Artsakhpress

Միջազգային

Համաշխարհային հանրությունը խոստացել է 8,8 մլրդ դոլար հատկացնել պատվաստանյութերի համար

Համաշխարհային հանրությունը խոստացել է ընդհանուր առմամբ 8,8 մլրդ դոլար հատկացնել ծրագրերին, որոնք կոչված են ամբողջ աշխարհում կյանքի համար վտանգավոր հիվանդությունների դեմ պատվաստանյութերը հասանելի դարձնելուն:

Համաշխարհային հանրությունը խոստացել է 8,8 մլրդ դոլար հատկացնել պատվաստանյութերի համար

Համաշխարհային հանրությունը խոստացել է 8,8 մլրդ դոլար հատկացնել պատվաստանյութերի համար
ՍՏԵՓԱՆԱԿԵՐՏ, 5 հունիսի, ԱՐՑԱԽՊՐԵՍ: Պատվաստանյութերի եւ իմունացման գլոբալ դաշինքի (GAVI) համար դոնորների տեսահամաժողովի ժամանակ պետությունների եւ կառավարությունների ղեկավարները ընդգծել են, որ վարակիչ հիվանդությունները սահմաններ չեն ճանաչում, ուստի անհրաժեշտ են համերաշխություն եւ համատեղ ջանքեր, փոխանցում է news.am-ը:
Global Vaccine Summit 2020 վիրտուալ գագաթնաժողովի ժամանակ նախատեսվում է հավաքած միջոցներով առաջիկա 5 տարում զարգացող երկրներում պատվաստումներ անցկացնել այնպիսի հիվանդությունների դեմ, ինչպես կարմրուկը, մենինգիտը, տուբերկուլյոզը, պոլիոմիելիտը եւ կարկամախտը: Համաժողովի մասնակիցներին հաջողվել է անգամ ավելի շատ փող հավաքել, քան ծրագրված էր. GAVI-ում 7,4 մլրդ դոլարի հույս ունեին: Նախատեսվում է հավաքած միջոցներով մինչեւ 2025 թվականը աղքատ երկրներում կյանքի համար վտանգավոր հիվանդությունների դեմ պատվաստել եւս 300 մլն երեխաների:
Մեծ Բրիտանիայի վարչապետ Բորիս Ջոնսոնը գագաթնաժողովի ավարտին արձանագրել է, որ հիվանդություններին կարելի է հաղթել համատեղ ջանքերով: Մեծ Բրիտանիան GAVI-ի ամենախոշոր դոնորներից մեկն է: Այն խոստացել է այս դաշինքին հատկացնել մոտ 1,83 մլրդ դոլար:

     

Քաղաքական

Հասարակական

Ռազմական

Search