Artsakhpress

Մշակույթ

Ոչ ոք չհաղթեց, բայց լավ տրամադրությունն ապահովվեց․ կայացավ «Եվրատեսիլի» եզրափակիչ փուլը

«Եվրատեսիլ 2020»-ի կազմակերպիչների նախաձեռնած ոչ մրցութային «Լուսարձակիր, Եվրոպա» նախագիծը կարողացավ, թեկուզ առցանց, երջանկացնել երկրպագուներին։

Ոչ ոք չհաղթեց, բայց լավ տրամադրությունն ապահովվեց․ կայացավ «Եվրատեսիլի» եզրափակիչ փուլը

ՍՏԵՓԱՆԱԿԵՐՏ, 17 մայիսի, ԱՐՑԱԽՊՐԵՍ։ Եվրատեսիլ 2020»-ը չեղարկվեց, սակայն Եվրոպայի հեռարձակողների միությունը չթողեց, որ մրցույթի երկրպագուները տխրեն: Հատուկ նրանց համար մայիսի 16-ին կազմակերպվեց «Լուսարձակիր, Եվրոպա» խորագրով ոչ մրցութային նախագիծ, որի շրջանակում հատուկ հեռարձակմամբ Եվրոպայի տարբեր ծայրերից տեսազանգով միացան մրցույթի տարբեր տարիների հաղթողներն ու ամենատպավորիչ մասնակիցները: Այս տարվա մասնակիցները, այդ թվում՝ «Դեպի Եվրատեսիլի» հաղթող Աթենա Մանուկյանը, ներկայացան համատեղ կատարմամբ:
Հիշեցնենք, որ փետրվարի 15-ին Հայաստանի հանրային հեռուստաալիքի ուղիղ եթերում կայացավ «Դեպի Եվրատեսիլ» նախագծի եզրափակիչ փուլը, որին մասնակցեցին 12 թեկնածուներ։ Աթենան հաղթեց` հավաքելով 168 միավոր։ 60 միավոր նրան շնորհեց միջազգային, 58 միավոր` հայաստանյան ժյուրին, ևս 50 միավոր երգչուհին ստացավ հեռուստադիտողի sms-քվեարկության շնորհիվ։
Հավելենք, որ «Եվրատեսիլ 2020» երգի մրցույթն այս տարի չեղարկվեց կորոնավիրուսի համավարակի պատճառով։ Մրցույթը նախատեսված էր Ռոտերդամում` մայիսի 12-ին, 14-ին և 16-ին: Եվրոպայի հեռարձակողների միությունը որոշեց չեղարկել այն` կորոնավիրուսի համավարակի պատճառով:
Ավելի ուշ Հայաստանի Հանրային հեռուստաընկերությունը Facebook-ի պաշտոնական էջում հայտնեց, որ 2021թ. Եվրատեսիլի անցկացման և Հայաստանի պատվիրակի մասնակցության վերաբերյալ տեղեկություն դեռ չկա․ պարզ չէ՝ Հայաստանը «Եվրատեսիլ 2021»-ին Աթենա Մանուկյա՞նը կներկայացնի, թե՞ նոր մասնակից կընտրեն, բայց մի բան հստակ է՝ «Եվրատեսիլ 2021»-ին երկիրը պետք է ներկայանա նոր երգով։
Նյութի աղբյուր՝ Sputnik Արմենիայի:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Յուրաքանչյուր ընտանիքի առանձին բնակարան ծրագիրը կմեկնարկի գալիք տարվա հունվարին. Արայիկ Հարությունյան

Կորոնավիրուսային վարակի նոր օջախ է հայտաբերվել Ստեփանակերտ քաղաքում

Կորոնավիրուսային վարակը հաստատվել է ևս 3 քաղաքացու մոտ

Նախագահը հաստատել է կառավարության որոշումներ

Ստեփանակերտ քաղաքում հայտաբերվել է կորոնավիրուսային վարակի ևս մեկ նոր օջախ

Նախագահը հաստատել է կառավարության որոշումներ

Սարսանգի ջրամբարում 11 և 14-ամյա երեխաներ են ջրահեղձ եղել

Սերգեյ Լևոնի Գրիգորյանը նշանակվել է Արցախի Հանրապետության Նախագահի ներկայացուցիչ՝ հատուկ հանձնարարությունների գծով

Նարեկ Հարությունյանը նշանակվել է Արցախի Հանրապետության գլխավոր դատախազի տեղակալ

Search