Artsakhpress

Քաղաքական

Նախագահ Հարությունյանը նոր նշանակումների վերաբերյալ հրամանագրեր է ստորագրել

Արցախի Հանրապետության նախագահ Արայիկ Հարությունյանը մայիսի 29-ին ստորագրել է մի շարք հրամանագրեր, ըստ որոնց՝ Մասիս Մայիլյանը նշանակվել է Արցախի Հանրապետության արտաքին գործերի նախարար, Սամվել Շահրամանյանը՝ ռազմահայրենասիրության, երիտասարդության, սպորտի և զբոսաշրջության նախարար՝ ազատվելով ԱՀ ազգային անվտանգության ծառայության տնօրենի պաշտոնից:

Նախագահ Հարությունյանը նոր նշանակումների վերաբերյալ հրամանագրեր է ստորագրել

Նախագահ Հարությունյանը նոր նշանակումների վերաբերյալ հրամանագրեր է ստորագրել

ՍՏԵՓԱՆԱԿԵՐՏ, 29 մայիսի, ԱՐՑԱԽՊՐԵՍ։ Այս մասին տեղեկացնում են Արցախի Հանրապետության նախագահի աշխատակազմի տեղեկատվության գլխավոր վարչությունից:

Հանրապետության նախագահն այսօր այցելել է արտաքին գործերի նախարարություն և հանդիպել աշխատակազմի պատասխանատուների հետ, նրանց հետ քննարկել առաջիկա անելիքները: Նա անընդունելի է համարել Արցախի հարցով Ադրբեջանի վարած ռազմաշունչ դիվանագիտությունը՝ նշելով, որ այն հակամարտության կողմերին հեռացնում է խաղաղ կարգավորման գործընթացից: Հաջողություն մաղթելով նախարար Մայիլյանին՝ նախագահը հանձնարարել է ակտիվացնել արտաքին քաղաքական ճակատում իրականացվող աշխատանքները:

Արայիկ Հարությունյանն այնուհետև այցելել է Շուշի քաղաք և նորանշանակ նախարար Սամվել Շահրամանյանին ներկայացրել կառավարության կառուցվածքի փոփոխության արդյունքում ստեղծված ռազմահայրենասիրության, երիտասարդության, սպորտի և զբոսաշրջության նախարարության անձնակազմին: Նախագահն իր խոսքում նշել է, որ նոր նախարարության ձևավորումն ինքնանպատակ չի եղել, քանի որ խնդիր է դրված երիտասարդ սերնդի շարունակական դաստիարակության կազմակերպումը որակական նոր մակարդակի հասցնելու: Նա շնորհակալություն է հայտնել մշակույթի, երիտասարդության հարցերի և զբոսաշրջության արդեն նախկին նախարար Լեռնիկ Հովհաննիսյանին բարեխիղճ աշխատանքի համար:


Կամո Աղաջանյանը նշանակվել է Արցախի Հանրապետության ազգային անվտանգության ծառայության տնօրեն՝ ազատվելով ԱՀ ոստիկանության պետի տեղակալի պաշտոնից։ Այդ առթիվ նախագահն այսօր այցելել է ԱՀ Ազգային անվտանգության ծառայություն և անձնակազմին ներկայացրել Կամո Աղաջանյանին: Ա. Հարությունյանն անդրադարձել է ոլորտում առկա խնդիրներին և համոզմունք հայտնել, որ նոր տնօրենի գլխավորությամբ ծառայության աշխատանքը հավուր պատշաճի կիրականացվի:


Ժիրայր Միրզոյանը նշանակվել է տարածքային կառավարման և զարգացման նախարար, իսկ Աշոտ Բախշիյանը՝ ԱՀ գյուղատնտեսության նախարար:

Հանրապետության նախագահի մեկ այլ հրամանագրով Սամվել Բաբայանը նշանակվել է Արցախի Հանրապետության Անվտանգության խորհրդի քարտուղար:

Արայիկ Հարությունյանը հաստատել է նաև կառավարության որոշումներ, ըստ որոնց՝ Քաշաթաղի շրջանի վարչակազմի ղեկավար Ստեփան Սարգսյանն ազատվել է զբաղեցրած պաշտոնից: Քաշաթաղի շրջանի վարչակազմի ղեկավար է նշանակվել Արտյոմ Սարիբեկյանը, իսկ Շուշիի շրջվարչակազմի ղեկավար՝ Էրիկ Հարությունյանը:


     

Քաղաքական

Հասարակական

Ռազմական

Ամենադիտված

ամիս

շաբաթ

օր

Սարսանգի ջրամբարում 11 և 14-ամյա երեխաներ են ջրահեղձ եղել

Պարետի որոշմամբ խստացվել են Արցախ մուտք գործելու պահանջները

Հայտնի են անգլերենի, ֆրանսերենի և ռուսերենի միասնական քննությունների արդյունքները

Ստեփանակերտում հայտնաբերվել է կորոնավիրուսային վարակի նոր օջախ

Ստեփանակերտում և Մարտակերտում հայտնաբերվել են կորոնավիրուսային վարակի նոր օջախներ

Առողջապահության ոլորտում անվճար առաջին ծրագրերը կյանքի են կոչվում. նախագահ Հարությունյանը խորհրդակցություն է հրավիրել

Ճանապարհատրանսպորտային պատահար Ստեփանակերտ-Ասկերան ճանապարհի 8-րդ կիլոմետրին. կան տուժածներ

Արայիկ Հարությունյանը հաշմանդամության կարգի տրամադրման խնդիրներին նվիրված խորհրդակցություն է անցկացրել

Ստեփանակերտում հաստատվել է կորոնավիրուսով հիվանդացության 5 նոր դեպք

Search