Ստեփանակերտի 1/8 ընտրատեղամասում համապետական ընտրություններն անցնում են առանց խախտումների:
Ստեփանակերտի 1/8 ընտրատեղամասում քաղաքացիների ակտիվ հոսք կա. Հանձնաժողովի նախագահ
ՍՏԵՓԱՆԱԿԵՐՏ, 31 մարտի, ԱՐՑԱԽՊՐԵՍ։ Այս մասին «Արցախպրես»-ի թղթակցի հետ զրույցում ասել է ընտրատեղամասի հանձնաժողովի նախագահ Նաիրա Պետրոսյանը: Նրա խոսքով՝ ժամը 11:00-ի դրությամբ 860 ընտրողներից քվեարկել է 233-ը: «Մեր ժողովուրդը գիտակցելով, որ այսօր ընտրում ենք հանրապետության նախագահ ու Խորհրդարան, չնայած համաշխարհային իրավիճակին, ակտիվ մասնակցություն է ցուցաբերում ընտրություններին: Առայժմ անճշտություններ և խախտումներ չենք ունեցել: Պետք է նշեմ, որ ընտրատեղամասում կան և՛ վստահված անձինք, և՛ դիտորդներ, և՛ տարբեր զանգվածային լրատվամիջոցների ներկայացուցիչներ».,- նշել է Ն. Պետրոսյանը:
Նշենք, որ ընտրությունների ողջ ընթացքում 48 ընտրատեղամասերում իրականացվում է ուղիղ հեռարձակում: