Artsakhpress

Տնտեսական

Ֆինանսների նախարարությունը Վիտալի Բալասանյանից փաստեր է պահանջում

ԱՀ Նախագահի թեկնածու Վիտալի Բալասանյանն այսօր իր ֆեյսբուքյան էջով հանդես է եկել հայտարարությամբ՝ մասնավորապես, նշելով, որ ֆինանսների նախարարության ենթակայության տակ գտնվող հարկային մարմինների միջոցով ահաբեկում են տնտեսավարող սուբյեկտների աշխատակիցներին, վախեցնելով, որ ընտրություններից հետո հարկային ստուգումներ են ձեռնարկելու այն կազմակերպություններում, որոնց աշխատակիցները չեն քվեարկի իշխանության թեկնածու Արայիկ Հարությունյանի օգտին:

Ֆինանսների նախարարությունը Վիտալի Բալասանյանից փաստեր է պահանջում

Ֆինանսների  նախարարությունը  Վիտալի  Բալասանյանից    փաստեր    է    պահանջում

ՍՏԵՓԱՆԱԿԵՐՏ, 28 մարտի, ԱՐՑԱԽՊՐԵՍ։ Այս մասին «Արցախպրես»-ին տեղեկացրել են ԱՀ ֆինանսների նախարարությունից:

Ֆիննախից ի պատասխան հայտնում են, որ հարկային մարմինը, լինելով ապաքաղաքականացված, որևէ թեկնածուի օգտին քարոզչություն չի իրականացրել և չի իրականացնելու։

«Այդ հիմնազուրկ և կեղծ մեղադրանքները հնչեցնելու փոխարեն՝ գրառման հեղինակից պահանջում ենք ներկայացնել գոնե մեկ հիմնավոր ապացույց, որը կփաստի գրառման ճշմարտացիությունը։ Մեր պահանջները կատարելու դեպքում՝ պատրաստ ենք օրենքի ողջ խստությամբ պատասխանատվության ենթարկել այն հարկային ծառայողներին, ովքեր թույլ են տվել հարկային ծառայողի վարքագծի կանոնների խախտում։ Ողջամիտ ժամկետում փաստեր չներկայացնելու դեպքում՝ գրառման հեղինակից պահանջում ենք հրապարակային հերքել անհարկի շահարկումներ պարունակող հայտարարությունը, այլապես դա կդիտարկվի hարկային համակարգի համբավը արատավորելու միջոցով քաղաքական դիվիդենտներ շահելու էժանագին փորձ։ Միաժամանակ հայտնում ենք, որ հարկային մարմինն այսուհետ ևս կշարունակի իրականացնել իր առաքելությունը՝ ԱՀ Սահմանադրությամբ և «Հարկային ծառայության մասին» ԱՀ օրենքով իրեն վերապահված լիազորությունների շրջանակում՝ ապահովելով հարկային օրենսդրության ամբողջական և համահավասար կիրառումը»,-ասված է հայտարարության մեջ։


     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Սոցիալական նոր ծրագրերի և տարբեր խնդիրների շուրջ Արցախի նախագահը խորհրդակցություն է հրավիրել

Քիմ Քարդաշյանը հայտնել է արցախցի երեխաներին ուղղված «Թաքնված ճանապարհ» նախաձեռնության մասին

Արցախում ռազմական գործողությունների դադարեցումից հետո երկու լիբանանահայ է անհետացել

Շրջվարչակազմի ղեկավարը ներկայացրել է Քաշաթաղի բնակավայրերի տարհանման ներկա ընթացքը

Ավելի քան 50 000 արցախցի վերադարձել է Արցախ. նախարար Ժիրայր Միրզոյանը մանրամասնում է ծրագրերը

25 ռազմական տրանսպորտային միջոցից կազմված թուրքական շարասյունը մտել է Սիրիայի տարածք և ուղևորվել դեպի Իդլիբ

Լեռնային Ղարաբաղում իր աշխատանքն է սկսում հումանիտար արձագանքման ռուսական կենտրոնը

Ռուսաստանն ու Թուրքիան տարաձայնություններ ունեն, քանի որ Անկարան ցանկանում է Ադրբեջանի տարածքում ռազմական դիտորդական անկախ կենտրոն հիմնել. Reuters

Վերջին մեկ ժամվա ընթացքում երկու անգամ հեռախոսազրույց ունեցա Ռուսաստանի Դաշնության նախագահ Վլադիմիր Պուտինի հետ. Փաշինյան

Search