Artsakhpress

Մշակույթ

«Անդին» ֆիլմն արդեն հասանելի է նաև հայ հանդիսատեսի համար

Մետաքսի ճանապարհից մինչև Գյումրիում գտնված Ցին դինաստիայի գավաթը. 2 ժամ տևողությամբ պատմական ճանապարհորդության՝ հայոց պատմության չբացահայտված էջերով:

«Անդին» ֆիլմն արդեն հասանելի է նաև հայ հանդիսատեսի համար

ՍՏԵՓԱՆԱԿԵՐՏ, 27 ապրիլի, ԱՐՑԱԽՊՐԵՍ-ԱՐՄԵՆՊՐԵՍ: Ազգությամբ հայ ռեժիսոր Ռուբեն Գինեյի «Անդին: Հայոց ճանապարհորդության տարեգրություն» ֆիլմն օրեր առաջ վերջապես հասանելի դարձավ նաև համացանցում:
2011թ մեկնարկած և 3 տարի տևած նկարահանումների արդյունքում ֆիլմի հեղինակը հանդիսատեսին տեղափոխում է դեռ չբացահայտված աշխարհ և, միասին ճամփորդելով, օգնում բացահայտել հայ-չինական բարեկամական հարաբերությունների և Մետաքսի ճանապարհի այլ երկրների հետ կապերի պատմական անցյալը:

Ռեժիսորի խոսքերով, իրենց առաջնային նպատակն է եղել ստեղծել ֆիլմ, որը հետաքրկիր կլիներ ոչ միայն պատմաբաններին, այլև՝ հասարակ հանդիսատեսին:
«Նկարահանումների մեկնարկի պահից ես՝ որպես ռեժսիսոր, փորձեցի գիտական բացահայտումներն ու փաստերը շարադրել կինոյի լեզվով, բառը դարձնել տեսանյութ։ Անցել ենք 80.000 կմ, ինչը համազոր է նրան, եթե մենք երկու անգամ պտույտ կատարեինք մոլորակի շուրջ՝ միայն թե ցույց տանք հանդիսատեսին այն ամենը, ինչի մասին գրված էր գիտական հոդվածներում կամ վաղուց մոռացված առասպելներում»-, նշում է ֆիլմի ռեժիսոր Ռուբեն Գինեյը:
2014թ․ Երևանի «Մոսկվա» կինոթատրոնում տեղի ունեցած փակ պրեմիերայից հետո ֆիլմը դուրս եկավ միջազգային շուկա, հասավ նույնիսկ Ստամբուլ և այստեղ ևս պատմեց հայոց պատմության դեռ չբացահայտված դրվագների մասին: 6 տարվա ընթացքում ֆիլմը հայ հանդիսատեսի համար դեռ մնում էր չբացահայտված, մինչդեռ աշխարհի տասնյակ ազգեր շարունակում էին նորովի բացահայտել Հայաստանն ու հայոց պատմությունը: Ֆիլմի ռեժիսորը նշում է, որ մեծ ցանկություն կար հայ հանդիսատեսին ցուցադրել ֆիլմը, սակայն երկրում իրար հաջորդող ներքաղաքական իրադարձություններն անընդհատ ձգձգում էին այդ պահը:
«Վերջին տարիներին մշակութային թեմաներն ու նորությունները կարծես այնքան էլ արդիական չէին՝ այն էլ երկրի սահմաններից դուրս կատարվող: Անկասկած, կային մարդիկ, ովքեր  պատրաստ էին Հայաստանում ֆիլմը հասցնել հանդիսատեսին, բայց զգում էինք, որ դեռ ժամանակը չի հասունացել: 2019-ին փորձ արեցին, և www.andindoc.com կայքում  հանդիսատեսը կարող էր ձեռք բերել ֆիլմը: Բայց այսօր, երբ հազարավոր մարդիկ մեկուսացված են տանը, իսկական ժամանակն է հնարավորություն տալ հանդիսատեսին ճամփորդել և բացահայտել պատմության նոր էջեր»-, նշում է ֆիլմի ռեժիսոր Ռուբեն Գինեյը:
Ֆիլմն ինքնին պատմական արժեք է ոչ միայն Հայաստանի, այլև Չինաստանի և Միջին Արևելքի այլ երկրների համար, քանի որ նկարահանումների ընթացքում բազում գտածոներ են հայտնաբերվել: Գտնվել են կորած համարվող փաստաթղթեր (Չինաստանի 19-րդ դարի հայկական համայնքի կանոնադրություն), բացահայտվել է 700 տարվա հնություն ունեցող հայկական տառերով հայտնի Պանտուսովյան քարի գտնվելու վայրը, Գյումրիում գտնվել է չինական Ցին դինաստիայի գավաթը, առաջին անգամ ցուցադրվել է չինական Աստվածաշնչի հեղինակ Յոհաննես Լասարի կենսագրությունը: Պատմության մեջ առաջին անգամ վերականգնվել է նաև Դվին քաղաքի տեսքը 3D պատկերով:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Նախագահի նոր նշանակումները. Կարեն Սարգսյանը նշանակվել է Արցախի արտակարգ իրավիճակների պետական ծառայության տնօրեն

Հայտնի է Արցախի նոր կառավարության և պետական կառավարման այլ մարմինների կառուցվածքը

Նախագահ Արայիկ Հարությունյանը նոր նշանակումներ է արել

Կարեն Դանիելյանը նշանակվել է Արցախի նախագահի աշխատակազմի ղեկավար

Արայիկ Հարությունյանն ու Սամվել Բաբայանը համագործակցության հուշագիր են ստորագրել

Ոստիկանության գնդապետ Աշոտ Հակոբջանյանը նշանակվել է Արցախի Հանրապետության ոստիկանության պետ

Եկեք հունիսի 1-ին, իսկապես, փորձենք պաշտպանել մեր երեխաների առողջությունը.Գրիգորի Մարտիրոսյան

Սամվել Շահրամանյանը նշանակվելու է ԱՀ Ռազմահայրենասիրության, երիտասարդության, սպորտի և զբոսաշրջության նախարար, Կամո Աղաջանյանը՝ ԱԱԾ տնօրեն (Տեսանյութ)

Փոփոխություններ կլինեն շրջվարչակազմերի ինստիտուտում. Արայիկ Հարությունյանը մանրամասներ է ներկայացրել

Search