Artsakhpress

Քաղաքական

Կորոնավիրուսի դեմ պայքարը նոր փուլ է մտնում. ԱՀ Նախագահը խոսել է հետագա անելիքներից (Տեսանյութ)

Արցախի Հանրապետության Նախագահ Արայիկ Հարությունյանն այսօր ուղիղ եթերի ընթացքում հայտարարել է կորոնավիրուսային հիվանդության (COVID-19) դեմ պայքարի նոր փուլի մասին:

Կորոնավիրուսի դեմ պայքարը նոր փուլ է մտնում. ԱՀ Նախագահը խոսել է հետագա անելիքներից (Տեսանյութ)

Կորոնավիրուսի դեմ պայքարը նոր փուլ է մտնում. ԱՀ Նախագահը խոսել է հետագա անելիքներից (Տեսանյութ)

ՍՏԵՓԱՆԱԿԵՐՏ, 3 հունիսի, ԱՐՑԱԽՊՐԵՍ։«Արցախպրես»-ի թղթակցի հաղորդմամբ՝ իր խոսքում Արայիկ Հարությունյանն ասել է, որ նախօրեին հանրապետությունում առաջին անգամ եղել են 8 վարակակիրներ, որոնք բոլորն էլ սահմանային Նոր Խարխափուտի հսկիչ կետում ծառայություն իրականացնող ոստիկանության աշխատակիցներ են և իրենց ընտանիքի անդամներ ու հարազատներ:

Համավարակի տարածմամբ Արցախում առկա վիճակը պայմանավորված է Հայաստանում տիրող վիճակով: Ամեն օր Հայաստանից Արցախ են ժամանում ավելի քան 500 հայրենակիցներ, ինչը, ըստ Նախագահի, ավելի է մեծացնում հավանականությունը, որ նրանց շարքերում կլինեն մարդիկ, ովքեր կրում են վարակը և վարակի պոտենցիալ տարածողներ են:

«Պետք է հստակեցվեն մեր քայլերը: Մենք կփորձենք խստացնել մուտքի և ելքի սահմանափակումները, և նախօրեին կայացած խորհրդակցության ժամանակ քննարկվել է սահմանային անցակետերում արագ թեստավորման լաբորատորիա ունենալու հարցը: Այդ առումով դեռևս խնդիրներ ունենք, քանի որ, ըստ մասնագետների, արդյունավետությունը բարձր չի լինելու»,- ավելացրել է Ա. Հարությունյանը:

Հանրապետության Նախագահը նշել է, որ եղել են փոքր սխալներ, որոնց արդյունքում էլ հսկիչ կետերում աշխատողների մոտ արձանագրվել է վարակը, ինչն էլ թույլ է տալիս արձանագրել, որ հսկիչ կետերում աշխատողները բավարար պայմաններ չեն ապահովել: Այս առումով Ա. Հարությունյանը նշել է, որ արդեն իսկ նախատեսվել են մի շարք քայլեր:

Արցախի Նախագահը ներկայացրել է նաև Հանրապետությունում կորոնավիրուսային համավարակի արդյունքում արձանագրված վերջին տվյալները: Այսօրվա դրությամբ, ընդհանուր առմամբ, գրանցվել է 57 դեպք, առողջացել՝ 26 քաղաքացի: Առ այսօր, վարակակիրների մեջ ծանր դեպքեր չեն գրանցվել, բարեբախտաբար, մահվան դեպքեր՝ ևս:

Ի դեպ, այսօր առավոտյան ԱՀ Ռազմահայրենասիրության, երիտասարդության, սպորտի և զբոսաշրջության նախարար Սամվել Շահրամանյանի հետ հանդիպմանն Արայիկ Հարությունյանը հանձնարարել է հասարակական կազմակերպությունների ներգրավմամբ հավաքագրել կամավորական մեծ խումբ, որի անդամներն ամենուր պետք է աշխատեն հասարակության հետ՝ այդ ընթացքում խստորեն պահպանելով հակահամաճարակային կանոնները:

«Փորձում ենք հանրային գիտակցության աստիճանի բարձրացման ուղղությամբ ճիշտ աշխատանք կատարել: Վարակը չպետք է դառնա ազգային սպառնալիք, իսկ զգոնությունը թույլ է տալու կանխարգելել հետագա տարածումը: Համոզված եմ, որ մեր հասարակական գիտակցության ու պատասխանատվության աստիճանն այնքան բարձր է լինելու, որ Արցախը կարողանալու է շրջանցել այս վտանգը և չհայտարարված պատերազմում չերևացող թշնամու դեմ, ինչպես միշտ, հաղթելու է»,- եզրափակել է Ա. Հարությունյանը:


     

Քաղաքական

Հասարակական

Ռազմական

Ամենադիտված

ամիս

շաբաթ

օր

Սարսանգի ջրամբարում 11 և 14-ամյա երեխաներ են ջրահեղձ եղել

Պարետի որոշմամբ խստացվել են Արցախ մուտք գործելու պահանջները

Հայտնի են անգլերենի, ֆրանսերենի և ռուսերենի միասնական քննությունների արդյունքները

Ստեփանակերտում հայտնաբերվել է կորոնավիրուսային վարակի նոր օջախ

Ստեփանակերտում և Մարտակերտում հայտնաբերվել են կորոնավիրուսային վարակի նոր օջախներ

Առողջապահության ոլորտում անվճար առաջին ծրագրերը կյանքի են կոչվում. նախագահ Հարությունյանը խորհրդակցություն է հրավիրել

Ճանապարհատրանսպորտային պատահար Ստեփանակերտ-Ասկերան ճանապարհի 8-րդ կիլոմետրին. կան տուժածներ

Արայիկ Հարությունյանը հաշմանդամության կարգի տրամադրման խնդիրներին նվիրված խորհրդակցություն է անցկացրել

Ստեփանակերտում հաստատվել է կորոնավիրուսով հիվանդացության 5 նոր դեպք

Search