Եգիպտոսի ղեկավարությունը խորհրդակցություններ է անցկացնում Եվրոպայի երկրների հետ որպեսզի կանխի թուրքական ներխուժումը ռազմավարական կարեւոր նշանակություն ունեցող լիբիական Սիրտ քաղաք։ Այս մասին երեքշաբթի հաղորդել է Al Arabiya-ն՝ վկայակոչելով սեփական աղբյուրները:
Եգիպտոսի իշխանությունները խորհրդակցություններ են անցկացնում Եվրոպայի հետ, որպեսզի կանխեն թուրքական ներխուժումը Սիրտ․ ԶԼՄ
ՍՏԵՓԱՆԱԿԵՐՏ, 24 հունիսի, ԱՐՑԱԽՊՐԵՍ։Այս մասին հայտնում է News.am-ը:
Ընդ որում, նրանց տվյալներով, եվրոպական պետություններն արդեն նախազգուշացումներ են ուղարկել Անկարային՝ հորդորելով զերծ մնալ նաեւ Լիբիայի նավթային շրջաններ ներխուժելուց: Բացի այդ, ինչպես նշել են աղբյուրները, ՆԱՏՕ-ի երկրները կողմ են ռազմական գործողությունների դադարեցմանը եւ «Սիրտից Թուրքիայի հեռանալուն»:
«Բացի այդ, քննարկվում է միջազգային դիտորդներ ուղարկելու հարցը, որպեսզի ապահովվի հրադադարի ռեժիմը»,- ասել են նրանք՝ նշելով, որ ֆելդմարշալ Խալիֆա Հաֆթարի Լիբիայի ազգային բանակը մերժում է հրադադարի հասնելու «թուրքական պայմանները»:
Շաբաթ օրը Եգիպտոսի նախագահ Աբդել Ֆաթահ ալ-Սիսին չի բացառել Լիբիայում ռազմական միջամտության հնարավորությունը, որի նպատակն է, ինչպես ինքն է ասում, «հարեւան երկրում արյունահեղության դադարեցումը եւ Եգիպտոսի սահմանային անվտանգության ապահովումը»՝ միաժամանակ նշելով, որ նման քայլը «կունենա օրինական կարգավիճակ» եւ «եգիպտական զորքերը կառաջանան, եթե այդ մասին խնդրեն լիբիացիները»: Եգիպտոսի առաջնորդը նաեւ խոստացել է անհրաժեշտության դեպքում զինել եւ վերապատրաստել լիբիական ցեղերին, եւ Տրիպոլիում նիստ անող Ազգային համաձայնության կառավարությանը (ԱՀԿ) ու նրան աջակցող Թուրքիային նախազգուշացրել է, որ Կահիրեն ոչ մեկին թույլ չի տա գրավել ռազմավարական նշանակություն ունեցող եւ այժմ ԼԱԲ-ի վերահսկողության տակ գտնվող Սիրտն ու Էլ Ջուֆրան՝ դրանք անվանելով «կարմիր գիծ, որը չի թույլատրվում հատել»:
