի. 2000 դիմում հաստատվել է

ՊԲ-ն ներկայացրել է մարտերի ժամանակ հերոսություններով աչքի ընկած զինծառայողների անուններ

Ներկայացվել է Արցախում հաշվառված քաղաքացիներին աջակցություն տրամադրելու կարգը

Պուտինը խոսել է Լեռնային Ղարաբաղի պատկանելության մասին

Հրապարակվել է Ադրբեջանի վերահսկողության տակ անցած՝ Արցախի համայնքների ցանկը

Սոցիալական նոր ծրագրերի և տարբեր խնդիրների շուրջ Արցախի նախագահը խորհրդակցություն է հրավիրել

Ռուս խաղաղապահներն սկսել են ջուր մատակարարել Ասկերանի երեք բնակավայրերի բնակիչներին

Ադրբեջանի վերահսկողությանն անցած տարածքում մնացած տրանսպորտային միջոցների հետ կապված հարցերով պետք է դիմել ԱՀ ոստիկանություն

Արցախը շարունակելու է մնալ իր անկախ կարգավիճակում՝ ունենալով համայն հայության ու ՌԴ գործուն աջակցությունը. Արայիկ Հարությունյանն այցելել է Մարտունի

Search