Artsakhpress

Ռազմական

Դուք իրականությունից հեռու եք այնքանով, որքանով իմ մասին Ձեզ տեղեկություն տրամադրողները. Սամվել Կարապետյանի արձագանքը

Արցախի Ազատամարտիկների միության նախագահ, Արցախի հերոս Սամվել Կարապետյանն արձագանքել է ֆեյսբուքյան օգտատեր Մարինա Խաչատրյանի՝ իր հասցեին արած հայտարարություններին:

Դուք իրականությունից հեռու եք այնքանով, որքանով իմ մասին Ձեզ տեղեկություն տրամադրողները. Սամվել Կարապետյանի արձագանքը

ՍՏԵՓԱՆԱԿԵՐՏ, 2 ապրիլի, ԱՐՑԱԽՊՐԵՍ:  «Օրերս ոմն Մարինա Խաչատրյան փորձում էր իր երևակայության շրջանակում լուտանքներ ու մեղադրանքներ հնչեցնել իմ անվան շուրջ (տես՝ https://www.facebook.com/profile.php?id=100042929170875): Իհարկե, կարելի էր ուշադրություն չդարձնել այդ ամենին և թողնել անպատասխան: Սակայն քանի որ արդեն ոչ թե որոշների, այլ, ցավոք, շատերի մոտ մեր լռությունն ընկալվում է որպես «համաձայնություն», ուստի ստիպված եմ համառոտ պատասխանել տվյալ «մեղադրանքներին»: Եվ այսպես հարգելի տիկին Խաչատրյան Դուք ասում եք՝

1. «2016թ. ապրիլին դու ապտակել ես Արայիկ Հարությունյանին... Հիմա ինչո՞ւ ես կանգնել Արայիկի կողքին, ինչու ես Արայիկին սատարում»:

Պատասխանում եմ՝ Դուք ստում եք, իմ և Արայիկ Հարությունյանի միջև նման միջադեպ չի եղել: Ինչ վերաբերում է սատարելուն, ապա ես իմ կենսագրությամբ ապացուցել եմ, որ մշտապես սատարել և սատարելու եմ մեկին, և այդ մեկը իմ Հայրենիքն է...

2.Աղաղակում եք իմ ունեցած հարստության և այն կորցնելու վախի մասին:

Պատասխանում եմ՝ իմ ամենամեծ հարստությունը մարմնիս վրա պատերազմից մնացած սպիերն են և այն ազատագրված տարածքները, որով այսօր աշխարհին ներկայանում է Արցախի Հանրապետությունը: Համոզված եղեք, ես չեմ վախենում այն կարցնելու վտանգից, քանի որ Արցախը պահում են իմ, այլ ոչ թե քո նմանները:

3.Հարցնում եք, թե ինչ պաշտոն էի զբաղեցնում և, միաժամանակ ավելացնում, որ, այն հատուկ իմ հագով կարված կոստյում էր...

Պատասխանում եմ՝ այստեղ ևս պետք է հիասթափեցնեմ. 1988թ.-ից սկսելով ընդհատակյա զինված պայքար, շարքայինից հասել եմ, նախ՝ բանակի հրամանատարի առաջնային գծով տեղակալի, իսկ 2007-ից՝ ԱՀ ՊՆ տեղակալի պաշտոնին: Ամենայն հավանականությամբ Ձեզ հետաքրքրում է պաշտպանության նախարարի տեղակալի պաշտոնը: Ասեմ, որ այդ հաստիքը ստեղծվել է 1999թ. օգոստոսին: Ստեղծման պահից մինչև 2005թ. տվյալ պաշտոնն զբաղեցրել է Վիտալի Բալասանյանը: Կարծում եմ համոզվեցիք, որ այդ «կոստյումը հատուկ իմ հագով չէր կարված»:

4.Եվ վերջապես, ինձ կասկածում եք տղամարդ չլինելու, թասիբ և ինքնասիրություն չունենալու մեջ: Ավելին, ինձ կպցնում եք թալանչու պիտակ...

