«Արցախի տեղեկատվական տեխնոլոգիաների կենտրոն» հիմնադրամի հոգաբարձուների խորհրդի որոշման համաձայն՝ Լևոն Լենստոնի Ղուլյանը նշանակվել է «Արցախի տեղեկատվական տեխնոլոգիաների կենտրոն» հիմնադրամի տնօրեն:
Լևոն Ղուլյանը նշանակվել է Արցախի ՏՏ կենտրոնի տնօրեն
ՍՏԵՓԱՆԱԿԵՐՏ, 25 հունիսի, ԱՐՑԱԽՊՐԵՍ։ Այս մասին «Արցախպրես»-ին հայտնել են Արցախի Հանրապետության էկոնոմիկայի և արտադրական ենթակառուցվածքների նախարարությունից:
«Արցախի տեղեկատվական տեխնոլոգիաների կենտրոն» հիմնադրամի հոգաբարձուների խորհրդի նախագահ Լևոն Գրիգորյանը հունիսի 24-ին ընկերության աշխատակազմին է ներկայացրել նորանշանակ տնօրենին, շնորհավորելով վերջինիս՝ նախարարն իր խոսքում կարևորել է Արցախի տնտեսության մեջ տեղեկատվական տեխնոլոգիաների դերը, շոշափել տարբեր ծրագրերի շուրջ Հիմնադրամի ռազմավարության, ՏՏ ոլորտի տեղական ընկերությունների միջև աշխատանքային հարաբերությունների հաստատման և պետություն-մասնավոր հատված ակտիվ համագործակցության ամրապնդմանն ուղղված հարցեր:
Տնօրեն Լևոն Ղուլյանը շնորհակալություն է հայտնել նախարարին վստահության համար և հավաստիացրել, որ պատասխանատու աշխատանքում կգործադրի բոլոր ջանքերը Հիմնադրամի հետագա զարգացման համար:
