Artsakhpress

Հասարակական

Այսօր Մուշկապատ համայնքի օրն է. գյուղապետն անդրադարձել է ձեռքբերումներին և խնդիրներին

Այսօր Մարտունու շրջանի Մուշկապատ համայնքի օրն է:

Այսօր Մուշկապատ համայնքի օրն է. գյուղապետն անդրադարձել է ձեռքբերումներին և խնդիրներին

Այսօր  Մուշկապատ  համայնքի   օրն  է. գյուղապետն    անդրադարձել   է  ձեռքբերումներին     և   խնդիրներին
ՍՏԵՓԱՆԱԿԵՐՏ, 29 մայիսի, ԱՐՑԱԽՊՐԵՍ: Գյուղի   ձեռքբերումների     և   խնդիրների  մասին «Արցախպրես»-ի թղթակիցը զրուցել   է   համայնքի ղեկավար Ռուբեն  Մուսայելյանի  հետ:
 
Նա   պատմել   է, որ  2016  թվականին  գյուղում    տեղի է ունեցել համայնքի կենտրոնի բացման   արարողություն, որի    ժամանակ    ավագանու  անդամները  որոշել  են     հենց  այդ  օրը՝   մայիսի   29-ը,  հռչակել որպես   Մուշկապատի   օր: На изображении может находиться: дом, небо, облако и на улице
Ռ. Մուսայելյանի  խոսքով՝  համայնքի  կենտրոնում    տեղակայված    է   160   նստատեղ  ունեցող  ակումբ,  բուժկետ,    գրադարան, որը  համալրված  է անհրաժեշտ  գրականությամբ:
 
Գյուղում  է  գտնվում   17-րդ  դարի   Սուրբ    Աստվածածին  եկեղեցին, որը  պետական  միջոցներով  և   բարերարի  աջակցությամբ     վերանորոգվել  է  2017  թվականին:
 
«Մուշկապատն  ունի      հանրակրթական  դպրոց, որտեղ  հաճախում  է  43  աշակերտ:  Կրթօջախը    կառուցվել  է    1983   թվականին. շենքը  կապիտալ    վերանորոգման  կարիք  ունի:  Գյուղում   կա   նախադպրոցական  տարիքի  8  երեխա. մանկապարտեզ  չունենք և  հանդիսությունների  սրահ: Համայնքը  գազաֆիկացված  չէ:  Ունենք   խմելու  ջրի   խնդիր. հոկտեմբեր-մայիս  ամիսներին    ունենում  ենք  մշտական   ջուր, իսկ  ամռանը՝  երկու  կամ  երեք  օրը   մեկ  անգամ՝   2  ժամով.  պատճառը      եղանակային  պայմաններն  են:  Գյուղամիջյան    ճանապարհները   տեղաբնակների  ջանքերով   ամեն  տարի   խճապատվում  են:    Ստեփանակերտ-Մարտունի    ընդհանուր   ճանապարհից  Մուշկապատը   հեռու  է  5  կմ. Այդ  ճանապարհը  ևս    վերանորոգման  կարիք  ունի, քանի որ    եղանակային  անբարենպաստ   պայմանների   հետանքով   դժվարանցանելի  է  դառնում»,-  մասնավորապես  ասել է  համայանքի  ղեկավարը՝  ավելացնելով, որ   պետական   ծրագրով   նախատեսված  է  գյուղամիջյան  ճանապարհները   սալապատել (2600  մետր  ճանապարհ   ենթակա  է  բարեկարգման): На изображении может находиться: небо, облако, дом, дерево, на улице и природа
Անդրադառնալով   բնակիչների  աշխատանքով   ապահովվածությանը՝  նա   նշել է, որ   գյուղացիները  հիմնականում   զբաղվում են  անասնապահությամբ,  թռչնաբուծությամբ, մեղվաբուծությամբ   և   դաշտավարությամբ:
 
Խոշոր   և   միջին  եղջրավոր    անասունների    թիվը   կազմում  է  525, գյուղում   կա 100  մեղվաընտանիք   և  3000  թև    թռչուն: На изображении может находиться: небо, облако, дерево, на улице и природа
Զրույցի   վերջում  Ռ.  Մուսայելյանը   շնորհավորել  է      բոլոր   մուշկապատցիներին,  ովքեր  ապրում  են    գյուղում  և   գյուղից  դուրս: Նա  մաղթել  է   Արցախ  աշխարհին   հարատև  խաղաղություն, բնակչությանը՝  նորանոր  ձեռքբերումներ,  հաջողություններ    և  առողջություն: Ինչպես նաև հորդորել բոլորին  չհեռանալ   գյուղից, այլ՝  զարգացնել  ու   շենացնել   բնակավայրն  իրենց   աշխատանքով: 
Լուսանկարները՝  «Ամարաս»   պաշտոնաթերթի

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Պարետի որոշմամբ խստացվել են Արցախ մուտք գործելու պահանջները

Հայտնի են անգլերենի, ֆրանսերենի և ռուսերենի միասնական քննությունների արդյունքները

Ստեփանակերտում հայտնաբերվել է կորոնավիրուսային վարակի նոր օջախ

Ստեփանակերտում և Մարտակերտում հայտնաբերվել են կորոնավիրուսային վարակի նոր օջախներ

Առողջապահության ոլորտում անվճար առաջին ծրագրերը կյանքի են կոչվում. նախագահ Հարությունյանը խորհրդակցություն է հրավիրել

Ճանապարհատրանսպորտային պատահար Ստեփանակերտ-Ասկերան ճանապարհի 8-րդ կիլոմետրին. կան տուժածներ

Արայիկ Հարությունյանը հաշմանդամության կարգի տրամադրման խնդիրներին նվիրված խորհրդակցություն է անցկացրել

Ստեփանակերտում հաստատվել է կորոնավիրուսով հիվանդացության 5 նոր դեպք

Արցախում կխստացվեն հակահամաճարակային միջոցները. Արայիկ Հարությունյանը պարետատան նիստին նոր հանձնարարականներ է տվել

Search