Պատասխանում եմ՝ հարգելի տիկին Խաչատրյան Դուք իրականությունից հեռու եք այնքանով, որքանով իմ մասին Ձեզ տեղեկություն տրամադրողները... Եղբայրաբար խորհուրդ կտայի՝ որևէ մեկի մասին խոսելուց կամ հրապարակավ կարծիք հայտնելուց, նրա անձին վերաբերվեք այնպես, ինչպես կցանկանայիք վերաբերվեին Ձեզ:

Հ. Գ. - Քանի որ այսօր ապրիլի 2-ն է, կցանկանայի առիթից օգտվելով Ձեզ և այս տողերը ընթերցողներին հիշեցնել, որ ուղիղ 4 տարի առաջ՝ այս օրը, սկսվեց քառօրյա պատերազմը: Այդ օրը ձեր խոնարհ ծառան ստանձնելով Սեյսուլանի (Մարտակերտ) ուղղության պաշտպանության ղեկավարումը, մեր քաջարի զինվորների անձնազոհ գործողությունների շնորհիվ, վերաազատագրեց հակառակորդի կողմից ընդամենը ժամեր առաջ գրավված դիրքերը: Ավաղ ունեցանք նաև կորուստներ: Ուզում եմ իմ խորին ցավակցությունը հայտնել բոլոր մեր զոհված մարտընկերների հարազատներին և ողջ ժողովրդին ու հավաստիացնել, որ մեր երկիրը կանգուն է հենց նման հերոսների կատարածի շնորհիվ»,- նշել է Սամվել Կարապետյանը:


     

Քաղաքական

ԵՄ արտգործնախարարները վերահաստատել են իրենց աջակցությունը Հայաստանին. Ստանո

ԵՄ անդամ 27 երկրների արտաքին գործերի նախարարների խորհրդի նիստի ընթացքում, ի թիվս այլ հարցերի, քննարկվել է նաեւ ԵՄ-ի աջակցությունը Հայաստանին, ինչպես նաեւ հայ-ադրբեջանական հարաբերությունների կարգավորման հարցը։

ԱԺ նախագահը և Չեխիայի դեսպանը մտքեր են փոխանակել Ադրբեջանում պահվող հայ գերիների վերադարձի շուրջ

ՀՀ ԱԺ նախագահ Ալեն Սիմոնյանը մարտի 18-ին ընդունել է Հայաստանի Հանրապետությունում Չեխիայի Հանրապետության արտակարգ և լիազոր դեսպան Պետր Պիրունչիկին:

Հայ դատի հանձնախումբն ԱՄՆ Կոնգրեսում քննարկումներ է կազմակերպել Լեռնային Ղարաբաղի հայերի իրավունքների թեմայով

Ամերիկայի հայ դատի հանձնախմբի կողմից Միացյալ նահանգների Կոնգրեսում կազմակերպվել է «Ցեղասպանության հակադարձում․ Արցախի բնիկ հայերի իրավունքների և անվտանգ վերադարձի ապահովում» խորագրով երկօրյա քննարկում։

Հայաստանը գործադրում է բոլոր ջանքերն Ադրբեջանի հետ խաղաղության պայմանագրի ստորագրման համար․ Միրզոյան

Հայաստանի արտաքին գործերի նախարար Արարատ Միրզոյանը Ղազախստանի արտաքին գործերի նախարար Մուրատ Նուրտլեուին ներկայացրել է Հարավային Կովկասում տիրող իրավիճակը և Հայաստանի և Ադրբեջանի միջև հարաբերությունների կարգավորման գործընթացը։

Տնտեսական

Հասարակական

Այսօր եկեղեցին նշում է Ս. Գրիգոր Լուսավորչի սոսկալի չարչարանքների և Վիրապ մտնելու տոնը

