ԱՄՆ նախագահի թեկնածու Ջո Բայդենն այցելել է սևամորթ իրավախախտի սպանությունից հետո զանգվածային ցույցերի անցկացման վայր և ցուցարարներին բռնությունից զերծ մնալու կոչ արել (լուսանկարներ, տեսանյութ)
Դեմոկրատական կուսակցությունից ԱՄՆ նախագահի թեկնածու Ջո Բայդենը կիրակի այցելել է իր հարազատ Դելավեր նահանգում տեղի ունեցող բողոքի զանգվածային ցույցերի անցկացման վայր և ցուցարարներին կոչ արել զերծ մնալ բռնությունից
ԱՄՆ նախագահի թեկնածու Ջո Բայդենն այցելել է սևամորթ իրավախախտի սպանությունից հետո զանգվածային ցույցերի անցկացման վայր և ցուցարարներին բռնությունից զերծ մնալու կոչ արել (լուսանկարներ, տեսանյութ)
ՍՏԵՓԱՆԱԿԵՐՏ, 1 հունիսի, ԱՐՑԱԽՊՐԵՍ: Ինչպես հայտնում էtert.am-ը: Աղբյուրը մանրամասնում է, որ Դելավերում գտնվող իր տնից մարտի կեսերին կորոնավիրուսի համավարակի բռնկումից հետո Բայդենը երկրորդ անգամ է դուրս եկել՝ այցելելով Ուիլմինգթոնի շրջան, որտեղ ցուցարարները ոստիկանի կողմից դաժանորեն սպանված սևամորթ իրավախախտի հիաշատակին ակցիաներ են անցկացնում։
Նշվում է, որ Բայդենի այցի ժամանակ ցուցարարներից ոմանք նրանից խնդրել են պաշտոնից հեռացնել Դոնալդ Թրամփին և պաշտպանել իրենց։
Հայտնի է, որ Բայդենը քարոզարշավի շրջանակում արված ինսթագրամյան հրապարակման մեջ նշել է, որ զրուցել է տեղի աֆրոամերիկացի բնակիչների հետ:
«Մեր ազգն այժմ ցավի մեջ է, սակայն չպետք է թողնենք, որ այդ ցավը կործանի մեզ։ Մեր ազգն այժմ վրդովված է, սակայն չենք կարող թողնել, որ այն սպառի մեզ․․․Այս ցավը տանելու միակ եղանակը բարկությունը նպատակի վերածելն է։ Որպես նախագահ ես կօգնեմ, ես կառաջնորդեմ այս «խոսակցությունը», և որ ամենակարևորն է՝ կլսեմ, ինչպես երեկ գիշեր Ուիլմինգթոնում բողոքի ցույցերին կատարած այցիս ժամանակ արեցի»,- նշել է Բայդենը։
Հիշեցնենք, որ զանգվածային բողոքի ցույցեր են սկսվել օրերս սոցցանցերում տարածված 10 րոպե տևողությամբ մի տեսանյութի հրապարակումից հետո, որում ոստիկանը Ջորջ Ֆլոյդ անունով սևամորթ իրավախախտին պառկեցրել է գետնին ու ծնկով սեղմում է նրա վիզը։ Անտեսելով տղամարդու աղաչանքներն ու շնչել չկարողանալու մասին խոսքերը՝ ոստիկանը հրաժարվում է նրան բաց թողնել, դրա հետևանքով Ֆլոյդը մահանում է։
Այս պատահարից զայրացած ցուցարարներն այժմ պահանջում են խստագույնս պատասխանատվության ենթարկել մարդասպան ոստիկանին և նրա հետ եղած մյուս երեք սպային, որոնք տեղում ոչինչ չեն ձեռնարկել տղամարդու կյանքը փրկելու համար։