Մարտի 16-ին Արարատյան Հայրապետական թեմի բոլոր եկեղեցիներում կմատուցվի բաց Խորանով Ս. Պատարագ:

ՀՀ իշխանությունները պետք է հասնեն Ադրբեջանի կողմից Արցախի գերեվարված ռազմաքաղաքական ղեկավարների և բոլոր գերիների առանց պայմանի ազատ արձակմանը․ Մայր Աթոռ

Ն․Ս․Օ․Տ․Տ․ Գարեգին Երկրորդ Ամենայն Հայոց Կաթողիկոսի նախագահությամբ Հայաստանի եպիսկոպոսները և թեմակալ առաջնորդները հանդես են եկել հայտարարությամբ Արցախի Հանրապետության գերեվարված ռազմաքաղաքական ղեկավարների հիմնարար իրավունքների ոտնահարման դեպքերի վերաբերյալ։

Մշակվել է ծրագիր, որի միջոցով ԼՂ-ից բռնի տեղահանվածները կարող են ուսում ստանալ և աշխատանքի անցնել պետական աջակցությամբ

Մշակվել է ծրագիր, որի միջոցով Լեռնային Ղարաբաղից բռնի տեղահանվածները կարող են ուսում ստանալ և աշխատանքի անցնել պետական աջակցությամբ:

Ադրբեջանցիներն Արցախում ավերել են զոհված զինծառայողներին նվիրված հուշահամալիրը, անհետացրել է 13-րդ դ. արձանագիր խաչքարը

Ադրբեջանցիներն ավերել են Արցախի Ծար գյուղում գտնվող արցախյան ազատամարտում զոհված հայ զինծառայողներին նվիրված հուշահամալիրը, անհետացրել 1224 թ․ արձանագիր խաչքարը։

Ռազմական

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Հունաստանի պաշտպանության նախարարը ժամանել է Հայաստան

Հայաստանի պաշտպանության նախարար Սուրեն Պապիկյանի հրավերով Հայաստան է ժամանել Հունաստանի ազգային պաշտպանության նախարար Նիկոս Դենդիասի գլխավորած պատվիրակությունը։

Հունաստանի պաշտպանության նախարարը ժամանել է Հայաստան

Հայաստանի պաշտպանության նախարար Սուրեն Պապիկյանի հրավերով Հայաստան է ժամանել Հունաստանի ազգային պաշտպանության նախարար Նիկոս Դենդիասի գլխավորած պատվիրակությունը։

Տեսանյութեր

ավելին

Ամենադիտված

ամիս

շաբաթ

օր

ԼՂ-ից բռնի տեղահանվածների համար նախատեսված «40+10 հազար» ծրագիրը կշարունակվի առնվազն մինչև տարեվերջ

Բեռլինում Արցախի մշակութային ժառանգության մասին գրքի շնորհանդեսը չեղարկվել է «միջոցառման դեմ զանգվածային արշավի և էսկալացիայի վտանգի» պատճառով

Ռուբլին, եվրոն և դոլարը էժանացել են

ԼՂ-ից բռնի տեղահանված 7 ընտանիք 16 միլիոն դրամ կստանա՝ սահմանամերձ գյուղերում բնակարան կառուցելու համար

ՀՀ տարածքում կան փակ ավտոճանապարհներ

Անահիտ Մանասյանը մասնակցել է Հիմնարար իրավունքների ֆորումին

Բանակցային օրակարգ ներառել Արցախի ժողովրդի՝ միջազգային երաշխիքներով Արցախ վերադառնալու հարցը. Հայտարարություն

Մշակվել է ծրագիր, որի միջոցով ԼՂ-ից բռնի տեղահանվածները կարող են ուսում ստանալ և աշխատանքի անցնել պետական աջակցությամբ

Հայ պատանի թենիսիստներն արծաթե մեդալ են նվաճել Եվրոպայի մինչև 14 տարեկանների զարգացման առաջնության զուգախաղի մրցումներում

Search